PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ମହଙ୍ଗା ହେଲା ଅମୁଲ ଓ ମଦର ଡାଏରୀ କ୍ଷୀର ଦାମ୍, ଲିଟର ପ୍ରତି ବଢିଲା ୨ ଟଙ୍କା
  • ||
  • ଜମ୍ମୁ-କାଶ୍ମୀରରେ ୩୯ ଜଣ ଆଇଟିବିପି ଯବାନଙ୍କୁ ନେଇ ଯାଉଥିବା ବସ୍‌ ନଦୀରେ ଖସିଲା, ୭ ମୃତ
  • ||
  • ସୁନ୍ଦରଗଡ଼ : ଲଗାଣ ବର୍ଷାରେ ବେହାଲ ହେମଗିର ବ୍ଲକ, ଭାଙ୍ଗିଗଲା ୧୨ ଘର
  • ||
  • ଭୁବନେଶ୍ଵର : ବନ୍ୟା ପରିସ୍ଥିତି ସମୀକ୍ଷା କଲେ ମୁଖ୍ୟମନ୍ତ୍ରୀ, ୧୦ଟି ଜିଲ୍ଲାର ଜିଲ୍ଲାପାଳଙ୍କୁ ସତର୍କ ରହିବାକୁ ନିର୍ଦ୍ଦେଶ
  • ||
  • ଭୁବନେଶ୍ଵର : ରାଜ୍ୟରେ ବନ୍ୟା ମୁକାବିଲା ପାଇଁ ପ୍ରସ୍ତୁତ ସରକାର, ୭ଦିନ ଯାଏଁ ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ
  • ||
  • ଭୁବନେଶ୍ଵର : ରାଜ୍ୟରେ ୩ ଦିନ ପ୍ରବଳ ବର୍ଷା ସମ୍ଭାବନା
  • ||
  • ଭୁବନେଶ୍ଵର : ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ଆବଶ୍ୟକ ପଦକ୍ଷେପ ନେବେ ଜିଲ୍ଲାପାଳ- ଏସଆରସି
  • ||
  • ନୟାଗଡ଼ : ନୟାଗଡ଼ର ୩୦ଟି ବିଦ୍ୟାଳୟକୁ ଛୁଟି ଘୋଷଣା
  • ||
  • କଟକ : ମୁଣ୍ଡଳୀ ନିକଟରେ ବିପଦ ସଙ୍କେତ ଟପିଲା ମହାନଦୀର ଜଳସ୍ତର
  • ||
  • ଭଦ୍ରକ : ବୈତରଣୀରେ ବନ୍ୟା, ଧାମନଗର ଓ ଭଣ୍ଡାରିପୋଖରୀ ବ୍ଲକର ୩୫ରୁ ଉର୍ଦ୍ଧ୍ଵ ଗାଁ ଜଳବନ୍ଦୀ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୨୫୫ ପଜିଟିଭ୍ ଚିହ୍ନଟ
  • ||
  • ବଲାଙ୍ଗୀର : ବଲାଙ୍ଗୀରରେ ବିଭତ୍ସ ହତ୍ୟା, ମାଆ ସମ୍ମୁଖରେ ପୁଅକୁ ଖଣ୍ଡାରେ ହାଣିଲେ ଦୁର୍ବୃତ୍ତ
  • ||

୨୦୧୯ ଭୋଟ୍‌ ପାଇଁ ସଂକଳ୍ପ ପତ୍ର ୱେବ୍‌ସାଇଟ ଲୋକାର୍ପିତ

ଭୁବନେଶ୍ୱର,୨୭ ।୧(ବ୍ୟୁରୋ): କାଳିଆ ଯୋଜନା କେବଳ ଚାଷୀଙ୍କ ହିତ ପାଇଁ ନୁହେଁ ବରଂ ପ୍ରତାରଣା କରିବା ପାଇଁ ଆରମ୍ଭ ହୋଇଛି । ଏହାକୁ ସଠିକ୍‌ ଭାବେ କାର୍ଯ୍ୟକାରୀ କରାଯାଇ ପାରିବ ନାହିଁ । ଆଗାମୀ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ରାଜ୍ୟ ରାଜକୋଷର ଅର୍ଥକୁ ଦଳୀୟ ଭିତିରେ ବଣ୍ଟନ କରିବା ପାଇଁ ଏହି ଯୋଜନା କରାଯାଇଛି । ରାଜ୍ୟସରକାର ଚାଷୀ ଚିହ୍ନଟ କରି ତାଲିକା ପ୍ରକାଶ କରିବାରେ ଫେଲ୍‌ ମାରିଥିଲା ବେଳେ ହଠାତ୍‌ ଚାଷୀମାନଙ୍କୁ କିପରି ଚିହ୍ନଟ କଲେ ଏବଂ ଚାଷୀମାନଙ୍କ ସଂଖ୍ୟା ନିରୂପଣ କରି କାଳିଆ ଯୋଜନାରେ ସାମିଲ କଲେ ତାହା ବିରାଟ ପ୍ରଶ୍ନବାଚୀ ସୃଷ୍ଟି କରିଛି । ଏହି ଯୋଜନା ତ୍ରୃଟିଯୁକ୍ତ ଏବଂ ପ୍ରତାରଣାପୂର୍ଣ୍ଣ ବୋଲି ବିଜେପିର ବରିଷ୍ଠ ନେତା ବିଶ୍ୱଭୂଷଣ ହରିଚନ୍ଦନ କହିଛନ୍ତି ।
ବିଜେପି ସଂକଳ୍ପପତ୍ର ୱେବସାଇଟ୍‌ ଲୋକାର୍ପିତ କରି ଶ୍ରୀ ହରିଚନ୍ଦନ ଏହା କହିଛନ୍ତି । ସେ ଅଭିଯୋଗ କରିଛନ୍ତି, ରାଜ୍ୟ ସରକାର କାଳିଆ ଯୋଜନାରେ ତାଲିକା ତିଆରି ନକରି କୃଷି ଶ୍ରମିକମାନଙ୍କୁ ଅନ୍ତର୍ଭୁକ୍ତ କରିବା ଅତ୍ୟନ୍ତ ହାସ୍ୟାସ୍ପଦ ଘଟଣା । ଆଜି ପର୍ଯ୍ୟନ୍ତ କୃଷି ଶ୍ରମିକ ମାନେ ସଙ୍ଗଠିତ ନୁହଁନ୍ତି ଏବଂ ସେମାନଙ୍କର ତାଲିକା ବି ରାଜ୍ୟ ସରକାରଙ୍କ ପାଖରେ ନାହିଁ । ସେହିପରି ପଶୁପାଳନ କରୁଥିବା ଚାଷୀ ଚିହ୍ନଟ ତାଲିକା ପ୍ରସ୍ତୁତ ହୋଇନାହିଁ । ଏଣୁ ଏହି ଯୋଜନାରେ ବ୍ୟାପକ ମାତ୍ରାରେ ଦୁର୍ନୀତି ହେବ । ଶାସକ ବିଜେଡି ରାଜକୋଷର ଅର୍ଥକୁ ହରିଲୁଟ୍‌ କରି ନିର୍ବାଚନ ଲାଞ୍ଚ ଭାବେ ଦଳୀୟ ଭିତିରେ ବାଣ୍ଟିବାର ଷଡଯନ୍ତ୍ର ରଚିଛନ୍ତି । ପୂର୍ବରୁ ରାଜ୍ୟସରକାର ଯୋଗ୍ୟତା ନଥାଇ ଦଳୀୟ ଭିତିରେ ଜାତୀୟ ଖାଦ୍ୟ ସୁରକ୍ଷା କାର୍ଡ ବାଣ୍ଟି ପଛରେ ଜେଲରେ ପୂରାଇବା ଭଳି ଏ କାଳିଆ ଯୋଜନା ହେବ ।
ଆଜି ସଂକଳ୍ପ ପତ୍ର ସମିତିର ଦ୍ୱିତୀୟ ବୈଠକ ଅନୁଷ୍ଠିତ ହୋଇଛି । ପ୍ରଥମେ କୃଷି ସମସ୍ୟା ଉପରେ ଆଲୋଚନ ହୋଇଛି । ଚାଷ ଓ ଚାଷୀଙ୍କୁ ଅଗ୍ରାଧୀକାର ଦିଆଯିବ । କୃଷିର ବିକାଶ ହେଲେ ରାଜ୍ୟର ବିକାଶ ହେବ । ମୁଖ୍ୟତଃ ଚାଷ ଓ ଚାଷୀଙ୍କୁ ପ୍ରାଧାନ୍ୟ ସଂକଳ୍ପ ପତ୍ର ତଥା ନିର୍ବାଚନ ଇସ୍ତାହାରରେ ପ୍ରକାଶ ପାଇବ ବୋଲି ଶ୍ରୀ ହରିଚନ୍ଦନ କହିଛନ୍ତି । ଏଥିପାଇଁ ଆଜି ବିଜେପି ସଂକଳ୍ପ ପତ୍ର ସମିତି ପକ୍ଷରୁ ୱେବସାଇଟ ଆରମ୍ଭ କରାଯାଇଛି ।https://bjpodishasankalppatra.com/ ଏହି ୱେବ ସାଇଟ ମାଧ୍ୟମରେ ରାଜ୍ୟର ଜନସାଧାରଣ ସେମାନଙ୍କର ବହୁ ମୂଲ୍ୟ ମତାମତ ଦେଇ ପାରିବେ ବୋଲି ଶ୍ରୀ ହରିଚନ୍ଦନ କହିଛନ୍ତି ।

ସମ୍ବନ୍ଧିତ ଖବର