PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲେଖକ ସଲମାନ ରୁଶଦୀଙ୍କୁ ଆକ୍ରମଣ , ପଶ୍ଚିମ ନ୍ୟୁୟର୍କର ଏକ କାର୍ଯ୍ୟକ୍ରମରେ ମଞ୍ଚ ଉପରେ ଭାଷଣ ଦେଇଥିବା ବେଳେ ଛୁରାମାଡ଼ , ରକ୍ତ ଜୁଡୁବୁଡୁ ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ଲକ୍ଷ୍ନୌ : ସ୍ୱାଧିନତା ଦିବସ ପୂର୍ବରୁ ୟୁପି ଏଟିଏସ୍‌କୁ ବଡ଼ ସଫଳତା । ସହାରନପୁରରୁ ଦୁଇ ଆତଙ୍କବାଦୀଙ୍କୁ କଲା ଗିରଫ । ସ୍ୱାଧିନତା ଦିବସରେ ବଡ଼ ହମଲା କରିବାର ଯୋଜନା କରୁଥିଲେ
  • ||
  • କୋଏମ୍ବାଟୁର : ବେଙ୍ଗାଲୁରରୁ ମାଳଦ୍ୱୀପର ମାଲେ ଯାଉଥିବା ଗୋ ଫାଷ୍ଟ ବିମାନର ଜରୁରୀ ଅବତରଣ, ୯୨ ଯାତ୍ରୀଙ୍କୁ ନେଇ ଯାଉଥିବାବେଳେ ତାତି ଗଲା ଇଞ୍ଜିନ
  • ||
  • ଉଦୟପୁର : ଉଦୟପୁର କହ୍ନୈୟାଲାଲ ହତ୍ୟାକାଣ୍ଡରେ କଥିତ ଷଡ଼ଯନ୍ତ୍ରକାରୀ ମୁସ୍ଲିମ୍ ଖାନକୁ ଗିରଫ କଲା ଏଏନଆଇ
  • ||
  • ଅନନ୍ତନାଗ : ଜମ୍ମୁ-କଶ୍ମୀରର ଅନନ୍ତାଗରେ ପୁଲିସ୍ ଓ ସିଆରପିଏଫ ଯବାନଙ୍କ ମଳିତ ପାର୍ଟି ଉପରେ ଆତଙ୍କବାଦୀ ଆକ୍ରମଣ, ଆହତ ପୋଲିସ କର୍ମୀ ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ଭାରତୀୟ ବାୟୁସେନାର ଏକ ଦଳ ମାଲେସିଆ ଗସ୍ତରେ ଯାଇଛନ୍ତି, ଏହି ଦଳ ଦୁଇଦେଶ ମଧ୍ୟରେ ଦ୍ବିପାକ୍ଷୀକ ଯୁଦ୍ଧାଭ୍ୟାସକୁ ନେଇ ଆୟୋଜିତ କାର୍ଯ୍ୟକ୍ରମ ‘ଉଦାରଶକ୍ତି’ରେ ଭାଗ ନେବେ
  • ||
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ଟଙ୍କା ଲୁଟିବାକୁ‘ଭଡ଼ା ଅଫିସ୍‌’, ନିଜସ୍ୱ ବିଲ୍ଡିଂ ଫାଙ୍କା

ଭୁବନେଶ୍ୱର,୪ା୨(ବ୍ୟୁରୋ): କୋଟି କୋଟି ଟଙ୍କା ଖର୍ଚ୍ଚରେ ତିଆରି ନିଜସ୍ୱ ବିଲ୍ଡିଂ ଫାଙ୍କା ପଡି଼ଛି । କେଉଁଠି ଅଳନ୍ଧୁ ଲାଗିଗଲାଣି ତ, ଆଉ କେଉଁଠି ଉଇ ହୁଙ୍କା ଠିଆ ହେଲାଣି । ଆଉ କିଛି ଜାଗାରେ ରକ୍ଷଣାବେକ୍ଷଣା ଅଭାବରୁ ପୁରୁଣା ବିଲ୍ଡିଂ ଖତ ଖାଉଛି । ସେ ସବୁକୁ ବିଏମ୍‌ସିର ଖାତିର ନାହିଁ । କିନ୍ତୁ ନିଜ ମାଲିକାନାରେ ଥିବା ମାଳ ମାଳ ବିଲ୍ଡିଂ ଛାଡ଼ି ଏବେ ଭଡ଼ା ଘର ପଛରେ ପଡ଼ିଛି ବିଏମ୍‌ସି । ନିଜସ୍ୱ ବିଲ୍ଡିଂରେ ଚାଲିଥିବା ଜୋନ୍‌ ଅଫିସ୍‌କୁ ଭଡ଼ା ଘରକୁ ଉଠାଇ ନିଆଯାଇଛି । ଅଫିସ୍‌ ବାବଦରେ ରାଜସ୍ୱରୁ ମାସକୁ ୭୫ହଜାର ଟଙ୍କା ଭଡ଼ା ଗଣାଚାଲିଛି ।

ଭତ୍ତା ଦୁର୍ନୀତି, ଅଳିଆ ଦୁର୍ନୀତି ପରେ ବିଏମ୍‌ସି ମୁଣ୍ଡିଆଳମାନେ ଟଙ୍କା ଖାଇବାକୁ ଏବେ ନୂଆ ତରିକା ଧରିଛନ୍ତି । ଏବେ ଟଙ୍କା ଲୁଟିବାକୁ ବିଏମ୍‌ସିର ସାଉଥ୍‌ ଇଷ୍ଟ ଜୋନ୍‌ ବା ଦକ୍ଷିଣ-ପୂର୍ବ ମଣ୍ଡଳର ଅଫିସ୍‌ ଏକ ଭଡ଼ା ବିଲ୍ଡିଂକୁ ଉଠାଇ ନେଇଛନ୍ତି । ସାମନ୍ତରାପୁର ଭୁଆସୁଣୀ ମନ୍ଦିର ପାଖରେ ଥିବା ଏକ ବିଲ୍ଡିଂରେ ଏହି ଜୋନ୍‌ ଅଫିସ୍‌ ଚାଲିଛି । ପ୍ରାୟ ୬ ମାସ ତଳୁ ବିଏମ୍‌ସିର ମୁଖ୍ୟ କାର୍ଯ୍ୟାଳୟର ଓଏପି ସେକ୍ସନ୍‌ ପାଖରେ ଚାଲିଥିବା ଏହି ଜୋନ୍‌ ଅଫିସ୍‌ରୁ ସେଠାକୁ ଉଠାଇ ନିଆଯାଇଛି । ଭଡା ବାବଦକୁ ମାସକୁ ୭୫ ହଜାର ଟଙ୍କା ଦେବାକୁ ଧାର୍ଯ୍ୟ ହୋଇଛି । ୩ ବର୍ଷ ପାଇଁ ଆଗୁଆ ୩ଲକ୍ଷ ଟଙ୍କାର ସିକ୍ୟୁରିଟି ମଧ୍ୟ ଜମା ଦେଇଛି ବିଏମ୍‌ସି ।

ଲୋକଙ୍କୁ ହାତପାଅ।।ନ୍ତାରେ ସେବା ଯୋଗାଇବାକୁ ବିଏମସି ସହରର ୩ଟି ସ୍ଥାନରେ ଜୋନ୍‌ ଅଫିସ୍‌ ଖୋଲଛି । ସହିଦନଗର, କଟକ ରୋଡ୍‌ ଅଞ୍ଚଳ, ସବୁ ୟୁନିଟ୍‌ ଅଞ୍ଚଳ, ବମିଖାଲ, ପୁରୁଣା ଭୁବନେଶ୍ୱର ଅଞ୍ଚଳ ଦକ୍ଷିଣ-ପୂର୍ବ ଜୋନ୍‌ ଅଧୀନରେ ଆସୁଛି । କିନ୍ତୁ ଏହି ଅଞ୍ଚଳର ଲୋକଙ୍କୁ ସେବା ଦେବାକୁ ବିଏମ୍‌ସି ସାମନ୍ତରାପୁରକୁ ଅଫିସ୍‌ ଉଠାଇ ନେଇଛି । ସାମନ୍ତରାପୁର ଅଞ୍ଚଳର ଆଗକୁ ଗଲେ ବିଏମ୍‌ସି ସୀମା ସରୁଛି । ଏଣୁ କେଉଁ ସ୍ୱାର୍ଥରେ ସହର ଭିତରେ ଜୋନ୍‌ ଅଫିସ୍‌ ନ କରି ସହର ଉପକଣ୍ଠକୁ ଉଠାଇ ନିଆଯାଇଛି, ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।

ଭଡାରୁ ବେଶ୍‌ ମୋଟା ଅଙ୍କର କମିଶନ କାରବାର ହୋଇଛି ବୋଲି ମଧ୍ୟ କିଛି ତଳିଆ କର୍ମଚାରୀ ନିଜ ନାମ ଗୋପନ ରଖିବା ସର୍ତ୍ତରେ କହିଛନ୍ତି । ଖାଲି ସେତିକି ନୁହେଁ, ନୂଆ ଅଫିସ୍‌ ପାଇଁ ଅଫିସ ସାମଗ୍ରୀ କିଣା ଓ ପୁରୁଣା ଅଫିସ୍‌ରୁ ନୂଆ ଅଫିସ୍‌କୁ ସାମଗ୍ରୀ ସ୍ଥାନାନ୍ତର ବାବଦରେ ଲକ୍ଷାଧିକ ଟଙ୍କାର ବିଲ୍‌ ହୋଇଛି । ଏଥିରୁ ବି ବେଶ୍‌ ହାତସଫେଇ ହୋଇଛି ବୋଲି ଅଭିଯୋଗ ଆସିଛି ।

ସେପଟେ ବିଏମ୍‌ସିର ଅନେକ ନିଜସ୍ୱ ବିଲ୍ଡିଂ ଅପରିତ୍ୟକ୍ତ ହୋଇପଡ଼ିଛି । ଦକ୍ଷିଣ-ପୂର୍ବ ଜୋନ୍‌ ଅଧୀନରେ ସହରର ପ୍ରମୁଖ ସ୍ଥାନରେ ଥିବା ଅନେକ ବିଲ୍ଡିଂ ଫାଙ୍କା ପଡ଼ିଛି । ୟୁନିଟ୍‌-୪ରେ ପଞ୍ଚଦୀପ ମାର୍କେଟ୍‌ କମ୍ପେ୍ଲକ୍ସ ତିଆରି ହୋଇ ଖତ ଖାଉଛି । ସହିଦନଗର ବିଏମ୍‌ସି ଭବାନୀ ମଲ୍‌ରେ ବିଏମ୍‌ସି ଅଧୀନରେ ଥିବା ଅନେକ ବ୍ଲକ୍‌ ଫାଙ୍କା ପଡ଼ିଛି । ଯାତ୍ରୀ ନିବାସର ଦୁଇଟି ମହଲା ଅପରିତ୍ୟକ୍ତ ହୋଇ ରହିଛି । ମାର୍କେଟ୍‌ ବିଲ୍ଡିଂ ପାଖରେ ବିଏମ୍‌ସିର ବିଲ୍ଡିଂ, ସହିଦନଗର କଲ୍ୟାଣ ମଣ୍ଡପ, ଦକ୍ଷିଣ-ପୂର୍ବ ଜୋନ୍‌ର ଏକାଧିକ କମ୍ୟୁନିଟି ସେଣ୍ଟର ଓ ଅନ୍ୟ ବିଲ୍ଡିଂଗୁଡିକ ବ୍ୟବହାର ଅଭାବରୁ ନଷ୍ଟ ହେବାକୁ ବସିଲାଣି । କିନ୍ତୁ ବିଏମ୍‌ସି ଅଫିସରଙ୍କୁ ନିଜସ୍ୱ ବିଲ୍ଡିଂକୁ ଗନ୍ଧାଉଛି । ନିଜ ବିଚକ୍ଷଣ ବୁଦ୍ଧି ଖଟାଇ କିଭଳି ଓ କେଉଁ ବାଟରେ ଟଙ୍କା ଖାଇ ହେବ ସେ କାମରେ ମାତିଛନ୍ତି । ଏଥିପାଇଁ ଜୋନ୍‌ ଅଫିସ୍‌ ଭଡ଼ାକୁ ଟେକି ଦେଇଛନ୍ତି ।