ନିଆଳି,୦୯/୧୧: ଅଣ୍ଡା ପନିପରିବା ଦର ଆକାଶଛୁଆଁ । ଫଳରେ ମଧ୍ୟାହ୍ଣ ଭୋଜନ ପ୍ରସ୍ତୁତି ପାଇଁ ଚିନ୍ତାରେ ଅଙ୍ଗନବାଡ଼ କର୍ମୀ ଓ ଶିକ୍ଷକ, ଶିକ୍ଷୟିତ୍ରୀ । ପ୍ରତି ସ୍କୁଲରେ ମଧ୍ୟାହ୍ଣ ଭୋଜନ ପ୍ରସ୍ତୁତି ହେଉଛି । ହେଲେ ମଧ୍ୟାହ୍ନ ଭୋଜନର ମାନ ଦେଖି ଛାତ୍ରଛାତ୍ରୀ ମୁହଁ ଫେରାଉଥିବା ଥିବା ଦେଖିବାକୁ ମିଳିଛି । ପନିପରିବା ଓ ଅନ୍ୟ ସାମଗ୍ରୀର ଦର ବୃଦ୍ଧି ଯୋଗୁଁ କିଛି ସ୍କୁଲରେ ତରକରୀ ପରିବର୍ତ୍ତେ ପିଲାମାନଙ୍କୁ ସିଝା ଅଣ୍ଡା ଦିଆଯାଉଥିବା ଅଭିଯୋଗ ହେଉଛି । ଫଳରେ ମଧ୍ୟାହ୍ନ ଭୋଜନଠାରୁ ଦୂରେଇ ଯାଉଛନ୍ତି ଛାତ୍ରଛାତ୍ରୀ । ଏଭଳି ଦୃଶ୍ୟ ନିଆଳି ବ୍ଲକ୍ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ନିକଟ ସରକାରୀ ନୀଳମଣି ବାଳିକା ଉଚ୍ଚ ବିଦ୍ୟାଳୟରେ ଦେଖିବାକୁ ମିଳୁଛି ।
ଛାତ୍ରଛାତ୍ରୀଙ୍କୁ ତରକାରୀ ବଦଳରେ କେବଳ ସିଝା ଅଣ୍ଡା ଦିଆଯାଉଥିବା ଅଭିଯୋଗ ହେଉଛି । ଏହି ବିଦ୍ୟାଳୟରେ ୬ଜଣ ପାଚିକା ଓ ହେଲ୍ପରଙ୍କୁ ନିଯୁକ୍ତି ମିଳିଥିବା ବେଳେ ନିର୍ଦ୍ଧାରିତ ସମୟରେ ପିଲାଙ୍କୁ ଅଣ୍ଡା ଛଡ଼େଇ ଦିଆଯାଉ ନାହିଁ । ଏନେଇ ସମ୍ପୃକ୍ତ ସ୍କୁଲର ପ୍ରଧାନଶିକ୍ଷକଙ୍କୁ ପଚାରିବାରୁ ରୋଷେୟାଙ୍କ ମନମର୍ଜି ଯୋଗୁଁ ଏଭଳି ସମସ୍ୟା ସୃଷ୍ଟି ହୋଇଛି ବୋଲି କହିଛନ୍ତ
