PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ଆରୋନ୍‌ ଫିଞ୍ଚ, ଏବେ ବି ତାଙ୍କ ବିଶ୍ବ ରେକର୍ଡ ରହିଛି ଅତୁଟ
  • ||
  • ବିବାହ ବନ୍ଧନରେ ବାନ୍ଧିହେଲେ ସିଦ୍ଧାର୍ଥ ଓ କିଆରା, ସୂର୍ଯ୍ୟଗଡ ପ୍ୟାଲେସ୍‌ରେ ହେଲା ବାହାଘର
  • ||
  • କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କଲେ କାମରାନ ଆକମଲ, ୨୦୧୭ ପରଠୁ ମିଳୁନଥିଲା ସୁଯୋଗ
  • ||
  • ତୁର୍କୀରେ ଜରୁରୀ ପରିସ୍ଥିତି ଘୋଷଣା କଲେ ରାଷ୍ଟ୍ରପତି, ଭୂମିକମ୍ପରେ ମୃତ୍ୟୁସଂଖ୍ୟା ୫ ହଜାର ପାର୍
  • ||
  • କଟକ: କଟକରେ ଜିଏସ୍‌ଟି ରେଡ୍, ଲିଙ୍ଗରୋଡ୍‌ରେ ଥିବା ପଞ୍ଚମୁଖୀ ସାନିଟାରି ଦୋକାନରେ ଜିଏସ୍‌ଟି ଚଢ଼ଉ ଜାରି
  • ||
  • ଭୁବନେଶ୍ୱର: ପ୍ରକାଶ ପାଇଲା JEE(ମେନ୍) ରେଜଲ୍ଟ, ଆଫିସିଆଲ ୱେବସାଇଟ୍‌ରେ ଜାଣିପାରିବେ ଫଳ
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକ ଲାଗି, ଦର୍ଶନ କଟକଣା
  • ||
  • ଭୁବନେଶ୍ୱର: ଦେଖୁଦେଖୁ ଜଳିଗଲା ଏଟିଏମ୍, କାରଣ ଅସ୍ପଷ୍ଟ
  • ||
  • ଜଗତସିଂହପୁର : ତିର୍ତ୍ତୋଲ୍‌ ବିଧାୟକଙ୍କ ପ୍ରେମ-ପ୍ରତାରଣା ମାମଲା: ୭ ଘଣ୍ଟା ଧରି ସୋମାଲିକାଙ୍କ ବୟାନ ରେକର୍ଡ, ବିଜୟ ଶଙ୍କର ନିରବ…
  • ||
  • ଭୁବନେଶ୍ୱର : ଅଧିକ ଚିକିତ୍ସା ଲାଗି ଆଜି ଦିଲ୍ଲୀ ଯିବେ ଅଭିନେତା ପିଣ୍ଟୁ ନନ୍ଦ, କରାଯିବ ଲିଭର ଟ୍ରାନ୍ସପ୍ଲାଣ୍ଟ
  • ||
  • ଭୁବନେଶ୍ୱର : ଆରମ୍ଭ ହେଲା ଭାଲେଣ୍ଟାଇନ୍‌ ସପ୍ତାହ, ଗୋଲାପ ମହକରୁ ଆରମ୍ଭ ହେବ ପ୍ରେମ
  • ||
  • ଭୁବନେଶ୍ୱର : ରାଜ୍ୟରେ କଲବଲ କରିବ ଖରା, ରାତି ତାପମାତ୍ରା ଆହୁରି ବଢ଼ିବ: ଉପକୂଳରେ ୩ଡିଗ୍ରୀ ବଢ଼ିବ
  • ||

ବ୍ରାଉନ୍‌ସୁଗରର ହୋମ୍‌ ଡେଲିଭରୀ, ‘ରସୁଣ’ ମାଗିଲେ ଧଳା ଜହର ମିଳେ,ଦୁଇ ବେପାରୀଙ୍କଠୁ ୮.୫ ଲକ୍ଷର ବ୍ରାଉନ୍‌ସୁଗର ଜବତ

ଭୁବନେଶ୍ୱର,୨୫ ।୧(ବ୍ୟୁରୋ): ପୁଲିସ ଓ ଅବକାରୀ ବିଭାଗକୁ ଚକ୍‌ମା ଦେଇ ଦୀର୍ଘ ଦିନ ଧରି କୋଡ୍‌ ୱାର୍ଡରେ ବ୍ରାଉନ୍‌ସୁଗର କାରବାର କରୁଥିବା ଜଣେ ବିଟେକ୍‌ ଛାତ୍ର ଆଜି କେନ୍ଦ୍ରାଞ୍ଚଳ ଅବକାରୀ ବିଭାଗ ହାତରେ ଧରା ପଡ଼ିଛନ୍ତି । ତାଙ୍କ ନାମ ବିଶ୍ୱଜିତ ସ୍ୱାଇଁ । ଘର ଜଗତସିଂହପୁର ଅରିଲୋ । ତାଙ୍କୁ ପଟିଆ ବିଗ୍‌ବଜାର ଛକରୁ ଆଜି ଗିରଫ କରାଯିବା ସହ ତାଙ୍କଠାରୁ ୬୦ ଗ୍ରାମ୍‌ର ବ୍ରାଉନ୍‌ସୁଗର ଓ ଏକ ବାଇକ୍‌ ଜବତ ହୋଇଛି । ଜବତ ବ୍ରାଉନ୍‌ସୁଗରର ମୂଲ୍ୟ ୬ ଲକ୍ଷ ଟଙ୍କା ହେବ ।
କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ବିଶ୍ୱଜିତ ବିଟେକ୍‌ ପାସ୍‌ ପରେ ବ୍ରାଉନ୍‌ସୁଗର ବେପାର ଆରମ୍ଭ କରିଥିଲେ । ପଟିଆ ଅଞ୍ଚଳରେ ଭଡ଼ାରେ ରହୁଥିଲେ । ଯେଉଁ ଇଞ୍ଜିନିୟରିଂ କଲେଜରେ ପଢ଼ୁଥିଲେ ସେହି ଛାତ୍ରମାନଙ୍କୁ ବ୍ରାଉନସୁଗର ଯୋଗାଇ ଆସୁଥିଲେ । ଏପରିକି ଗ୍ରାହକଙ୍କୁ ହୋମ ଡେଲିଭରି ଦେଉଥିଲେ । ବ୍ରାଉନସୁଗରର କୋଡ୍‌ ୱାର୍ଡ ‘ରସୁଣ’ ରଖଥିଲେ । ଆଜି ବିଶ୍ୱଜିତ ପଟିଆ ବିଗ୍‌ବଜାର ଛକରେ ଜଣେ ଗ୍ରାହକଙ୍କୁ ବ୍ରାଉନ୍‌ସୁଗର ଦେବାକୁ ଆସୁଥିବା ବେଳେ ଟିମ୍‌ ସେଠାରେ ଚଢ଼ଉ କରି ତାଙ୍କ ନିକଟରୁ ୬୦ ଗ୍ରାମ ବ୍ରାଉନ୍‌ସୁଗର ଓ ଏକ ବାଇକ୍‌ ଜବତ କରିଥିଲା । ଜେରାବେଳେ ସେ ବାଲେଶ୍ୱର ଜଳେଶ୍ୱରରୁ ବ୍ରାଉନ୍‌ସୁଗର ଆଣି ରାଜଧାନୀରେ ଇନ୍‌ଫୋସିଟି ଓ ଚନ୍ଦ୍ରଶେଖରପୁର ଅଞ୍ଚଳରେ କାରବାର କରୁଥିବା ସୂଚନା ଦେଇଥିଲେ । ବିଶ୍ୱଜିତଙ୍କୁ ଗିରଫ କରାଯାଇ କୋର୍ଟ ଚାଲାଣ କରା ଯାଇଥିଲା । ଜାମିନ୍‌ ନାମଞ୍ଜୁର ହେବାରୁ ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି ।

ଆଇଗିଣିଆ ଅଣ୍ଡର ପାସ୍‌ରୁ ବେପାରୀ ଧରାପଡ଼ିଲା: କମିଶନରେଟ୍‌ ପୁଲିସର କୁଇକ୍‌ ଆକ୍ସନ୍‌ ଟିମ୍‌(କ୍ୟୁଏଟି) ଓ ଖଣ୍ଡଗିରି ଥାନା ପୁଲିସ ଆଜି ଅପରାହ୍ଣରେ ଆଇଗିଣିଆ ଅଣ୍ଡରପାସ୍‌ରୁ ଜଣେ ବ୍ରାଉନ୍‌ସୁଗର ବେପାରୀକୁ ଗିରଫ କରିଛନ୍ତି । ତାଙ୍କ ନାମ ରିଙ୍କୁ ଓରଫ ପ୍ରଶାନ୍ତ କୁମାର ସାହୁ(୩୦) । ଘର ଜାଗମରା ଉପରସାହି । ରିଙ୍କୁଙ୍କ ନିକଟରୁ ୨୩ ଗ୍ରାମର ବ୍ରାଉନ୍‌ସୁଗର, ୧୦ ହଜାର ୩ଶହ ଟଙ୍କା ଓ ମୋବାଇଲ୍‌ ଫୋନ୍‌ ଜବତ ହୋଇଛି । ତେବେ ରିଙ୍କୁ କେତେଦିନ ହେଲା ଏହି କାରବାର କରୁଥିଲେ ଓ କେଉଁଠୁ ବ୍ରାଉନ୍‌ସୁଗର ଆଣୁଥିଲେ ସେନେଇ ପୁଲିସ ତାଙ୍କୁ ଅଧିକ ଜେରା ଚଳାଇଛି । ଆସନ୍ତାକାଲି ରିଙ୍କୁଙ୍କୁ କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି ।

ସମ୍ବନ୍ଧିତ ଖବର