PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୀଳଗିରି ସହରରେ ଆତଙ୍କ ଖେଳାଉଛି କୁଳଡିହା ଦନ୍ତା
  • ||
  • ହକି ବିଶ୍ୱକପ୍‌ ଫାଇନାଲରେ ଜର୍ମାନୀ , ଅଷ୍ଟ୍ରେଲିଆକୁ ୪-୩ ଗୋଲରେ ହରାଇଲା ଜର୍ମାନୀ
  • ||
  • ଦିନ ଦ୍ୱିପ୍ରହରରେ ଘରେ କଳାକନା ବୁଲାଇଲା ଚୋର : ଲୁଟି ନେଲା ୨ ଲକ୍ଷ ଟଙ୍କା ମୂଲ୍ୟର ସୁନାଗହଣା, ନଗଦ ୧ଲକ୍ଷ ୧୦ ହଜାର ଟଙ୍କା
  • ||
  • ଗୋଟିଏ ରିପୋର୍ଟରେ ଦୋହଲି ଗଲା ଆଦାନୀଙ୍କ ସାମ୍ରାଜ୍ୟ , କୋଟିପତିଙ୍କ ତାଲିକାରୁ ଖସି ରହିଲେ ୭ମ ନମ୍ୱରରେ
  • ||

ବଜେଟ୍‌ ୨୦୨୩: ପେପରଲେସ୍‌ ହେବ ବଜେଟ୍‌, ମୋବାଇଲ ଆପ୍‌ରୁ ମିଳିବ ସବୁ ସୂଚନା

ନୂଆଦିଲ୍ଲୀ,୨୫।୧: ନିଜର କାର୍ଯ୍ୟ ମାଧ୍ୟମରେ ଦେଶ ତଥା ସମାଜକୁ ଏକ ନୂତନ ଦିଗ ଦେଖାଇବାକୁ ଚେଷ୍ଟା କରୁଥିବା ନରେନ୍ଦ୍ର ମୋଦି ସରକାରଙ୍କ ଚଳିତ ବର୍ଷର ବଜେଟ୍ ମଧ୍ୟ ବିଶ୍ୱକୁ ଏକ ନୂତନ ପଥ ଦେଖାଇବ। ଚଳିତ ବର୍ଷର ବଜେଟ୍ ସଂପୂର୍ଣ୍ଣ ‘ପେପର ଲେସ୍‌’ ହେବ ବୋଲି ଅର୍ଥ ମନ୍ତ୍ରଣାଳୟ ସୂଚନା ଦେଇଛି। ତାହା ହେଉଛି, ପାରମ୍ପାରିକ ଭାବରେ ଅଦ୍ୟାବଧି କାଗଜରେ ଉପସ୍ଥାପିତ ବଜେଟ୍ ଏଥର ସଂପୂର୍ଣ୍ଣ ରୂପେ ଡିଜିଟାଲ୍ ଫର୍ମାଟରେ ଉପସ୍ଥାପିତ ହେବ। ଅର୍ଥମନ୍ତ୍ରୀଙ୍କ ଭାଷଣ ଏବଂ ବଜେଟ୍ ୨୦୨୩ ବିଷୟରେ ପ୍ରତ୍ୟେକ ସୂଚନା ‘ୟୁନିଅନ୍ ବଜେଟ୍ ମୋବାଇଲ୍ ଆପ୍’ ରେ ଉପଲବ୍ଧ ହେବ। ଏହା ଆଣ୍ଡ୍ରଏଡ୍ ଏବଂ ଆପଲ୍ ର ସମସ୍ତ ଭର୍ସନରେ କାମ କରିବ।

ତେବେ ଏହାପୂର୍ବରୁ ଅର୍ଥମନ୍ତ୍ରୀଙ୍କ ଦ୍ୱାରା ଡିଜିଟାଲ ଫର୍ମାଟରେ ବଜେଟର ଉପସ୍ଥାପନା ଆରମ୍ଭ ହୋଇସାରିଛି। କିନ୍ତୁ ଚଳିତ ବର୍ଷ ପ୍ରଥମ ଥର ପାଇଁ ଏହି ସୂଚନା ଏକ ଆପ୍ ମାଧ୍ୟମରେ ଜନସାଧାରଣଙ୍କୁ ସିଧାସଳଖ ପହଞ୍ଚାଇବ। ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଜେଟ୍ ଭାଷଣ ସମାପ୍ତ ହେବା ପରେ ତୁରନ୍ତ ଏହି ଆପରେ ସମ୍ପୂର୍ଣ୍ଣ ବଜେଟ୍ ସୂଚନା ଉପଲବ୍ଧ ହେବ। ଅର୍ଥନୈତିକ ବିଶେଷଜ୍ଞମାନେ ବିଶ୍ବାସ କରନ୍ତି ଯେ ଏଥର କେନ୍ଦ୍ର ସରକାର ଜନପ୍ରିୟ ଯୋଜନା ଉପରେ ଧ୍ୟାନ ଦେଇ ପାରିବେ। ଏଥିରେ ମହିଳା, କୃଷକ, ଗରିବ ବିଭାଗ ଏବଂ ଛାତ୍ରମାନଙ୍କ ପାଇଁ ସ୍ୱତନ୍ତ୍ର ଘୋଷଣା କରାଯାଇପାରିବ।ମହିଳାମାନେ ସରକାରଙ୍କ ଏକ ବିଶେଷ ସମର୍ଥକ ଭାବରେ ଉଭା ହୋଇଛନ୍ତି, ତେଣୁ ସରକାର ମହିଳାଙ୍କ ଉପରେ ପର୍ଯ୍ୟବେସିତ ଯୋଜନାରେ ଅଧିକ ବିନିଯୋଗ କରିପାରନ୍ତି।

କେନ୍ଦ୍ର ସରକାର ସବୁଜ ଶକ୍ତି କ୍ଷେତ୍ରରେ ଦେଶକୁ ଆତ୍ମନିର୍ଭରଶୀଳ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି। ସରକାର ଏକ ଲକ୍ଷ୍ୟ ସ୍ଥିର କରିଛନ୍ତି ଯେ ୨୦୩୦ ସୁଦ୍ଧା କାର୍ବନ ନିର୍ଗମନ ୩୦ ପ୍ରତିଶତ ପର୍ଯ୍ୟନ୍ତ ହ୍ରାସ ପାଇବ। ଏହା ସହିତ ୨୦୭୦ ସୁଦ୍ଧା ଦେଶର ଶକ୍ତି ଉତ୍ପାଦନକୁ ସମ୍ପୂର୍ଣ୍ଣ କାର୍ବନ ନିରପେକ୍ଷ କରିବା ପାଇଁ ଏକ ଲକ୍ଷ୍ୟ ଧାର୍ଯ୍ୟ କରାଯାଇଛି। ଏହି ଲକ୍ଷ୍ୟ ହାସଲ କରିବାକୁ ସରକାର ହାଇଡ୍ରୋଜେନ୍ ଇନ୍ଧନ, ସୌର ଶକ୍ତି, ପବନ ଶକ୍ତି ଏବଂ ଅନ୍ୟାନ୍ୟ ପାରମ୍ପାରିକ ଶକ୍ତି ଉତ୍ସରେ ବିନିଯୋଗ କରିବାକୁ ଏକ ଲକ୍ଷ୍ୟ ସ୍ଥିର କରିପାରିବେ।

ଆସନ୍ତା ବର୍ଷ ହେବାକୁ ଥିବା ସାଧାରଣ ନିର୍ବାଚନ ଏବଂ ଚଳିତ ବର୍ଷ ହେବାକୁ ଥିବା ନଅଟି ରାଜ୍ୟର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି କେନ୍ଦ୍ର ସରକାର ଚଳିତ ବର୍ଷର ବଜେଟରେ ବିଶେଷ ପ୍ରସ୍ତାବ ଦେଇପାରନ୍ତି। ପରବର୍ତ୍ତୀ ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର ଏଥର ଶେଷ ପୂର୍ଣ୍ଣ ବଜେଟ୍ ଉପସ୍ଥାପନ କରିବେ। ଆସନ୍ତା ବର୍ଷ ଏପ୍ରିଲ-ମେ ମାସରେ ଲୋକସଭା ନିର୍ବାଚନ ଅନୁଷ୍ଠିତ ହେବ, ତେଣୁ ସରକାର ପରମ୍ପରା ପାଳନ କରି କେବଳ ଆବଶ୍ୟକ ଖର୍ଚ୍ଚ ପାଇଁ ଅନୁମତି ମାଗିବା ପାଇଁ ମଧ୍ୟବର୍ତ୍ତୀକାଳୀନ ବଜେଟ୍ ଉପସ୍ଥାପନ କରିବେ।