ନୂଆଦିଲ୍ଲୀ,୧୧/୦୨; କାନାଡାର ଉତ୍ତର-ପୂର୍ବ ବ୍ରିଟିଶ କଲମ୍ବିଆର ଏକ ସ୍କୁଲରେ ଗୁଳିକାଣ୍ଡ ଘଟିଛି । ଏଥିରେ ପ୍ରାୟ ୧୦ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଗୁଳିଚାଳକ ମଧ୍ୟ ରହିଥିବା ସୂଚନା ମିଳିଛି । ଆଖିବୁଜା ଗୁଳିମାଡ଼ରେ ୨୫ରୁ ଅଧିକ ଆହତ ହୋଇଥିବା ପୁଲିସ୍ ପକ୍ଷରୁ ସୂଚନା ମିଳିଛି । ରୟାଲ୍ କାନାଡିଆନ୍ ମାଉଣ୍ଟେଡ୍ ପୁଲିସ୍ କହିଛି ଯେ ଜଣେ ସନ୍ଦିଗ୍ଧ ବ୍ୟକ୍ତିର ମୃତଦଦେହ ମିଳିଛି । ସେ ନିଜକୁ ନିକେ ଗୁଳି କରିଥିବାର ସନ୍ଦେହ କରାଯାଉଛି ।
ରୟାଲ୍ କାନାଡିଆନ୍ ମାଉଣ୍ଟେଡ୍ ପୁଲିସ କହିଛି ଯେ, ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ମୃତ ଅବସ୍ଥାରେ ଉଦ୍ଧାର କରାଯାଇଛି । ସ୍କୁଲରେ ଆଖିବାଜୁ ଗୁଳିମାଡ଼ ପରେ ସେ ନିଜକୁ ନିକେ ଗୁଳି କରିଛି । ଟୁମ୍ବର୍ ରିଜ୍ ମାଧ୍ୟମିକ ବିଦ୍ୟାଳୟରେ ସ୍ଥାନୀୟ ସମୟ ଅପରାହ୍ନ ୧.୨୦ ରେ ଏହି ଘଟଣା ଘଟିଥିଲା । ଟୁମ୍ବର୍ ରିଜ୍ ପୋଲିସ ଏକ ସତର୍କ ସୂଚନା ଜାରି କରିଛି । ପୁଲିସ ଏହି ଘଟଣାରେ ସେହି ସନ୍ଦିଗ୍ଧ ବ୍ୟକ୍ତି ସମ୍ପୃକ୍ତ କି ନାହିଁ ଏବଂ ସମ୍ଭାବ୍ୟ ପୀଡିତଙ୍କ ସଂଖ୍ୟା ନିର୍ଣ୍ଣୟ କରିବା ଜାରି ରଖିଛି । ଆକ୍ରମଣକାରୀଙ୍କ ବ୍ୟତୀତ, ସ୍କୁଲ ଭିତରେ ଅନ୍ୟ ୬ ଜଣ ଲୋକ ମୃତ ଅବସ୍ଥାରେ ପଡ଼ିଥିଲେ । ଗୁରୁତର ଅବସ୍ଥାରେ ୨ଜଣ ଆହତଙ୍କୁ ହେଲିକପ୍ଟର ଯୋଗେ ହସ୍ପିଟାଲକୁ ନିଆଯାଇଥିଲା । ହସ୍ପିଟାଲକୁ ନେବା ବାଟରେ ଆଉ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିଲା । ପ୍ରାୟ ୨୫ ଜଣଙ୍କୁ ସାମାନ୍ୟ ଆହତ ଅବସ୍ଥାରେ ଚିକିତ୍ସା ପାଇଁ ସ୍ଥାନୀୟ ମେଡିକାଲକୁ ନିଆଯାଇଥିଲା । ସ୍କୁଲର ଅନ୍ୟ ସମସ୍ତ ଛାତ୍ର ଏବଂ କର୍ମଚାରୀଙ୍କୁ ସୁରକ୍ଷିତ ଭାବରେ ସ୍ଥାନାନ୍ତର କରାଯାଇଛି । ଅଞ୍ଚଳରେ ସୁରକ୍ଷା ବ୍ୟବସ୍ଥା ବଢା ଯାଇଛି ଏବଂ ତଦନ୍ତ ଜାରି ରହିଛି ।
ଏହା ବି ପଢନ୍ତୁ...ଟେକଅଫ୍ କରିବାର କିଛି ମିନିଟ୍ ପରେ ସମୁଦ୍ରରେ ଖସି ପଡ଼ିଲା ବିମାନ, ପାଇଲଟଙ୍କ ପାଇଁ ବଞ୍ଚିଗଲା ୫୫ ଜୀବନ
ଅଞ୍ଚଳର ବିଧାୟକ ଲାରି ନ୍ୟୁଫେଲ୍ଡ କହିଛନ୍ତି ଯେ, ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ବହୁ ସଂଖ୍ୟକ ପୁଲିସ ଏବଂ ଆମ୍ବୁଲାନ୍ସ ଦଳ ପଠାଯାଇଛି । ସେ କହିଛନ୍ତି ଯେ, ସେ ଅଧିକ ବିବରଣୀ ଲୁଚାଉଛନ୍ତି କାରଣ ଏହା ଚାଲୁଥିବା ଅପରେସନର ସୁରକ୍ଷାକୁ ବିପଦରେ ପକାଇପାରେ । ସେ କହିଛନ୍ତି ଯେ, କିଛି ଲୋକ ନିଜ ପରିବାର ସଦସ୍ୟଙ୍କୁ ଖୋଜିବା ପାଇଁ ବାହାରକୁ ଆସିଛନ୍ତି । କିନ୍ତୁ ସମସ୍ତଙ୍କୁ ଅନୁରୋଧ କରାଯାଇଛି ଯେ, ସେମାନେ ନିଜ ଘରକୁ ଫେରିଯାଆନ୍ତୁ ଏବଂ ସେଠାରେ ସୁରକ୍ଷିତ ରୁହନ୍ତୁ । ପ୍ରାଦେଶିକ ସରକାରଙ୍କ ୱେବସାଇଟ୍ ଅନୁଯାୟୀ, ଟମ୍ବଲର୍ ରିଜ୍ ମାଧ୍ୟମିକ ବିଦ୍ୟାଳୟରେ ୭ମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ମୋଟ ୧୭୫ ଜଣ ଛାତ୍ରଛାତ୍ରୀ ଅଛନ୍ତି ।
