PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ବର ସାଜି ଭରିଲେ ନାମାଙ୍କନ

ଶାହଜହାନପୁର,୯ା୪(ଏଜେନ୍ସି): ଉତ୍ତର ପ୍ରଦେଶର ଶାହଜହାନପୁର ଲୋକସଭା ଆସନରୁ ନିର୍ବାଚନ ଲଢ଼ୁଥିବା ବୈଦ୍ୟରାଜ କିଶନ୍‌ ଆଜି ବର ବେଶରେ ଆସି ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନପତ୍ର ଦାଖଲ କରିଛନ୍ତି । ନିଜ ବରଯାତ୍ରୀ (ସମର୍ଥକ)ଙ୍କ ସହ ଘୋଡ଼ା ପିଠିରେ ବସି ବେଶ୍‌ କିଛି ଦୂରରୁ ଆସି ନାମାଙ୍କନ ଭରିଛନ୍ତି ବୈଦ୍ୟରାଜ । ଆଜି ଏଭଳି ଅଭିନବ ଉପାୟରେ ନାମାଙ୍କନ ଭରିବା ପରେ ତାଙ୍କୁ ନେଇ ଆଜି ଦେଶବ୍ୟାପୀ ବେଶ୍‌ ଚର୍ଚ୍ଚା ହେଉଛି । ସଂଯୁକ୍ତ ବିକାଶ ପାର୍ଟିରୁ ସେ ଲୋକସଭା ନିର୍ବାଚନ ଲଢ଼ୁଛନ୍ତି । ବୈଦ୍ୟରାଜ ଅନେକ ବର୍ଷ ହେଲା ନିର୍ବାଚନ ଲଢ଼ିଆସୁଛନ୍ତି । ପ୍ରଥମେ ସେ ୱାର୍ଡମେମ୍ବର ନିର୍ବାଚନରୁ ରାଜନୈତିକ ଜୀବନ ଆରମ୍ଭ କରିଥିଲେ । କିନ୍ତୁ ଏହା ପୂର୍ବରୁ ସେ ୩ ଥର ଲୋକସଭା ନିର୍ବାଚନ ଲଢ଼ିଛନ୍ତି । ଆଜି ବରବେଶରେ ନିଜକୁ ସଜାଇ ଜିଲ୍ଲାପାଳ କାର୍ଯ୍ୟାଳୟ ଅଭିମୁଖେ ବାହାରିଥିଲେ ।

ନିଜକୁ ବର ସଜାଇବାରେ କୌଣସି ଊଣା କରିନଥିଲେ । ସାଙ୍ଗରେ ଥିବା ସମର୍ଥକମାନେ ମଧ୍ୟ ସଙ୍ଗୀତର ତାଳେ ତାଳେ ନାଚୁଥିଲେ । କିନ୍ତୁ ଜିଲ୍ଲାପାଳ କାର୍ଯ୍ୟାଳୟରେ ପହଞ୍ଚିବାକୁ ଆଉ କିଛି ବାଟ ବାକି ଥିବାବେଳେ ପୁଲିସ ସେମାନଙ୍କ ରୋକିଥିଲା । ସେହିଠାରୁ ବୈଦ୍ୟରାଜ ଓ ତାଙ୍କ ସମର୍ଥକ ଚାଲି ଚାଲି ଯାଇଥିଲେ । ଏ ବାବଦରେ ସାମ୍ବାଦିକଙ୍କୁ ସୂଚନା ଦେଇ ବୈଦ୍ୟରାଜ କୁହନ୍ତି, ରାଜନୀତିର ସେ ହେଉଛନ୍ତି ଜ୍ୱାଇଁପୁଅ । ଲୋକସଭା ନିର୍ବାଚନ ଫଳ ବାହାରିବା ପରେ କନ୍ୟା ସହ ଭେଟ ହେବ । ପୂର୍ବରୁ ମଧ୍ୟ ଲୋକସଭା ନିର୍ବାଚନ ପାଇଁ ନାମାଙ୍କନପତ୍ର ଦାଖଲ ସମୟରେ ସେ ଭିନ୍ନ ଭିନ୍ନ ପନ୍ଥା ଅବଲମ୍ବନ କରିଛନ୍ତି । ଥରେ ସେ ମଇଁଷି ପିଠିରେ ବସି ନିଜକୁ ଯମରାଜଙ୍କ ବେଶରେ ସଜାଇ ନାମାଙ୍କନ ଭରିଥିଲେ । ଆହୁରି ଦିନେ ସେ କୋକେଇରେ ଶୋଇରହି ନିଜକୁ ଶବ ବନାଇ ନାମାଙ୍କନ ଭରିବାକୁ ଆସିଥିଲେ । ସେ ଆହୁରି କହିଛନ୍ତି, ୧୯୮୬ ଏପ୍ରିଲ ୮ରେ ତାଙ୍କର ବିବାହ ହୋଇଥିଲା । ତାହାକୁ ସ୍ମରଣ କରିବା ପୂର୍ବକ ସେ ବରବେଶରେ ପ୍ରାର୍ଥିପତ୍ର ଦାଖଲ କରିବାକୁ ଆସିଛନ୍ତି ।

ସମ୍ବନ୍ଧିତ ଖବର