ଥାନା ସମ୍ମୁଖରେ ହୁତୁହୁତି ହୋଇ ଜଳି ଗଲା କାର୍, ଯାତ୍ରୀ ସୁରକ୍ଷିତ ଉଦ୍ଧାର

ତେଲକୋଇ ୨୩/୫: ହଠାତ୍ ଲାଗିଲା ନିଆଁ। ରାସ୍ତା ମଝିରେ ହୁତୁ ହୁତୁ ହୋଇ ଜଳିଗଲା କାର୍। ଦେଖୁ ଦେଖୁ ଭସ୍ମିଭୂତ ହୋଇଗଲା ଗାଡ଼ି। ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଦୁଇଯାତ୍ରୀ। ଏଭଳି ଘଟଣା କେନ୍ଦୁଝର ଜିଲ୍ଲା କାଞ୍ଜିପାଣି ଥାନା ସମ୍ମୁଖରେ ଘଟିଛି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ ଜାରି ରଖିଛି।

ସୂଚନା ମୁତାବକ , ମଙ୍ଗଳବାର ଦିନ ପ୍ରାୟ ୧୦ଟା ସମୟରେ (ଓଡ଼ି ୧୯ଇ ୪୪୪୪) ନମ୍ୱର ବିଶିଷ୍ଟ ରେନୋଲ୍ଡ ଡଷ୍ଟର୍ କାର ଅନୁଗୁଳ ଜିଲ୍ଲା ଅଞ୍ଚଳରୁ କେନ୍ଦୁଝର ବିଲେଇପଦା ଅଭିମୁଖେ ଯାଉଥିବା ବେଳେ କାଞ୍ଜିପାଣି ଥାନା ସମ୍ମୁଖରେ ଗାଡ଼ିକୁ ରଖି ଜିନିଷ କିଣା କିଣି କରୁଥିଲେ । ଏହି ସମୟରେ ଗାଡ଼ିର ସମ୍ମୁଖ ଭାଗରୁ ଧୁଆଁ ବାହାରୁଥିବା ଲୋକେ ଦେଖି ଥିଲେ । ସଙ୍ଗେ ସଙ୍ଗେ ଗାଡ଼ି ଇଞ୍ଜିନ ପାଖରେ କୌଣସି ଯନ୍ତ୍ରାସଂ ଫାଟିଥିଲା ଏବଂ ନିମିଷକ ମଧ୍ୟରେ ଗାଡ଼ି ଜଳି ପୋଡ଼ି ପାଉଁଶ ହୋଇ ଯାଇଥିଲା କାର । ଏହା କାଞ୍ଜିପାଣି ପୁଲିସ ଘଟଣାର ତଦନ୍ତ ଆରମ୍ଭ କରିଛି । କାରଟି ଧୂଆଁ ବାହାରୁଥିବା ଦେଖି ଅନ୍ୟ ଯାତ୍ରୀମାନେ ଭୟରେ ଓହ୍ଲାଇ ପଡିଥିଲେ। ଏହାପରେ କାରଟି ସଂପୂର୍ଣ୍ଣ ଜଳି ଯାଇଥିଲା I