ନୀତା ଅମ୍ବାନୀଙ୍କ ଦାମୀ ହ୍ୟାଣ୍ଡବ୍ୟାଗ୍, ଆଫ୍ରିକୀୟ କୁମ୍ଭୀର ଚମଡାରୁ ହୋଇଛି ତିଆରି, ମୂଲ୍ୟ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ…
ନୂଆଦିଲ୍ଲୀ: ନୀତା ଅମ୍ବାନୀ ନିଜର ସୌନ୍ଦର୍ଯ୍ୟ ସହିତ ବିଳାସପୂର୍ଣ୍ଣ ଜୀବନ ପାଇଁ ମଧ୍ୟ ଜଣାଶୁଣା ରହିଥାନ୍ତି । ଆମେ ଆପଣଙ୍କୁ ନୀତାଙ୍କ ସୌଖିନ ହ୍ୟାଣ୍ଡବ୍ୟାଗ କଲେକସନ ବିଷୟରେ କହିବୁ, ଯେଉଁଥିରେ ଏକ ହୀରା ଖଞ୍ଜିତ ବ୍ୟାଗ୍ ମଧ୍ୟ ସାମିଲ୍ ରହିଛି । ନୀତା ଅମ୍ବାନୀଙ୍କ ଏହି ହ୍ୟାଣ୍ଡବ୍ୟାଗ ମୂଲ୍ୟବାନ ହୀରା ସହିତ ସଜ୍ଜିତ ହୋଇଛି, ଏହାର ମୂଲ୍ୟ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ ।
କିଛି ଦିନ ପୂର୍ବରୁ ନୀତା ଅମ୍ବାନୀଙ୍କ ପଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଥିରେ ସେ କରିସ୍ମା ଏବଂ କରୀନା କପୁରଙ୍କ ସହିତ ଏକ ଧଳାରଙ୍ଗର ଆଉଟ୍ଫିଟ୍ରେ ବହୁତ ସୁନ୍ଦର ଦେଖାଯାଉଥିଲେ ।
କିନ୍ତୁ ଫଟୋରେ ସମସ୍ତଙ୍କ ଦୃଷ୍ଟି ଆକର୍ଷଣ ସାଜିଥିବା ଜିନିଷ ହେଉଛି ନୀତା ଅମ୍ବାନୀଙ୍କ ହାତରେ ରହିଥିବା ସୁନ୍ଦର ହ୍ୟାଣ୍ଡବ୍ୟାଗ, ଯାହା ବହୁତ ମହଙ୍ଗା ଅଟେ ।ଏହି ହ୍ୟାଣ୍ଡବ୍ୟାଗ୍ ହେଉଛି ନୀତା ଅମ୍ବାନୀଙ୍କ କଲେକସନ୍ରେ ସବୁଠାରୁ ମହଙ୍ଗା ବ୍ୟାଗ୍ । ଯେଉଁଥିରେ ୨୪୦ଟି ହୀରା ଅଛି । ରିପୋର୍ଟ ଅନୁସାରେ, ଏହି ବ୍ୟାଗଟି ‘ହର୍ମିସ୍ ହିମାଳୟ ବିର୍କିନ୍ କମ୍ପାନୀ’ର ଅଟେ ।
ଯାହା ଆଫ୍ରିକୀୟ କୁମ୍ଭୀର ଚମଡାରୁ ତିଆରି ହୋଇଛି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ବ୍ୟାଗର ମୂଲ୍ୟ ହେଉଛି ୨ କୋଟି ୬୦ ଲକ୍ଷ ଟଙ୍କା । ଏହା ବ୍ୟତୀତ ନୀତାଙ୍କ କଲେକସନ୍ରେ ‘ଫେଣ୍ଡି’, ‘ସେଲିନ୍’ ଠାରୁ ‘ହର୍ମିସ୍’ ପର୍ଯ୍ୟନ୍ତ ସୁନ୍ଦର ବ୍ୟାଗ ଅନ୍ତର୍ଭୁକ୍ତ ରହିଛି ।
