PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲେଖକ ସଲମାନ ରୁଶଦୀଙ୍କୁ ଆକ୍ରମଣ , ପଶ୍ଚିମ ନ୍ୟୁୟର୍କର ଏକ କାର୍ଯ୍ୟକ୍ରମରେ ମଞ୍ଚ ଉପରେ ଭାଷଣ ଦେଇଥିବା ବେଳେ ଛୁରାମାଡ଼ , ରକ୍ତ ଜୁଡୁବୁଡୁ ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ଲକ୍ଷ୍ନୌ : ସ୍ୱାଧିନତା ଦିବସ ପୂର୍ବରୁ ୟୁପି ଏଟିଏସ୍‌କୁ ବଡ଼ ସଫଳତା । ସହାରନପୁରରୁ ଦୁଇ ଆତଙ୍କବାଦୀଙ୍କୁ କଲା ଗିରଫ । ସ୍ୱାଧିନତା ଦିବସରେ ବଡ଼ ହମଲା କରିବାର ଯୋଜନା କରୁଥିଲେ
  • ||
  • କୋଏମ୍ବାଟୁର : ବେଙ୍ଗାଲୁରରୁ ମାଳଦ୍ୱୀପର ମାଲେ ଯାଉଥିବା ଗୋ ଫାଷ୍ଟ ବିମାନର ଜରୁରୀ ଅବତରଣ, ୯୨ ଯାତ୍ରୀଙ୍କୁ ନେଇ ଯାଉଥିବାବେଳେ ତାତି ଗଲା ଇଞ୍ଜିନ
  • ||
  • ଉଦୟପୁର : ଉଦୟପୁର କହ୍ନୈୟାଲାଲ ହତ୍ୟାକାଣ୍ଡରେ କଥିତ ଷଡ଼ଯନ୍ତ୍ରକାରୀ ମୁସ୍ଲିମ୍ ଖାନକୁ ଗିରଫ କଲା ଏଏନଆଇ
  • ||
  • ଅନନ୍ତନାଗ : ଜମ୍ମୁ-କଶ୍ମୀରର ଅନନ୍ତାଗରେ ପୁଲିସ୍ ଓ ସିଆରପିଏଫ ଯବାନଙ୍କ ମଳିତ ପାର୍ଟି ଉପରେ ଆତଙ୍କବାଦୀ ଆକ୍ରମଣ, ଆହତ ପୋଲିସ କର୍ମୀ ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ଭାରତୀୟ ବାୟୁସେନାର ଏକ ଦଳ ମାଲେସିଆ ଗସ୍ତରେ ଯାଇଛନ୍ତି, ଏହି ଦଳ ଦୁଇଦେଶ ମଧ୍ୟରେ ଦ୍ବିପାକ୍ଷୀକ ଯୁଦ୍ଧାଭ୍ୟାସକୁ ନେଇ ଆୟୋଜିତ କାର୍ଯ୍ୟକ୍ରମ ‘ଉଦାରଶକ୍ତି’ରେ ଭାଗ ନେବେ
  • ||
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ପ୍ରାର୍ଥୀଙ୍କ ଅପରାଧ ପୃଷ୍ଠଭୂମି ଘୋଷଣା ପ୍ରସଙ୍ଗ: କେନ୍ଦ୍ର ସରକାର, ନିର୍ବାଚନ କମିଶନଙ୍କୁ ନୋଟିସ୍‌

ନୂଆଦିଲ୍ଲୀ,୨୯ ।୩(ଏଜେନ୍ସି): ନିର୍ବାଚନ ଲଢ଼ିବା ପୂର୍ବରୁ ପ୍ରାର୍ଥୀମାନେ ସେମାନଙ୍କ ଅପରାଧ ପୃଷ୍ଠଭୂମି ସଂକ୍ରାନ୍ତ ସବିଶେଷ ତଥ୍ୟ ନିର୍ବାଚନ କମିଶନଙ୍କ ପାଖରେ ଦାଖଲ କରିନଥିବାରୁ ଅଦାଲତ ଅବମାନନା ମାମଲା ଚଳାଇବାକୁ ଅନୁରୋଧ କରି ଆଗତ ଏକ ଆବେଦନ ଉପରେ ଆଜି ସୁପ୍ରିମକୋର୍ଟ କେନ୍ଦ୍ର ସରକାର ଓ ନିର୍ବାଚନ କମିଶନଙ୍କୁ ନୋଟିସ ଜାରି କରିଛନ୍ତି । ଦୁଇ ସପ୍ତାହ ଭିତରେ ନୋଟିସର ଜବାବ ଦେବାକୁ ସେମାନଙ୍କୁ କୁହାଯାଇଛି ।
୨୦୧୮ ସେପ୍ଟେମ୍ବର ୨୫ ତାରିଖରେ କୋର୍ଟ ଦେଇଥିବା ଆଦେଶ କାହିଁକି ପାଳନ କରାଯାଇ ନାହିଁ ବୋଲି ବିଚାରପତି ଆରଏଫ ନରିମାନ ଓ ବିଚାରପତି ବୀନିତ ସରନଙ୍କୁ ନେଇ ଗଠିତ ଖଣ୍ଡପୀଠ ୩ ଉପନିର୍ବାଚନ କମିଶନର, ଆଇନ ସଚିବ ଓ କ୍ୟାବିନେଟ ସଚିବଙ୍କୁ ଜବାବ ତଲବ କରିଛନ୍ତି । ଖଣ୍ଡପୀଠ କହିଛନ୍ତି ଏହା ଗୁରୁତ୍ୱପୂର୍ଣ୍ଣ ପ୍ରସଙ୍ଗ । ଏହା ଉପରେ ଶୁଣାଣି କରାଯିବାର ଆବଶ୍ୟକତା ରହିଛି । ଆଇନଜୀବୀ ଅଶ୍ୱିନୀ ଉପାଧ୍ୟାୟଙ୍କ ପକ୍ଷରୁ ଏହି ଅଦାଲତ ଅବମାନନା ମାମଲା ଦାୟର କରାଯାଇଛି । ଗତବର୍ଷ ସେପ୍ଟେମ୍ବରରେ ଏକ ଜନସ୍ୱାର୍ଥ ମାମଲାର ଶୁଣାଣି କରିବା ଅବସରରେ ସର୍ବୋଚ୍ଚ ଅଦାଲତର ୫ ଜଣିଆ ସାମ୍ବିଧାନିକ ଖଣ୍ଡପୀଠ କହିଥିଲେ କି ନିର୍ବାଚନ ଲଢ଼ିବା ପୂର୍ବରୁ ସବୁ ପ୍ରାର୍ଥୀ ସେମାନଙ୍କ ଅପରାଧ ପୃଷ୍ଠଭୂମି ସଂକ୍ରାନ୍ତ ତଥ୍ୟ ନିର୍ବାଚନ କମିଶନଙ୍କ ନିକଟରେ ଦାଖଲ କରିବାକୁ ହେବ । ତା’ଛଡା ଏସବୁ ତଥ୍ୟକୁ ବିଭିନ୍ନ ଛାପା ଓ ବୈଦ୍ୟୁତିକ ଗଣମାଧ୍ୟମରେ ବ୍ୟାପକ ଭାବେ ପ୍ରଚାର ପ୍ରସାର ମଧ୍ୟ କରାଯିବା ଆବଶ୍ୟକ । ଯାହାଫଳରେ ଭୋଟରମାନେ ଜଣେ ପ୍ରାର୍ଥୀଙ୍କ ବିଷୟରେ ଜାଣିପାରିବେ ଓ ନିଜ ପସନ୍ଦ ପ୍ରାର୍ଥୀଙ୍କୁ ବାଛିପାରିବେ । ସେହିଭଳି ରାଜନୈତିକ ଦଳମାନେ ମଧ୍ୟ ନିଜର ୱେବସାଇଟ୍‌ରେ ଏସବୁ ତଥ୍ୟ ପ୍ରକାଶ କରିବା ସହ ତାହାର ପ୍ରଚାର କରାଇବା ଉଚିତ ।
ସୁପ୍ରିମକୋର୍ଟଙ୍କ ଏହି ନିର୍ଦ୍ଦେଶ ପରେ ଗତବର୍ଷ ଅକ୍ଟୋବର ୧୦ ତାରିଖରେ ନିର୍ବାଚନ କମିଶନ ଫର୍ମ ନମ୍ବର-୨୬ରେ ପରିବର୍ତ୍ତନ ନେଇ ଅଧିସୂଚନା ଜାରି କରିଥିଲେ । ଏଥିସହିତ ରାଜନୈତିକ ଦଳ ଓ ପ୍ରାର୍ଥୀଙ୍କ ଅପରାଧ ପୃଷ୍ଠଭୂମି ପ୍ରକାଶ କରିବାକୁ କହିଥିଲେ । କିନ୍ତୁ ଆବେଦନକାରୀ ଉପାଧ୍ୟାୟ ଦର୍ଶାଇଛନ୍ତିି ନିର୍ବାଚନ କମିଶନ ନିର୍ବାଚନ ଚିହ୍ନ ଆଦେଶ ୧୯୬୮ ଏବଂ ଆଦର୍ଶ ଆଚରଣ ବିଧିରେ ସଂଶୋଧନ କରିନାହାନ୍ତି । ତେଣୁ ଆଇନ ଅନୁସାରେ ଏହି ଅଧିସୂଚନାର କୌଣସି ମହତ୍ତ୍ୱ ନାହିଁଁ । ସେ ଆହୁରି ମଧ୍ୟ କହିଛନ୍ତି ଯେ କମିଶନ ପ୍ରମୁଖ ସମ୍ବାଦପତ୍ର କିମ୍ବା ସମାଚାର ଚ୍ୟାନେଲର ନାମ ତାଲିକା ପ୍ରକାଶ କରିନାହାନ୍ତି କିମ୍ବା ପ୍ରାର୍ଥୀଙ୍କର ଅପରାଧ ପୃଷ୍ଠଭୂମି ସଂକ୍ରାନ୍ତ ସୂଚନା ଦେବାର ନିର୍ଦ୍ଦିଷ୍ଟ ସମୟ ସୀମା ସ୍ପଷ୍ଟ କରିନାହାନ୍ତି । ଏହି କାରଣରୁ କେତେକ ପ୍ରାର୍ଥୀ କମ୍‌ ଲୋକପ୍ରିୟ ଥିବ ଖବରକାଗଜ ଓ ସମାଚାର ଚ୍ୟାନେଲରେ ଅପରାଧ ତଥ୍ୟ ଦେଉଛନ୍ତି । ସେହିଭଳି କମ୍‌ ମହତ୍ତ୍ୱପୂର୍ଣ୍ଣ ସମୟରେ ଉକ୍ତ ଖବରକାଗଜ କିମ୍ବା ଖବର ଚ୍ୟାନେଲ ତାହାର ପ୍ରକାଶନ/ପ୍ରସାରଣ କରୁଛନ୍ତି । କମିଶନ ନିର୍ବାଚନ ଚିହ୍ନ ଆଦେଶ ଓ ଆଦର୍ଶ ଆଚରଣ ବିଧିରେ ଆବଶ୍ୟକ ସଂଶୋଧନ ନ କରି ଲୋକସଭା ନିର୍ବାଚନ ପାଇଁ ଚଳିତମାସ ମାର୍ଚ୍ଚ ୧୦ ତାରିଖରେ ସୂଚୀ ଘୋଷଣା କରିଥିଲେ । ସେହିଭଳି ପ୍ରାର୍ଥୀମାନେ ନାମାଙ୍କନପତ୍ର ଦାଖଲ କରିବା ପରେ ସେମାନଙ୍କ ଅପରାଧ ମାମଲା ବିଷୟରେ ଖବରକାଗଜ କିମ୍ବା ଖବର ଚ୍ୟାନେଲରେ ସୂଚନା ଦେବା ବାଧ୍ୟତାମୂଳକ କରାଯାଇଥିଲା ବେଳେ ତାକୁ ସେମାନେ ଉଲ୍ଲଂଘନ କରିଥିବା ଆବେଦନକାରୀ ତାଙ୍କ ପିଟିସନରେ ଉଲ୍ଲେଖ କରିଛନ୍ତି ।

ସମ୍ବନ୍ଧିତ ଖବର