ନୂଆଦିଲ୍ଲୀ,୧।୫: ଗୁରୁ ଘାସିଦାସ ସେଣ୍ଟ୍ରାଲ ୟୁନିଭର୍ସିଟିର ପ୍ରଫେସର ଗିରଫ। ଅଭିଯୋଗ ରହିଛି ଯେ,ଛତିଶଗଡର ବିଳାସପୁର ଜିଲାରେ ଆୟୋଜିତ ନ୍ୟାସନାଲ ସ୍କିମ୍(ଏନ୍‌ଏସଏସ୍) କ୍ୟାମ୍ପ ବେଳେ ସେ ଅଣମୁସଲମାନ ଛାତ୍ରଙ୍କୁ ନମାଜ ପଢିବାକୁ ବାଧ୍ୟ କରିଥିଲେ। ଘଟଣାକୁ ନେଇ ୨୬ ଏପ୍ରିଲରେ ୮ ଜଣଙ୍କ ବିରୋଧରେ ମାମଲା ରୁଜୁ କରାଯାଇଥିଲା।  ଏବେ ପୋଲିସ ପ୍ରଫେସର ଦିଲ୍ଳୀ ଝା’ଙ୍କୁ ଗିରଫ କରିଛି। ଡିଏସପି ରଶ୍ମିତ କୋର ଚାଓ୍ବଲା ଏହି ସୂଚନା ଦେଇଛନ୍ତି।

ଦିଲ୍ଲୀପ ଝା, ୬ ଫାକଲ୍ଟି ସଦସ୍ୟ ଓ ଜଣେ ଛାତ୍ରଙ୍କ ବିରୋଧରେ ଭାରତୀୟ ନ୍ୟାୟ ସଂହିତା ଓ ଛତିଶଗଡ ଧାର୍ମିକ ସ୍ବତନ୍ତ୍ରତା ଆଇନ ଅନୁସାରେ ଧର୍ମ ଆଧାରରେ ଘୃଣା ସୃଷ୍ଟି କରିବା, ଧାର୍ମିକ ଭାବନା ଓ ଆହତ କରିବା ସହ ବିଭିନ୍ନ ଅନ୍ୟ ଅପରାଧ ଅଭିଯୋଗରେ ମାମଲା ରୁଜୁ କରାଯାଛି। ଅଭିଯୁକ୍ତମାନେ ୩୧ ମାର୍ଚ୍ଚରେ NSS କ୍ୟାମ୍ପରେ ୧୫୯ ଛାତ୍ରଙ୍କୁ ବଳପୂର୍ବକ ନମାଜ ପାଠ କରାଯାଇଥିଲା। ସେଠାରେ କେବଳ ମାତ୍ର ୪ ଜଣ ମୁସଲମାନ ଥିଲେ। କ୍ୟାମ୍ପର ଆୟୋଜନ ୨୬ ମାର୍ଚ୍ଚରୁ ୧ ଏପ୍ରିଲ ଭିତରେ କୋଟା ପୋଲିସ ଷ୍ଟେସନ୍ ଅନ୍ତର୍ଗତ ଶିବତାରାଇ ଗାଁରେ କରାଯାଇଥିଲା। କ୍ୟାମ୍ପର ଆୟୋଜନ ୨୬ ମାର୍ଚ୍ଚରୁ ୧ ଏପ୍ରିଲ ମଧ୍ୟରେ କୋଟା ପୋଲିସ ଷ୍ଟେସନ୍ ଅନ୍ତର୍ଗତ ଶିବତାରାଇ ଗାଁରେ କରାଯାଇଥିଲା। 

ଫେରିବା ପରେ ଛାତ୍ରମାନେ ବିକ୍ଷୋ ପ୍ରଦର୍ଶନ କରିଥିଲେ ଓ ହିନ୍ଦୁ ସଂଗଠନ ମଧ୍ୟ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଛି। ଏହାପରେ ପୋଲିସ ପୁରା ମାମଲାର ତଦନ୍ତ ଆରମ୍ଭ କରିଥିଲା। ବିଳାସପୁରର ଏସପି ରଜନୀଶ ସିଂହ ୪ ସଦସ୍ୟଙ୍କ ଏକ କମିଟି ଗଠନ କରିଥିଲେ। ସିଟି ସୁପରିଟେଣ୍ଡେଣ୍ଟ ଅକ୍ଷୟ ସବାଦାରଙ୍କ ନେତୃତ୍ବରେ ଗଠନ କରାଯାଇଛି। କମିଟିର ରିପୋର୍ଟ ଆଧାରରେ ଝା’ଙ୍କ ସମେତ ଅନ୍ୟମାନଙ୍କ ବିରୋଧରେ ମାମଲା ରୁଜୁ କରାଯାଇଥିଲା। ଚାଓ୍ବଲା କହିଛନ୍ତି ଅନ୍ୟ ଲୋକଙ୍କ ବିରୋଧରେ ମଧ୍ୟ ତଦନ୍ତ ଚାଲିଛି।