PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏଟିଏମରେ ଟଙ୍କା ଭରିବା ନେଇ ଗାଡିରେ ଯାଉଥିବା ବେଳେ ୫୭ ଲକ୍ଷ ଟଙ୍କା ଧରି ଡ୍ରାଇଭର ଫେରାର
  • ||
  • ମୃତ ବ୍ୟକ୍ତିଙ୍କ ନାଁରେ ଜମି ବିକ୍ରି ଘଟଣାରେ ତହସିଲଦାର ଓ ଅତିରିକ୍ତ ତହସିଲଦାର ନିଲମ୍ବିତ
  • ||
  • କେନ୍ଦ୍ର ମନ୍ତ୍ରୀ ମଣ୍ଡଳରୁ ଇସ୍ତଫା ଦେଲେ ମୁକ୍ତାର ଆବ୍ବାସ ନକଭି
  • ||
  • ଯାତ୍ରା ଅଭିନେତା ଦୈତାରୀ ପଣ୍ଡାଙ୍କ ନାଁରେ ରାଜଧାନୀ ମିଡ଼ିଆ ହାଉସ୍ ସିଇଓ ଥାନାରେ କଲେ ଅଭିଯୋଗ , ଯାତ୍ରା ରାଜିନାମା ଅଗ୍ରୀମ ଟଙ୍କା ଫେରସ୍ତ ନକରିବାରୁ ବାଲେଶ୍ୱର ଜିଲ୍ଲା ଔପଦା ଥାନାରେ ରୁଜୁ ହୋଇଛି ମାମଲା, ପାର୍ବତୀ ଗଣନାଟ୍ୟ ଠାରୁ ୧୫ ଲକ୍ଷ ଟଙ୍କା ନେଇଥିଲେ ଅଗ୍ରୀମ
  • ||
  • ନୂଆଦିଲ୍ଲୀ : ଆସାମ ବନ୍ୟା ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ଫିଲ୍ମ ନିର୍ମାତା କରନ ଜୋହର, ରିଲିଫ ପାଣ୍ଠିକୁ ଦେଲେ ୧୧ଲକ୍ଷ
  • ||
  • ଭୁବନେଶ୍ବର : କଂଗ୍ରେସ ବିଧାୟକ ରାଜନ ଏକ୍କାଙ୍କୁ ଭେଟିଲେ ବିଜେଡି ଟିମ୍, ରାଷ୍ଟ୍ରପତି ପ୍ରାର୍ଥି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ କଲେ ନିବେଦନ
  • ||
  • କଟକ : ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ, ଚଳିତ ବର୍ଷ ପାସ ହାର ୯୦.୫୫
  • ||
  • ନିଶ୍ଚିନ୍ତକୋଇଲି : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ସୁକରପଡା ଗାଁରେ ପାରିବାରିକ କଳହରୁ ମା’କୁ ହତ୍ୟା କରିଛି ପୁଅ
  • ||
  • ଆନନ୍ଦପୁର : ଶାଳବଣୀ ଛକ ନିକଟରେ ଟାୟାର ଫାଟିଯିବାରୁ ପୋଲିସ ହାବୁଡରେ ଧରାପଡିଲା ବେଆଇନ ଗୋ-ଚାଲାଣ ଟ୍ରକ, ଜବତ କଲା ଆନନ୍ଦପୁର ପୋଲିସ
  • ||
  • ଭୁବନେଶ୍ୱର : ଅଭିନେତ୍ରୀ ରଶ୍ମିରେଖାଙ୍କ ମୃତ୍ୟୁ ଘଟଣା, ପ୍ରେମିକ ସନ୍ତୋଷ ପାତ୍ର ରାଉରକେଲା ବାସନ୍ତୀକଲୋନୀରେ ଆତ୍ମହତ୍ୟା କରିଛନ୍ତି
  • ||
  • ରାଉରକେଲା : ରାଉରକେଲାରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାୟଗଡ଼ା : ଚାନ୍ଦିଲି ଥାନା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ହାତୀଖମ୍ବ ଗାଁ ନିକଟରେ ଏକ ଯାତ୍ରୀବାହୀ ବସ୍ ଓଲଟି ଜଣେ ମହିଳାଙ୍କ ମୃତ୍ୟୁ, ୩୦ ଆହତ
  • ||

ଏନ୍‌କାଉଣ୍ଟରରେ ଦୁର୍ଦ୍ଦାନ୍ତ ଇମ୍ରାନ୍‌ ଗୁରୁତର

ଭଞ୍ଜନଗର,୧୫ା୨(ଆପ୍ର): ଗଞ୍ଜାମ ଜିଲ୍ଲା ପୁଲିସର ଆଉ ଏକ ଏନକାଉଣ୍ଟର । ପୁଲିସ ପଞ୍ଝାରେ ପଡ଼ିଲା ଦୁର୍ଦ୍ଦାନ୍ତ ମହମ୍ମଦ ଇମ୍ରାନ ଓରଫ ଇମୁ । ଭଞ୍ଜନଗର ସହରରେ ସିରିଏଲ୍‌ ବୋମା ବିସ୍ଫୋରଣ ଘଟଣାର ମାଷ୍ଟର ମାଇଣ୍ଡ୍‌ ଇମ୍ରାନ୍‌ । ଶୁକ୍ରବାର ଭୋରରୁ ଇମ୍ରାନ୍‌ ଜଣେ ସହଯୋଗୀଙ୍କ ସହ ମୁଜାଗଡ଼ ଆଡକୁ ଯାଉଥିବା ସୂଚନା ପାଇ ପୁଲିସ ଟିମ୍‌ ପିଛା କରିଥିଲା । ସୋରାଦେବୀ ମନ୍ଦିର ଓ ଗଣ୍ଡିଶୁଳା ଗ୍ରାମକୁ ଯିବା ରାସ୍ତାର ଛକରେ ଇମ୍ରାନ୍‌ ସହ ପୁଲିସର ମୁହାଁମୁହିଁ ହୋଇଥିଲା । ଇମ୍ରାନ୍‌କୁ ପୁଲିସ କାବୁ କରିବାକୁ ଚେଷ୍ଟା କରିଥିଲା । କିନ୍ତୁ ସେ ଖସି ପଳାଇବାକୁ ଉଦ୍ୟମ କରି ପୁଲିସକୁ ଲକ୍ଷ୍ୟ କରି ବୋମା ପକାଇଥିଲା । ବୋମା ମାଡ଼ରେ ଭଞ୍ଜନଗର ଥାନା ସବ୍‌ଇନ୍ସପେକ୍ଟର ନିରଞ୍ଜନ ଦାଶ, ବେଲଗୁଣ୍ଠା ଫାଣ୍ଡି ଅଧିକାରୀ ସବ୍ୟସାଚୀ ମଲ୍ଲ, ହାବିଲଦାର କାଳୀ ଗୌଡ଼ ସାମାନ୍ୟ ଆହାତ ହୋଇଛନ୍ତି । ପୁଲିସ ପାଲଟା ଆକ୍ରମଣ କରି ଗୁଳି ଫୁଟାଇଥିଲା । ଇମ୍ରାନ୍‌ ଓ ପୁଲିସ ମଧ୍ୟରେ କିଛି ସମୟ ଗୁଳି ବିନିମୟ ହୋଇଥିଲା । ପୁଲିସ ଗୁଳିରେ ଇମ୍ରାନ୍‌ ଗୁରୁତର ହୋଇଥିଲା । ତାର ଗୋଡ଼ରେ ଗୁଳି ବାଜିବାରୁ ତଳେ ପଡ଼ି ଯାଇଥିଲା । ସହଯୋଗୀ ଜଣକ ବାଇକ୍‌ ଛାଡ଼ି ଘଟଣା ସ୍ଥଳରୁ ଚମ୍ପଟ ମାରିଥିଲା । ପୁଲିସ ଇମ୍ରାନ୍‌କୁ ଗୁରୁତର ଅବସ୍ଥାରେ ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରିଥିଲା । ଏହାସହ ଆହତ ତିନି ପୁଲିସ ଅଫିସର ଓ କର୍ମଚାରୀ ମଧ୍ୟ ଚିକିତ୍ସିିତ ହୋଇଛନ୍ତି । ଗୁରୁତର ଇମ୍ରାନ୍‌ର ଦୁଇ ଗୋଡ଼ରେ ୨ଟି ଗୁଳି ବାଜି ଥିବାରୁ ତାକୁ ବ୍ରହ୍ମପୁର ଏମ୍‌କେସିଜି ମେଡିକାଲ୍‌ କଲେଜ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଇମ୍ରାନ୍‌ଠାରୁ ଗୋଟିଏ ୯ ଏମ୍‌ଏମ୍‌ ପିସ୍ତଲ୍‌, ଗୋଟିଏ ଗୁଳି, ଗୋଟିଏ ପଲସର୍‌ ବାଇକ୍‌ ଓ ୫ଟି ଅଫୁଟା ବୋମା ପୁଲିସ ଜବତ କରିଛି । ଘଟଣା ସମ୍ପର୍କରେ ଏସ୍‌ଡିପିଓ ଉତ୍କଳ କେଶରୀ ଦାଶ ଆଜି ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।