PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚଭୂତରେ ଲୀନ ହେଲେ ରାଇମୋହନ , ମୁଖାଗ୍ନି ହେଲେ ସାନଝିଅ ଉଦିତା ପରିଡ଼ା , ପୁରୀ ସ୍ୱର୍ଗଦ୍ୱାରରେ ରାଇଙ୍କ ଶେତକୃତ୍ୟ ସଂପନ୍ନ
  • ||
  • ଭୁବନେଶ୍ୱର: ବାଣୀବିହାରରେ ପୁଣି ଆତଙ୍କ। ବୁଲିଲା ଖଣ୍ଡା , ଭୁଜାଲି। ଛିନ୍ ଛତ୍ର ହୋଇ ଦୌଡ଼ିଲେ ଛାତ୍ର ଛାତ୍ରୀ। କ୍ୟାମ୍ପସ ବାହାର କିଛି ଅଣଛାତ୍ର ଆସି ଛାତ୍ର ଙ୍କୁ ଆକ୍ରମଣ କରିଥିବା ସୂଚନା।
  • ||
  • ମୃତ୍ଯୁ ପରେ ଚକ୍ଷୁଦାନ କଲେ ରାଇମୋହନ, କ୍ୟାପିଟାଲ ହସ୍ପିଟାଲରେ କରାଗଲା ତାଙ୍କର ଚକ୍ଷୁଦାନ , କ୍ଯାପିଟାଲ ହସ୍ପିଟାଲ ନିର୍ଦ୍ଦେଶକ ଲକ୍ଷ୍ମୀଧର ସାହୁଙ୍କ ସୂଚନା
  • ||
  • ଭୁବନେଶ୍ଵର : ଅଭିନେତା ରାଇମୋହନ ପରିଡ଼ାଙ୍କ ପରଲୋକ, ନିଜ ଘରେ ଆତ୍ମହତ୍ୟା କରିଥିବା ସୂଚନା
  • ||
  • ଭୁବନେଶ୍ୱର: ମାସ ଶେଷରେ ଲଘୁଚାପ, ପ୍ରଥମ ସପ୍ତାହରେ ବର୍ଷିବ: ଆଜିଠୁ ୬ ଦିନ ଯାଏଁ ବର୍ଷା ସମ୍ଭାବନା, ୟେଲୋ ୱାର୍ଣ୍ଣିଂ ଜାରି
  • ||
  • ପୁରୀ: ଅଣସର ପିଣ୍ଡିରେ ଚକା ବିଜେ ହେଲେ ଶ୍ରୀବିଗ୍ରହ, ଆଜି ଖଳି ଲାଗି ପରେ ମୋଦକ ସମର୍ପଣ ନୀତି
  • ||
  • ଭୁବନେଶ୍ୱର: ଆଜି ଭୁବନେଶ୍ୱର କୋର୍ଟ ବନ୍ଦ, ଆନ୍ଦୋଳନକୁ ଓହ୍ଲାଇବେ ଆଇନଜୀବୀ
  • ||
  • ଜଳେଶ୍ୱର: ଭିଜିଲାନ୍ସ ଜାଲରେ ଆଣ୍ଟିଂ ସ୍ମଗଲିଂ ଗାର୍ଡ, ଏକକାଳୀନ ୫ଟି ସ୍ଥାନରେ ଚାଲିଛି ରେଡ୍
  • ||
  • ଜୁନାଗଡ଼: ସାଥିରେ ନେଲେନି ବୋଲି… ଦୁଇ ବନ୍ଧୁଙ୍କୁ ଏସିଡ୍‌ ମାଡ଼ କଲା ମଦ୍ୟପ ଯୁବକ, ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ନୂଆପଡ଼ା: ପୁଅକୁ ଟାଙ୍ଗିଆରେ ହତ୍ୟା କରି ଆତ୍ମହତ୍ୟା କଲା ବାପା
  • ||

ପୁଲୱାମା ଆକ୍ରମଣ: ଚୀନ୍‌ ରୋକିଥିଲା ଜାତିସଂଘ ନିନ୍ଦା ପ୍ରସ୍ତାବ

ନୂଆଦିଲ୍ଲୀ,୨୨ ।୨(ଏଜେନ୍ସି): ପୁଲୱାମା ଆତଙ୍କବାଦୀ ଆକ୍ରମଣ ଘଟଣାର ଏକ ସପ୍ତାହ ପରେ ଜାତିସଂଘ ସୁରକ୍ଷା ପରିଷଦ (ୟୁଏନ୍‌ଏସସି) କଡା ଶବ୍ଦରେ ଏହାକୁ ନିନ୍ଦା କରିଛି । ଗତକାଲି ଏ ସଂକ୍ରାନ୍ତରେ ୟୁଏନ୍‌ଏସସି ଏକ ବୟାନ ଜାରି କରିଛି । କିନ୍ତୁ ୟୁଏନ୍‌ଏସସିର ଏହି ବୟାନକୁ ରୋକିବା ଲାଗି ଚୀନ୍‌ ପୁରାଦମ୍‌ରେ ଲାଗିପଡିଥିଲା । କେବଳ ଚୀନ୍‌ର ବିରୋଧ ଯୋଗୁ ୧୫ ସଦସ୍ୟ ବିଶିଷ୍ଟ ୟୁଏନ୍‌ଏସସି ପୁଲୱାମା ଆକ୍ରମଣ ଉପରେ ନିନ୍ଦା ବୟାନ ଜାରି କରିବା ଲାଗି ଏକ ସପ୍ତାହ ବିଳମ୍ବ ହୋଇଥିଲା ବୋଲି ଜଣାପଡିଛି ।

କେବଳ ଏତିକି ନୁହେଁ ୟୁଏନ୍‌ଏସସି ବୟାନର ବିଷୟବସ୍ତୁକୁ ଚୀନ୍‌ ଦୁର୍ବଳ କରିବାକୁ ଲାଗିଥିଲା ବେଳେ ଏହା ଯେଭଳି ଜାରି କରାଯାଇ ନପାରି ସେଥିପାଇଁ ପାକିସ୍ତାନ ମଧ୍ୟ ସବୁ ବଳ ଖଟାଇ ଲାଗିପଡିଥିଲା । କିନ୍ତୁ ଆମେରିକାର ପ୍ରବଳ ଚାପ ଯୋଗୁ ସବୁ ସଦସ୍ୟ ନିନ୍ଦା ପ୍ରସ୍ତାବକୁ ସମର୍ଥନ କରିବାକୁ ବାଧ୍ୟ ହୋଇଥିଲେ । ଗତକାଲି ପୁଲୱାମା ଆକ୍ରମଣକୁ ୟୁଏନ୍‌ଏସସି ଅତ୍ୟନ୍ତ ଜଘନ୍ୟ ଓ କାପୁରୁଷର କାର୍ଯ୍ୟ ବୋଲି ବର୍ଣ୍ଣନା କରିଥିଲା । ଆତଙ୍କବାଦୀ ସଙ୍ଗଠନ ଜୈସ୍‌-ଇ-ମହମ୍ମଦ ସମ୍ପର୍କରେ ଉଲ୍ଲେଖ କରିବା ସହ ୟୁଏନ୍‌ଏସସି ଏହି ଆକ୍ରମଣରେ ସମ୍ପୃକ୍ତ ସବୁ ଦୋଷୀଙ୍କୁ ଆଇନ ପରିସରଭୁକ୍ତ କରି କଠୋର ଦଣ୍ଡ ଦେବାକୁ କହିଥିଲା । ଏ କ୍ଷେତ୍ରରେ ଭାରତକୁ ସବୁ ସଦସ୍ୟ ରାଷ୍ଟ୍ର ସହଯୋଗ କରିବାକୁ ୟୁଏନ୍‌ଏସସି କହିଛି । ଏହାକୁ ଉଭୟ ପାକିସ୍ତାନ ଓ ଚୀନ୍‌ ପାଇଁ ଶକ୍ତ ଝଟ୍‌କା ଓ ଭାରତ ପାଇଁ କୂଟନୈତିକ ବିଜୟ ବୋଲି କୁହାଯାଉଛି । କାରଣ ଭାରତର ଭାଷାରେ ହିଁ ସୁରକ୍ଷା ପରିଷଦ ଆତଙ୍କବାଦକୁ ନିନ୍ଦା କରିଛି । ଯାହାକି ଇତିହାସରେ ପ୍ରଥମ କରି ଏଭଳି ଘଟିଛି । ବୟାନ ଜାରି କରିବା ପୂର୍ବରୁ ଜାତିସଂଘରେ ଅବସ୍ଥାପିତ ପାକିସ୍ତାନର ସ୍ଥାୟୀ ପ୍ରତିନିଧି ମଲିହା ଲୋଧି ୟୁଏନ୍‌ଏସସି ଅଧ୍ୟକ୍ଷଙ୍କୁ ସାକ୍ଷାତ କରିଥିଲେ । ମାତ୍ର ତାଙ୍କର ଉଦ୍ଦେଶ୍ୟ ଫଳପ୍ରଦ ହୋଇପାରି ନଥିଲା ।

ୟୁଏନ୍‌ଏସସିରେ ୧୫ ସ୍ଥାୟୀ ଓ ଅସ୍ଥାୟୀ ସଦସ୍ୟ ଅଛନ୍ତି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ ପୁଲୱାମା ଆକ୍ରମଣକୁ ନେଇ ଜାତିସଂଘରେ ପ୍ରାୟ ଏକ ସପ୍ତାହ ହେଲା ବାଦ ବିବାଦ ଲାଗି ରହିଥିଲା । ୧୪ ତାରିଖରେ ପୁଲୱାମା ଆକ୍ରମଣ ଘଟଣା ପରେ ୟୁଏନ୍‌ଏସସି ପକ୍ଷରୁ ନିନ୍ଦା ବୟାନ ଗତ ୧୫ ତାରିଖରେ ଜାରି ହେବାର ଥିଲା । ସେହିଦିନ ଚୀନ୍‌କୁ ବାଦ୍‌ ଦେଇ ଅନ୍ୟ ୧୪ ସଦସ୍ୟ ରାଷ୍ଟ୍ର ବୟାନ ଜାରି କରିବାକୁ ସମସ୍ତ ପ୍ରସ୍ତୁତି ଶେଷ ହୋଇଥିଲା । ମାତ୍ର ଚୀନ ଦିନ ଗଡାଇବା ସହ ୧୮ ତାରିଖ ପର୍ଯ୍ୟନ୍ତ ସମୟ ମାଗିଥିଲା । କେବଳ ଏତିକି ନୁହେଁ, ସେଥିରେ ଦୁଇଥର ମଧ୍ୟ ଚୀନ୍‌ ପରିବର୍ତ୍ତନ କରିଥିଲା । ତା’ଛଡା ଆତଙ୍କବାଦୀ ଶବ୍ଦ ବ୍ୟବହାର ନକରିବାକୁ କହିଥିଲା । ଏହି ବୟାନକୁ ଟାଳିବା ଥିଲା ଚୀନ୍‌ର ମୁଖ୍ୟ ଉଦ୍ଦେଶ୍ୟ । କିନ୍ତୁ ଏଥିରେ ସେ ସଫଳ ହୋଇପାରି ନଥିଲା । ସେହି କାରଣରୁ ୟୁଏନ୍‌ଏସସି ଆକ୍ରମଣକୁ ନିନ୍ଦା କରିବା ପରେ ଚୀନ୍‌ ଏବେ ନୂଆ ତରିକା ଅବଲମ୍ବନ କରିଛି । ଆଜି ଚୀନ୍‌ ଏହାକୁ ହାଲ୍‌କା କରିବାକୁ ଚେଷ୍ଟା କରିଛି । କହିଛି ୟୁଏନ୍‌ଏସସିର ଏହି ନିନ୍ଦା ହେଉଛି ଏକ ସାଧାରଣ ବୟାନ । ଏହା କୌଣସି ଚୂଡାନ୍ତ ନିଷ୍ପତ୍ତି ନୁହେଁ ।

ସମ୍ବନ୍ଧିତ ଖବର