ପ୍ରମୁଖ ଖବର
  • ପେଟିଏମ୍‌ ପେମେଣ୍ଟ ବ୍ୟାଙ୍କର ଅଧ୍ୟକ୍ଷ ପଦରୁ ବିଜୟ ଶେଖର ଶର୍ମାଙ୍କ ଇସ୍ତଫା
  • ||
  • ଦେଶବାସୀଙ୍କୁ ପ୍ରଧାନମନ୍ତ୍ରୀଙ୍କ ବଡ଼ ଭେଟି: ୫୫୪ଟି ଅମୃତ ଭାରତ ଷ୍ଟେସନ୍ ଶିଳାନ୍ୟାସ
  • ||
  • ଭୁବନେଶ୍ଵର : ୨୮ରେ ଓଡ଼ିଶା ଆସିବେ ବିଲ୍ ଗେଟ୍ସ, ପରିଦର୍ଶନ କରିବେ କୃଷି ଭବନ
  • ||
  • ପାରାଦୀପ ବନ୍ଦରରୁ କଂଟେନର୍ ଏକ୍‌ଜିମ୍‌ ସେବା ଆରମ୍ଭ, ପଣ୍ୟ ପରିବହନ କ୍ଷେତ୍ରରେ ଯୁଗାନ୍ତକାରୀ ପଦକ୍ଷେପ
  • ||
  • କେନ୍ଦୁଝର ପାଟଣା ଗଣିତ ପ୍ରଶ୍ନପତ୍ର ଲିକ୍ ଅଭିଯୋଗ, ସୋସିଆଲ ମିଡିଆ​‌ରେ ଭାଇରାଲ
  • ||
  • କପି ଚେକିଂ ଆଳରେ ଅସଦାଚରଣ ଅଭିଯୋଗ, ଥାନାରେ ମାଟ୍ରିକ ପରୀକ୍ଷାର୍ଥୀ
  • ||
  • ଲୋକସେବା ଭବନ ଘେରିବ କଂଗ୍ରେସ, ବିଶାଳ ଶୋଭାଯାତ୍ରାରେ ସାମିଲ ହେବେ ହଜାର ହଜାର କଂଗ୍ରେସ କର୍ମୀ
  • ||
  • ଆଜି ଓଡ଼ିଶାର ୨୧ ଅମୃତ ଭାରତ ରେଳ ଷ୍ଟେସନର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ
  • ||
  • ଗର୍ଭବତୀଙ୍କ ପେଟକୁ ନର୍ସ ଖୁନ୍ଦା ମାରିଥିବା ଅଭିଯୋଗ, ଚାଲିଗଲା ମା ଓ ଛୁଆଙ୍କ ଜୀବନ
  • ||
  • ଓଡ଼ିଶା ଗଞ୍ଜେଇ ଚକୋଲେଟ୍‌ରେ ଝୁମୁଛି ହାଇଦ୍ରାବାଦ: ବାଲେଶ୍ୱରରେ ତିଆରି, ଦାଦନଙ୍କ ମାଧ୍ୟମରେ ହେଉଛି ଚାଲାଣ
  • ||
  • ଓସ୍ତପୁର ହଳଦିଢ଼ିଅ ନିକଟ ଗଛକୁ ପିଟିଲା ବୋଲେରୋ: ୩ ମୃତ, ୪ ଗୁରୁତର
  • ||
  • ଆଜି ୫-ଟି ଅଧ୍ୟକ୍ଷଙ୍କ ଅନୁଗୁଳ ଗସ୍ତ, ଛାତ୍ରବୃତ୍ତି ପ୍ରମାଣପତ୍ର ବଣ୍ଟନ କାର୍ଯ୍ୟକ୍ରମରେ ଯୋଗଦେବେ
  • ||
  • ରାଜ୍ୟରେ ଆହୁରି ତିନି ଦିନ ବର୍ଷା: ଉପକୂଳରେ ଅଧିକ ବର୍ଷିବା ସମ୍ଭାବନା, ୨୮ ଯାଏ କୋହଲା ପାଗ
  • ||

ଜଳବାୟୁ ପରିବର୍ତ୍ତନ ଡାକି ଆଣୁଛି ବଡ଼ ବିପଦ: ୨୦୫୦ ବେଳକୁ ଘନେଇବ ଖାଦ୍ୟ ସଂକଟ, ପ୍ରଭାବିତ ହେବେ ଭାରତର ଅଧା ଜନସଂଖ୍ୟା

ନୂଆଦିଲ୍ଲୀ,୧୯/୦୩: ଜଳବାୟୁ ପରିବର୍ତ୍ତନ ପ୍ରଭାବରେ ଖୁବ୍‌ଶୀଘ୍ର ବିଶ୍ୱର ଅନେକ ଦେଶ ଖାଦ୍ୟ ଯୋଗାଣ ସମସ୍ୟାର ସାମ୍ନା କରିବାକୁ ଯାଉଛନ୍ତି । ଏକ ରିପୋର୍ଟ ଅନୁସାରେ, ବିଶ୍ୱ ତାପନ ଏବଂ ଜଳ ସଂକଟ ଯୋଗୁ ୨୦୫୦ରେ ଭାରତର ଖାଦ୍ୟ ଯୋଗାଣରେ ୧୬%ରୁ ଅଧିକ ହ୍ରାସ ଘଟିପାରେ । ଫଳରେ ଦେଶର ୫୦% ଜନସଂଖ୍ୟା ଖାଦ୍ୟ ସଂକଟର ସାମ୍ନା କରିବେ ।

ଜଳବାୟୁ ସମସ୍ୟା ଯୋଗୁ ଖାଦ୍ୟ ଉତ୍ପାଦନ ପ୍ରଭାବିତ ହେବା ଫଳରେ ଉତ୍ପାଦନକାରୀ ଦେଶଗୁଡ଼ିକ ଆମଦାନିକାରୀ ପାଲଟିବେ । ରିପୋର୍ଟ ଅନୁସାରେ, ଜଳବାୟୁ ପରିବର୍ତ୍ତନର ସବୁଠାରୁ ଅଧିକ ପ୍ରଭାବ ଚୀନ୍‌ରେ ଦେଖାଦେବ । ସେଠାରେ ଖାଦ୍ୟ ଯୋଗାଣରେ ୨୨.୪% ହ୍ରାସ ଘଟିପାରେ । ଏହା ପଛକୁ ରହିଛି ଦକ୍ଷିଣ ଆମେରିକା । ସେଠାରେ ଖାଦ୍ୟ ଯୋଗାଣରେ ୧୯.୪% ହ୍ରାସ ଘଟିପାରେ । ରିପୋର୍ଟରେ କୁହାଯାଇଛି ଯେ, ଚୀନ୍‌ ଏବଂ ଆସିଆନ୍‌ ସଦସ୍ୟ ରାଷ୍ଟ୍ରଗୁଡ଼ିକ ସହ ଏସୀୟ ଦେଶ, ଯେଉଁମାନେ ବର୍ତ୍ତମାନ ଖାଦ୍ୟ ରପ୍ତାନିକାରୀ ରହିଛନ୍ତି ୨୦୫୦ ସୁଦ୍ଧା ସେମାନେ ଖାଦ୍ୟ ଆମଦାନିକାରୀ ପାଲଟିବେ ।

ଜଳ ସଂକଟ ଏହାର ଏକ ପ୍ରମୁଖ କାରଣ । ସ୍ୱଚ୍ଛ ଏବଂ ବ୍ୟବହାରଯୋଗ୍ୟ ଜଳର ଚାହିଦା ବୃଦ୍ଧିରୁ ଜଳାଭାବ ସମସ୍ୟା ଦେଖାଦେବ ବୋଲି ରିପୋର୍ଟରେ ଉଲ୍ଲେଖ କରାଯାଇଛି । ସୂଚନାଯୋଗ୍ୟ, ୨୦୧୯ରେ ଜଳ ସଂକଟର ସାମ୍ନା କରିବାରେ ଭାରତ ବିଶ୍ୱ ସ୍ତରରେ ୧୩ ନମ୍ବର ସ୍ଥାନରେ ଥିଲା ।
ଜାତିସଂଘ ରିପୋର୍ଟ ଅନୁସାରେ, ଆଗକୁ ବିଶ୍ୱରେ ଏକ ବଡ଼ ଜଳ ସଂକଟ ଦେଖାଦେଇପାରେ । ଚଳିତ ଦଶନ୍ଧି ଶେଷ ସୁଦ୍ଧା ସ୍ୱଚ୍ଛ ଜଳ ଚାହିଦା ଏହାର ଯୋଗାଣକୁ ୪୦% ଟପିଯିବ ।

ଅତ୍ୟଧିକ ଜଳ ବ୍ୟବହାରକୁ ହ୍ରାସ କରିବା ପାଇଁ ଜାତିସଂଘ ପକ୍ଷରୁ ଦେଶଗୁଡ଼ିକୁ ପରାମର୍ଶ ଦିଆଯାଇଛି । ଖଣିଠାରୁ ଆରମ୍ଭ କରି ବିନିର୍ମାଣ ପର୍ଯ୍ୟନ୍ତ ଶିଳ୍ପଗୁଡ଼ିକୁ ଜଳ ନଷ୍ଟ ନ କରିବା ପାଇଁ ଏହା ଆହ୍ୱାନ ଦେଇଛି ।

ରାଷ୍ଟ୍ରଗୁଡ଼ିକ ଜଳକୁ ଏକ ଗ୍ଲୋବାଲ କମନ୍‌ ଗୁଡ୍‌ ଭାବେ ପରିଚାଳନା କରିବା ଦରକାର । କାରଣ ଅଧିକାଂଶ ରାଷ୍ଟ୍ର ଜଳ ପାଇଁ ନିଜ ନିଜ ପଡ଼ୋଶୀ ରାଷ୍ଟ୍ରଗୁଡ଼ିକ ଉପରେ ବଡ଼ ମାତ୍ରାରେ ନିର୍ଭରଶୀଳ । ଆବଶ୍ୟକଠାରୁ ଅଧିକ ଜଳ ବ୍ୟବହାର, ପ୍ରଦୁଷଣ ଏବଂ ଜଳବାୟୁ ସମସ୍ୟା ବିଶ୍ୱ ଜଳ ଯୋଗାଣ ପାଇଁ ବିପଦ ବୋଲି ରିପୋର୍ଟରେ ଉଲ୍ଲେଖ କରାଯାଇଛି ।

ରିପୋର୍ଟ ଅନୁସାରେ, ପ୍ରତିବର୍ଷ ବିଶ୍ୱରେ ୭୦,୦୦୦ କୋଟି ଡଲାରରୁ ଅଧିକ ସବ୍‌ସିଡି କୃଷି ଏବଂ ଜଳ ପାଇଁ ଦିଆଯାଉଛି । ଏହା ଦ୍ୱାରା ଅତିରିକ୍ତ ଜଳ ବ୍ୟବହାରକୁ ପ୍ରୋତ୍ସାହନ ମିଳୁଛି । ଏହା ସହିତ ଜଳ ଲିକେଜ୍‌ ସମସ୍ୟାର ତୁରନ୍ତ ସମାଧାନ ହେବା ଦରକାର । ସ୍ୱଚ୍ଛ ଜଳ ବ୍ୟବସ୍ଥାର ସଂରକ୍ଷଣ ମଧ୍ୟ ଜରୁରୀ ବୋଲି ରିପୋର୍ଟରେ ଉଲ୍ଲେଖ କରାଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.