କମିଶନରେଟ ପୁଲିସରେ ଅଦଳବଦଳ, ଆଇପିଏସ୍ ଅନିରୁଦ୍ଧ ରାଉତରାୟଙ୍କୁ ସ୍ପେଶାଲ କ୍ରାଇମ ୟୁନିଟର ଏସିପି ଦାୟିତ୍ୱ
ଭୁବନେଶ୍ୱର, ୦୨/୪: କମିଶନରେଟ ପୁଲିସରେ ଛୋଟ ଧରଣର ଅଦଳବଦଳ ହୋଇଛି । ୪ ଏସିପି, ଜଣେ ଇନ୍ସପେକ୍ଟର, ୨ ଜଣ ଏସ୍ଆଇଙ୍କୁ ଅନ୍ୟତ୍ର ବଦଳି କରାଯାଇଛି । ଜୋନ-୩ ଏସିପି ରଜତ ରାୟଙ୍କୁ ସିପି ହେଡକ୍ୱାର୍ଟର୍ସକୁ ପଠାଯାଇଛି । ଜୋନ-୨ ଏସିପି ଅନିରୁଦ୍ଧ ରାଉତରାୟଙ୍କୁ ସ୍ପେଶାଲ କ୍ରାଇମ ୟୁନିଟର ଏସିପି ଦାୟିତ୍ୱ ମିଳିଛି ।
ସ୍ପେଶାଲ କ୍ରାଇମ ୟୁନିଟରେ ଥିବା ଏସିପି ଗିରିଜା ଶଙ୍କର ଚକ୍ରବର୍ତ୍ତୀଙ୍କୁ ଜୋନ- ୨ ଦାୟିତ୍ୱ ଦିଆଯାଇଛି । ଏସିପି ପି. କେ ରାଉତ ଏବେ ଜୋନ-୩ ଦାୟିତ୍ୱ ସମ୍ଭାଳିବେ । ସିପି ହେଡକ୍ୱାର୍ଟର୍ସରେ ଥିବା ସନ୍ତୋଷ କୁମାର ଜେନାଙ୍କୁ ଆଇୟୁସିଏଡବ୍ଲୁକୁ ପଠାଯାଇଛି । ଏସଆଇ ଆଶିଷ କୁମାର ଦାସ, ଏସଆଇ ରାଧାକୃଷ୍ଣ ମହାନ୍ତିଙ୍କୁ କଟକ ୟୁପିଡିକୁ ବଦଳି କରାଯାଇଛି ।
