ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ଲାଗି କଂଗ୍ରେସ ପ୍ରାର୍ଥୀଙ୍କ ପ୍ରଥମ ତାଲିକା ଜାରି କରିଛି । ପ୍ରଥମ ସୂଚୀରେ କଂଗ୍ରେସ ମୋଟ ୨୧ ଜଣ ପ୍ରାର୍ଥୀଙ୍କ ନାଁ ସାମିଲ କରିଛି । ନୂଆଦିଲ୍ଲୀ ଆସନରୁ ଶୀଲା ଦୀକ୍ଷିତଙ୍କ ପୁଅ ସନ୍ଦୀପ ଦୀକ୍ଷିତଙ୍କୁ ମୈଦାନକୁ ଓହ୍ଲାଇଛି । ନୂଆଦିଲ୍ଲୀ ବିଧାନସଭା କ୍ଷେତ୍ରରୁ ପୂର୍ବତନ ମୁଖ୍ୟମନ୍ତ୍ରୀ ଏବଂ ଆମ୍ ଆଦାମୀ ପାର୍ଟି ସୁପ୍ରିମୋ ଅରବିନ୍ଦ କେଜ୍ରିୱାଲ ବିଧାୟକ ଅଛନ୍ତି । ବାଦଲି ଆସନରୁ ଦିଲ୍ଲୀ କଂଗ୍ରେସ ଅଧ୍ୟକ୍ଷ ଦେବେନ୍ଦ୍ର ଯାଦବ, ୱଜିରପୁରରୁ ରାଗିନି ନାୟକ ଏବଂ କସ୍ତୁରବା ନଗରରୁ ଅଭିଷେକ ଦତ୍ତ ନିର୍ବାଚନ ଲଢିବେ ।
ସୂଚନାଯୋଗ୍ୟ, ଅରବିନ୍ଦ କେଜ୍ରିୱାଲ ୨୦୧୩ ବିଧାନସଭା ନିର୍ବାଚନରେ ନୂଆଦିଲ୍ଲୀ ଆସନରୁ ଦିଲ୍ଲୀର ତତ୍କାଳୀନ ମୁଖ୍ୟମନ୍ତ୍ରୀ ଏବଂ ସିନ୍ଦୀପ ଦୀକ୍ଷିତଙ୍କ ମା’ ଶୀଲା ଦୀକ୍ଷିତଙ୍କୁ ପରାସ୍ତ କରିଥିଲେ । ଆମ୍ ଆଦାମୀ ପାର୍ଟିର ଅବଧ ଓଝାଙ୍କ ସାମନାରେ କଂଗ୍ରେସ ଅନିଲ ଚୌଧୁରୀଙ୍କୁ ମୈଦାନକୁ ଓହ୍ଲାଇଛି । ଅନ୍ୟ ପ୍ରାର୍ଥୀଙ୍କ ମଧ୍ୟରେ ମୁସ୍ତଫାବାଦରୁ ଅଲି ମହନ୍ଦୀ, ସୀଲମପୁରରୁ ଅବଦୁଲ ରହମାନ, ନାଙ୍ଗଲୋଇ ଜାଟରୁ ରୋହିତ ଚୌଧୁରୀ ଏବଂ ଶାଲିମାର ବାଗରୁ ପ୍ରବୀଣ ଜୈନ ନିର୍ବାଚନ ଲଢିବେ ।
ସେହିଭଳି କଂଗ୍ରେସ ଦ୍ବାରକାରୁ ଆଦର୍ଶ ଶାସ୍ତ୍ରୀ, ଛତରପୁରରୁ ରାଜିନ୍ଦର ତଂଓ୍ବର, ଆମ୍ବେଦକର ନଗରରୁ ଜୟ ପ୍ରକାଶ, ଗ୍ରେଟର କୈଳାଶରୁ ଗର୍ବିତ ସିଂଘଭୀ, ପଟପଡ଼ଗଞ୍ଜରୁ ଅନିଲ କୁମାର ଏବଂ ସୀଲମପୁରରୁ ଅବ୍ଦୁଲ ରେହମାନଙ୍କୁ ପ୍ରାର୍ଥୀ କରିଛି ।
