PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ଶ୍ରୀଗୁଣ୍ଡିଚା ମନ୍ଦିର ଆଗରେ ଲାଗିଲା ତିନି ରଥ
  • ||
  • ଜଳେଶ୍ବର : ରଥଟଣାବେଳେ ଲାଗିଲା ବିଦ୍ୟୁତ ତାର, ଜଣେ ମୃତ ଓ ୭ ଗୁରୁତର
  • ||
  • ସମ୍ବଲପୁର : ପାରିବାରିକ କଳହର କରୁଣ ପରିଣତି, ସ୍ତ୍ରୀକୁ ପିଟିପିଟି ହତ୍ୟା କଲା ପିଶାଚ ସ୍ଵାମୀ
  • ||
  • ଭୁବନେଶ୍ଵର : ନିଅଣ୍ଟିଆ ଜୁନ, ଆସୁଛି ଦୁଇଟି ଲଘୁଚାପ, ୪ରୁ ବଢ଼ିବ ବର୍ଷା
  • ||
  • ପୁରୀ : ସୁଦର୍ଶନଙ୍କ ବାଲୁକାକଳା ରେକର୍ଡ, ପୁରୀ ବେଳାଭୂମିରେ ତିଆରି କଲେ ୧୨୫ ବାଲି ରଥ
  • ||
  • ଭୁବନେଶ୍ୱର : ରାଜ୍ୟରେ ଦ୍ରୁତ ଗତିରେ ବଢ଼ିଲା କରୋନା, ୨୦୦ ଟପିଲା ଦୈନିକ ସଂକ୍ରମଣ
  • ||
  • ଭୁବନେଶ୍ଵର : ଅଧାରେ ରହିଗଲା ପୁରୀ ଯାତ୍ରା, ରଥଯାତ୍ରାରେ ଆରପାରିକୁ ଚାଲିଗଲେ ବରିଷ୍ଠ ଫଟୋଗ୍ରାଫର ଅଶୋକ ପଣ୍ଡା
  • ||
  • ଭୁବନେଶ୍ଵର : ପବିତ୍ର ରଥଯାତ୍ରା ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ
  • ||

କଂଗ୍ରେସର କାହିଁକି ହେଲା ବିପର୍ଯ୍ୟୟ ?କାରଣ ଖୋଜିବାକୁ ୩୦ରେ ହେବ ସମୀକ୍ଷା

ଭୁବନେଶ୍ୱର,୨୭ା୫(ବ୍ୟୁରୋ): ରାଜ୍ୟରେ କଂଗ୍ରେସର କାହିଁକି ହେଲା ବିପର୍ଯ୍ୟୟ । ଏହାର କାରଣ ଖୋଜିବାକୁ ଆସନ୍ତା ୩୦ ତାରିଖରେ ହେବ ସମୀକ୍ଷା ବୈଠକ । ବୈଠକରେ ଯୋଗଦେବେ ଓଡ଼ିଶା କଂଗ୍ରେସର ପ୍ରଭାରୀ ଜିତେନ୍ଦ୍ର ସିଂହ ଓ ଟି. ଏସ୍‌ ସିଂହଦେଓ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ରାଜ୍ୟର ଅନ୍ୟ ବରିଷ୍ଠ ନେତାମାନେ ମଧ୍ୟ ବୈଠକରେ ଉପସ୍ଥିତ ରହିବେ । କଂଗ୍ରେସକୁ କିଭଳି ବିପର୍ଯ୍ୟୟରୁ ବାହାର କରାଯାଇପାରିବ, ସେ ବାବଦରେ ବୈଠକରେ ବାଟ ବାହାର କରାଯିବ ବୋଲି ପିସିସି ସଭାପତି ନିରଞ୍ଜନ ସୂଚନା ଦେଇଛନ୍ତି । ଅପରପକ୍ଷେ ୩୦ରେ କଂଗ୍ରେସର ବିଧାୟକ ଦଳର ନେତା ବଛାଯିବା ପାଇଁ ନିର୍ବାଚନ ମଧ୍ୟ ଅନୁଷ୍ଠିତ ହେବ ।

ନିରଞ୍ଜନ ତାଙ୍କ ପୁଅ ନବଜ୍ୟୋତି ପ୍ରାର୍ଥୀ ହେବା ବାବଦରେ କହିଛନ୍ତି, ମୋ ପୁଅ ଛିଡ଼ା ହୋଇଥିବା ନିର୍ବାଚନମଣ୍ଡଳୀକୁ ପ୍ରଚାର କରିବା ପାଇଁ ମୁଁ ଯାଇନି । ଜିଲ୍ଲା କଂଗ୍ରେସ ଓ ଏଆଇସିସିର ନିଷ୍ପତ୍ତି ଅନୁସାରେ ତାଙ୍କୁ ପ୍ରାର୍ଥୀ କରାଯାଇଥିଲା । କେବଳ ମୋ ମତରେ ତାଙ୍କୁ ପ୍ରାର୍ଥୀ କରାଯାଇନି ।
ଗତ ନିର୍ବାଚନରେ କଂଗ୍ରେସ ହାରିବା ନେଇ ନିରଞ୍ଜନ କହିଛନ୍ତି, ସାରା ଦେଶରେ ଲୋକେ ଆମକୁ ଚାହିଁଲେ ନାହିଁ । ସମଗ୍ର ଦେଶରେ ନରେନ୍ଦ୍ର ମୋଦିଙ୍କ ହାୱା ଓ ରାଜ୍ୟରେ ନବୀନ ପଟ୍ଟନାୟକଙ୍କ ହାୱା ରହିଲା । ଆମେ ସେହି ହାୱାକୁ ପ୍ରତିହତ କରିପାରିଲୁ ନାହିଁ । ଆମେ ଆମ ଦୁର୍ବଳତାକୁ ସ୍ୱୀକାର କରୁଛୁ । ବର୍ତ୍ତମାନ ସମୟରେ ଆମ ଦେଶରେ ନୀତି, ଆଦର୍ଶ ଓ ବିଚାରଧାରାର ରାଜନୀତି ଚାଲିନାହିଁ । ଏଠି କେବଳ ବ୍ୟବସାୟୀକରଣ ରାଜନୀତି ଚାଲିଛି । ସେଥିପାଇଁ ଆଜି ଯିଏ କଂଗ୍ରେସରୁ ଟିକେଟ୍‌ ନେଉଛି, କାଲି ସେ ବିଜେଡି କିମ୍ବା ବିଜେପିରୁ ଟିକେଟ୍‌ ନେଉଛି । ଯୁବପିଢ଼ି ନୀତି, ଆଦର୍ଶ ଓ ବିଚାରଧାରାରେ ବିଶ୍ୱାସ ରଖି ରାଜନୀତିକୁ ଆସିଲେ, ଦେଶର ପ୍ରଗତି ହେବା ସହ ଲୋକଙ୍କ ମଙ୍ଗଳ ହୋଇପାରିବ ।

ସମ୍ବନ୍ଧିତ ଖବର