ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ହୋମ୍‌ଗାର୍ଡଙ୍କ ପାଇଁ ସଂରକ୍ଷଣ ମାମଲା, ଗୃହ ବିଭାଗକୁ ନୋଟିସ୍‌

କଟକ, ୨୫/୦୩ : ରାଜ୍ୟରେ କନେଷ୍ଟବଳ ପଦରେ ନିଯୁକ୍ତି ଚାଲିଥିଲା ବେଳେ ଏଥିରେ ହୋମ୍‌ଗାର୍ଡଙ୍କ ପାଇଁ କରାଯାଇଥିବା ସଂରକ୍ଷଣ ବ୍ୟବସ୍ଥାକୁ ବିରୋଧ କରି ରୁଜୁ ମାମଲାରେ ହାଇକୋର୍ଟ ଗୃହ ବିଭାଗକୁ ଜବାବ ଦାଖଲ ଲାଗି ନୋଟିସ୍‌ କରିଛନ୍ତି । ଏଥିସହ ଏହି ନିଯୁକ୍ତିର ଭବିଷ୍ୟତ ମାମଲାର ରାୟ ଉପରେ ନିର୍ଭର କରିବ ବୋଲି ହାଇକୋର୍ଟ ତାଙ୍କ ଆଦେଶରେ ସ୍ପଷ୍ଟ କରିଛନ୍ତି । ପୁରୀ ଜିଲ୍ଲାରେ ହୋମ୍‌ଗାର୍ଡ ଭାବେ କାର୍ଯ୍ୟରତ ଲକ୍ଷ୍ମୀପ୍ରିୟା ଭୋଇ ଏବଂ ଅନ୍ୟମାନଙ୍କ ପକ୍ଷରୁ ଆଗତ ମାମଲାର ଶୁଣାଣି ପରିପ୍ରେକ୍ଷୀରେ ହାଇକୋର୍ଟର ବିଚାରପତି ଜଷ୍ଟିସ୍‌ ଆଦିତ୍ୟ କୁମାର ମହାପାତ୍ର ଏହି ନିର୍ଦ୍ଦେଶ ଦେଇଛନ୍ତି ।

ପିଟିସନ୍‌ରେ ଉଲ୍ଲେଖ କରାଯାଇଛି କି, ରାଜ୍ୟରେ ମୋଟ୍‌ ୪ ହଜାର ୭୯୦ କନେଷ୍ଟବଳଙ୍କୁ ନିଯୁକ୍ତି ଦିଆଯିବ ବୋଲି ବିଜ୍ଞପ୍ତି ପ୍ରକାଶ ପାଇଛି । ଯେଉଁ ଜିଲ୍ଲାକୁ ଯେତିକି ପଦ ମିଳିବ ସେଥିରେ ୧୦% ସଂରକ୍ଷଣ ହୋମ୍‌ଗାର୍ଡଙ୍କ ପାଇଁ ସଂରକ୍ଷିତ ହୋଇ ରହିବା କଥା । ପୁରୀ ଜିଲ୍ଲା ଭାଗରେ ୩୧୮ଟି ପଦରେ କନେଷ୍ଟବଳ ନିଯୁକ୍ତି ପାଇବେ ବୋଲି ନିଷ୍ପତ୍ତି ହୋଇଛି । ୧୦% ସଂରକ୍ଷଣ ହିସାବରେ ଏଥିରୁ ହୋମ୍‌ଗାର୍ଡଙ୍କ ପାଇଁ ୩୨ଟି ପଦବି ରହିବା କଥା । କିନ୍ତୁ ପୁରୀ ପୁଲିସ୍‌ ପ୍ରଶାସନ ପକ୍ଷରୁ ଏଥିରେ ସିଧାସଳଖ ହୋମ୍‌ଗାର୍ଡଙ୍କ ପାଇଁ ୧୦% ସଂରକ୍ଷଣ ଦିଆଯିବା ପରିବର୍ତ୍ତେ ଏକ କଟ୍‌ଅଫ ମାର୍କ ରଖାଗଲା । ଏଥିସହ ୩୨ଜଣଙ୍କୁ ଚୟନ ପାଇଁ ୧:୫ ହିସାବରେ ପ୍ରାର୍ଥୀ ଚୟନ କରିବା କଥା । କିନ୍ତୁ ତାହା କରାନଯାଇ କଟ୍‌ଅଫ ମାର୍କ ରଖାଯାଇ ସଂରକ୍ଷଣ ପଦ୍ଧତିରେ ପରିବର୍ତ୍ତନ କରାଗଲା । ଫଳରେ ଏହି ୩୨ଟି ପଦରେ ଜଣେ ବି ମହିଳା ହୋମ୍‌ଗାର୍ଡଙ୍କୁ ପାଇଁ ସ୍ଥାନ ରହିଲା ନାହିଁ । ଏହାକୁ ଚାଲେଞ୍ଜ କରି ଆବେଦନକାରିଣୀମାନେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ହାଇକୋର୍ଟ ମାମଲାର ଶୁଣାଣି କରି ଉପରୋକ୍ତ ନିର୍ଦ୍ଦେଶ ଦେଇଛନ୍ତି । ଆବେଦନକାରିଣୀଙ୍କ ପକ୍ଷରୁ ଆଇନଜୀବୀ ରାଜୀବ ରଥ ମାମଲା ପରିଚାଳନା କରୁଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.