PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ହଜାରେ ବର୍ଷ ତଳ ଐତିହ୍ୟର ପୁନରୁଦ୍ଧାର ପାଇଁ ଉଦ୍ୟମ; ଯାଜପୁର ପ୍ରବେଶ ପଥରେ ଯଯାତି ପ୍ରକଳ୍ପ ନିର୍ମାଣ ଆରମ୍ଭ

ଯାଜପୁର,୨୫/୫ : ଦଶମ ଶତାବ୍ଦୀ ବେଳକୁ ଯାଜପୁର ଉତ୍କଳର ରାଜଧାନୀ ଥିଲା । ଭୌମକର ଓ ସୋମବଂଶୀ ନରପତି ଯାଜପୁରକୁ ଶାସନ କେନ୍ଦ୍ରକରି ୪ ଶହ ବର୍ଷରୁ ଅଧିକ କାଳ ରାଜୁତି କରିଥିଲେ । ଭୌମ, ସୋମ, ଗଙ୍ଗ ବଂଶର ଐତିହ୍ୟମାଳା ଯାଜପୁର ଜିଲ୍ଲାରେ ସର୍ବତ୍ର ଦୃଶ୍ୟମାନ ହୁଏ । ହଜାରେ ବର୍ଷ ତଳର ଐତିହ୍ୟର ପୁନରୁଦ୍ଧାର ପାଇଁ ଇତିମଧ୍ୟରେ ଉଦ୍ୟମ ଆରମ୍ଭ ହୋଇଛି । ଯାଜପୁରର ହଜିଲା ଐତିହ୍ୟର ଅବିକଳ ପୁନନିର୍ମାଣ ପାଇଁ ପୂର୍ତ୍ତ, ନଗର ବିକାଶ,  ସଂସ୍କୃତି, ପର୍ଯ୍ୟଟନ ବିଭାଗ ମିଳିତ ଭାବେ ସ୍ୱତନ୍ତ୍ର ଐତିହ୍ୟ ପ୍ରକଳ୍ପ ହାତକୁ ନେଇଛନ୍ତି ।

୧୫ କୋଟି ଟଙ୍କାର ପ୍ରାଥମିକ ଆକଳନରେ ଯାଜପୁର ସହରର ପ୍ରବେଶ ପଥରେ ଯଯାତି ପ୍ରକଳ୍ପ ହାତକୁ ନିଆଯାଇଛି । ଯାଜପୁରର ଯଶସ୍ୱୀ ରାଜା ଯଯାତି କେଶରୀଙ୍କ ରାଜନୈତିକ ଇତିବୃତ୍ତ ଓ ଦିଗ୍‌ବିଜୟର କିମ୍ବଦନ୍ତୀଙ୍କୁ ଆଧାର କରି ଯାଜପୁର ସହରର ପ୍ରବେଶ ପଥରେ ଯଯାତି ପ୍ରକଳ୍ପ ନିର୍ମାଣ  ଆରମ୍ଭ ହୋଇଛି । ଏଥିପାଇଁ ୪ ମାସ ତଳେ ରାଜ୍ୟ ପର୍ଯ୍ୟଟନ ବିଭାଗ ୨ କୋଟି ଟଙ୍କାର ଅନୁଦାନ ଯଯାତି ପ୍ରତିମୂର୍ତ୍ତି ନିର୍ମାଣ ପାଇଁ ମଂଜୁର କରିଛନ୍ତି । ବିଶିଷ୍ଟ ଭାସ୍କର୍ଯ୍ୟ ଶିଳ୍ପୀ ସୁଦର୍ଶନ ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ରାଜା ଯଯାତି କେଶରୀଙ୍କ ମୂର୍ତ୍ତି ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି ।

ଯାଜପୁର ସହରର ଦକ୍ଷିଣ-ପଶ୍ଚିମ ପ୍ରବେଶ ପଥ ଅବଦଲପୁର (ଗୋଖନା) ସ୍ଥିତ ସଢ଼େଇ ପୋଖରୀଠାରେ ଯଯାତି ଐତିହ୍ୟ ପ୍ରକଳ୍ପ ନିର୍ମାଣ କରାଯିବ । ପୁଷ୍କରିଣୀ ପରିବେଷ୍ଟିତ ଯଯାତି ପ୍ରକଳ୍ପ ପାଇଁ ଜିଲ୍ଲା ପ୍ରଶାସନ ୫ ଏକର ଜମି ଚିହ୍ନଟ କରି ସାରିଛି । ଯଯାତି ପ୍ରକଳ୍ପକୁ ଅବଲୋକନ ପରେ ଯାଜପୁର ଯେ ଏକଦା ଉତ୍କଳର ରାଜଧାନୀ ଥିଲା ସେ ସମ୍ପର୍କରେ ପର୍ଯ୍ୟଟକ ଆପାତତଃ ଅବଗତ ହୋଇପାରିବେ ।