ନୂଆଦିଲ୍ଲୀ, ୧୨/ ୦୯: ରବିବାର ଅନୁଷ୍ଠିତ ହେବ ନିଟ୍‌ ପରୀକ୍ଷା। କରୋନା କଟକଣା ଭିତରେ ହେବ ନିଟ୍‌ ପରୀକ୍ଷର। ଏଥିପାଇଁ ଛାତ୍ରଛାତ୍ରୀଙ୍କ ପାଇଁ ହୋଇଛି ସ୍ବତନ୍ତ୍ର ବ୍ୟବସ୍ଥା। ପରୀକ୍ଷାର ଦିନକୁ ପୂର୍ବରୁ ନ୍ୟାସନାଲ ଟେଷ୍ଟିଂ ଏଜେନ୍ସି ପକ୍ଷରୁ ନୂଆ ଏସ୍‌ଓପି ଜାରି ହୋଇଛି। ନୂଆ ଏସ୍‌ଓପି ମୁତାବିକ ଆସନ୍ତାକାଲି ପରୀକ୍ଷା ଦେଇ ପାରିବେନି କରୋନା ପଜିଟିଭ ପରୀକ୍ଷାର୍ଥୀ। ସେମାନେ ଅନ୍ୟ ଦିନରେ ଦେବେ ପରୀକ୍ଷା। ଏନେଇ ଆସନ୍ତାକାଲି ପରୀକ୍ଷା ପରେ ପରୀକ୍ଷାରୁ ବଞ୍ଚିତ ହୋଇଥିବା ପଜିଟିଭ ପରୀକ୍ଷାର୍ଥୀଙ୍କ ପାଇଁ ନିଷ୍ପତ୍ତ ନିଆଯିବ ବୋଲି ସୂଚନା ରହିଛି।

ଓଡ଼ିଶାର ୭ଟି ସହରର ମୋଟ ୮୩ଟି ପରୀକ୍ଷା କେନ୍ଦ୍ରରେ ୩୬ ହଜାର ୪୫୯ ପରୀକ୍ଷାର୍ଥୀ ପରୀକ୍ଷା ଦେବେ। ଯାହାକୁ ଦୃଷ୍ଟିରେ ରଖି ରାଜ୍ୟ ସରକାର ପରୀକ୍ଷାର୍ଥୀ ତଥା ସେମାନଙ୍କ ଅଭିଭାବକଙ୍କ ପାଇଁ ଯାତାୟତ ଠାରୁ ଆରମ୍ଭ କରି ରହିବା ଖାଇବାର ବ୍ୟବସ୍ଥା କରିଛନ୍ତି। ବିଶେଷ କରି ଭୁବନେଶ୍ବରରେ ଅଧିକ ପରୀକ୍ଷା ସେଣ୍ଟର ଥିବାରୁ ଭୁବନେଶ୍ବର ସର୍କିଟ ହାଉସରେ ବୈଠକ କରି ଶେଷ ପ୍ରସ୍ତୁତିର ସମୀକ୍ଷା କରିଛନ୍ତି ଖୋର୍ଦ୍ଧା ଜିଲ୍ଲାପାଳ। ପରୀକ୍ଷାର୍ଥୀଙ୍କ ଯାତାୟତ ଠାରୁ ଆରମ୍ଭ କରି ରହିବା ଏବଂ ଖାଇବା ବ୍ୟବସ୍ଥା କରାଯାଇଛି।

ସାମାଜିକ ଦୂରତା ରକ୍ଷା କରି ପ୍ରତି ରୁମରେ ୧୨ ଜଣ ପରୀକ୍ଷା ଦେବେ। ସମସ୍ତ ପରୀକ୍ଷାର୍ଥୀ ମାସ୍କ ପିନ୍ଧିବା ବାଧ୍ୟତାମୂଳତ। ସେହିପରି ଯେଉଁମାନଙ୍କ ଠାରେ କୌଣସି ବି ଲକ୍ଷଣ ଥିବ ସେମାନେ ଆଇସୋଲେଟ ରୁମ୍‌ରେ ପରୀକ୍ଷା ଦେବେ ସେହି ରୁମରେ ନିୟୋଜିତ ଇନଭିଜିଲେଟର ପିପିଇ କିଟ୍‌ ପିନ୍ଧିବେ ବୋଲି ସୂଚନା ରହିଛି।