ବରଗଡ,୨୩।୫ ବରପାଲି ଥାନା ଅନ୍ତର୍ଗତ ସରଣ୍ଡାପାଲି ଗ୍ରାମ ଗ୍ରୀଡ଼ ପାଖରେ କାର ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଦମ୍ପତିଙ୍କ ମୃତ୍ୟୁ ଘଟିଛି। ମୃତ ଦମ୍ପତି ହେଲେ ଗଣେଶ ରାମ ସାହୁ ଓ ତାଙ୍କ ପତ୍ନୀ ସନ୍ତୋଷୀନି ସାହୁ ।
ବିଜେପୁର ନିକଟରେ ଥିବା କେଶେଇପାଲି ଗ୍ରାମର ଗଣେଶ ରାମ ସାହୁ ଓ ତାଙ୍କ ପତ୍ନୀ ସନ୍ତୋଷୀନି ସାହୁ ଏକ ବାଇକ୍ ( ନଂ ସିଜି୧୧ଏଡି୨୪୩୩) ରେ ପଥର୍ଲ। ଗ୍ରାମକୁ ଏକ ବାହା ଘରରେ ଯୋଗ ଦେବା ପାଇଁ ଯାଉଥିଲେ। ସାମ୍ନା ପଟୁ ଆସୁଥିବା ଏକ କାର ( ନଂ ସିଜି୦୪ଏନଟି୧୧୦୧) ସହ ମୁହାଁ ମୁହିଁ ଧକ୍କା ଦେବାରୁ ଘଟଣା ସ୍ଥଳରେ ହିଁ ଗଣେଶ ଙ୍କ ମୃତ୍ୟୁ ହୋଇଥିଲା। ପତ୍ନୀ ସନ୍ତୋଷିନୀଙ୍କୁ ଗୁରୁତର ଅବସ୍ଥାରେ ବରଗଡ଼ ର୍ ଏକ ଘରୋଇ ଡାକ୍ତରଖାନା କୁ ନେଉଥିବା ବେଳେ ରାସ୍ତାରେ ତାଙ୍କର ମୃତ୍ୟୁ ହୋଇଯାଇଥିଲା । ଗଣେଷଙ୍କ ମୃତଦେହ ପୋଲିସ ଜବତ କରି ବ୍ୟବଛେଦ ପାଇଁ ପଠାଇଛି। ବରପାଲି ପୋଲିସ କାର ଚାଳକ ରାହୁଲ ଗୋୟଲ ଙ୍କୁ ଅଟକ ରଖି ତଦନ୍ତ କରୁଛି।