PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ଫେସ୍‌ବୁକ୍‌ରେ ବନ୍ଧୁତ୍ୱ କରି ଠକେଇ ଅଭିଯୋଗରେ ଦମ୍ପତି ଗିରଫ, କେବେ ଭାଇଭଉଣୀ ତ’ କେବେ ସାଙ୍ଗ ହୋଇ ଲୁଟୁଥିଲେ

କଟକ,୪ା୪(ବ୍ୟୁରୋ): କେତେବେଳେ ଭାଇ ଭଉଣୀ ତ କେତେ ବେଳେ ଅସହାୟ ସାଙ୍ଗ । ପୁଣି ଆଉ କେତେ ବେଳେ ମାଆ ପୁଅ । ଫେସ୍‌ବୁକ୍‌ରେ ଏଭଳି କିଛି ଫେକ୍‌ ଆକାଉଣ୍ଟ କରି ବିଭିନ୍ନ ଲୋକଙ୍କ ସହ ବନ୍ଧୁତ୍ୱ କରୁଥିଲେ । ନିଜର ଦୁର୍ବଳ ଆର୍ôଥକ ସ୍ଥିତି କଥା କହି ଲୋକଙ୍କଠାରୁ ଟଙ୍କା ସାହାଯ୍ୟ ନେଲା ପରେ ଚମ୍ପଟ ମାରୁଥିଲେ । ଏପରି ଢଙ୍ଗରେ ଠକେଇ କରୁଥିବା ସ୍ୱାମୀ ସ୍ତ୍ରୀଙ୍କୁ ଚାଉଳିଆଗଞ୍ଜ ଥାନା ପୁଲିସ ଗିରଫ କରିଛି । ଅଭିଯୁକ୍ତମାନେ ହେଲେ ବୌଦ୍ଧ ଜିଲ୍ଲାର ମୁରଲୀଧର ଇଟୁଆ (୩୦)ଓ ପତ୍ନୀ ତନ୍ମୟା ପରିଡ଼ା (୨୫) । ଅଭିଯୁକ୍ତମାନେ ପ୍ରାୟ ୨୫ ଲକ୍ଷରୁ ଅଧିକ ଟଙ୍କାର ଠକେଇ କରିଥିବା ଅଭିଯୋଗ ହୋଇଛି ।
ମିଳିଥିବା ସୂଚନା ଅନୁସାରେ, ଗିରଫ ହୋଇଥିବା ମୁରଲୀଧର ଓ ପତ୍ନୀ ତନ୍ମୟା ସଂପୂର୍ଣ୍ଣ ବେକାର । ଲୋକଙ୍କୁ ଠକି ଚଳିବା ପାଇଁ ଦୁହେଁ ଗଲା ବର୍ଷେ ଦେଢ଼ ବର୍ଷ ହେବ ଏକ ଅଭିନବ ଉପାୟ ଅବଲମ୍ବନ କରୁଥିଲେ । ଫେସ୍‌ବୁକ୍‌କୁ ମାଧ୍ୟମ କରି ଲୋକଙ୍କ ସହିତ ବନ୍ଧୁତ୍ୱ କରି ପରେ ସେମାନଙ୍କୁ ଠକୁଥିଲେ । ଏଭଳି ଏକ ଘଟଣା ଫେସ୍‌ବୁକ୍‌ରେ ଥିବା ବ୍ରାହ୍ମଣ ସମାଜ ଗ୍ରୁପ୍‌ ସହିତ ହୋଇଥିଲା । ଏହି ସମାଜର ଜଣେ ସଦସ୍ୟ ଚାଉଳିଆଗଞ୍ଜ ଥାନା ଅଞ୍ଚଳର ମଧୁସୂଦନ ତ୍ରିପାଠୀ ନାମକ ବ୍ୟକ୍ତିଙ୍କ ସହିତ ମୁରଲୀଧର ଓ ତନ୍ମୟା ଭାଇ ଭଉଣୀ ପରିଚୟ ଦେଇ ଫେସ୍‌ବୁକ୍‌ରେ ବନ୍ଧୁତ୍ୱ ସ୍ଥାପନ କରିଥିଲେ । ମୁରଲୀଧର ନିଜକୁ ବିଏସ୍‌ଏନ୍‌ଏଲ୍‌ର ବଡ଼ କର୍ମଚାରୀ ପରିଚୟ ଦେଇଥିବା ବେଳେ ତନ୍ମୟାକୁ ନିଜର ଭଉଣୀ ତଥା ମେଡ଼ିକାଲ୍‌ ଛାତ୍ରୀ ବୋଲି କହିଥିଲେ । ମୁରଲୀଧର ଫେସ୍‌ବୁକ୍‌ ଚାଟିଂ ବେଳେ ମଧୁସୂଦନଙ୍କୁ କହିଥିଲେ କି ଭଉଣୀର ପାଠପଢ଼ା ପାଇଁ ୬୫ ହଜାର ଟଙ୍କା ଆବଶ୍ୟକ । ଦରମା ପାଇଲେ ଟଙ୍କା ଶୁଝି ଦେବେ ବୋଲି ପ୍ରତିଶ୍ରୁତି ଦେଇଥିଲେ । କଥାକୁ ମଧୁସୂଦନ ବିଶ୍ୱାସ କରି ପରେ ମୁରଲୀଧରଙ୍କ ସହ ଫୋନ୍‌ରେ କଥା ହୋଇ ଟଙ୍କା ଦେବାକୁ ରାଜି ହେବା ସହିତ ଭଉଣୀକୁ ନିଜ ଘରକୁ ପଠାଇବାକୁ କହିଲେ । ପରେ ମୁରଲୀଧରଙ୍କ ପତ୍ନୀ ତନ୍ମୟା ଭଉଣୀ ହୋଇ ମଧୁସୂଦନଙ୍କ ପାଖକୁ ଯାଇ ୬୫ ହଜାର ଟଙ୍କା ଆଣିଥିଲେ । ଆଉ ଟଙ୍କା ପାଇବାର କିଛି ସମୟ ପରେ ମୁରଲୀଧରଙ୍କ ଫେସ୍‌ବୁକ୍‌ ଆକାଉଣ୍ଟ ଡିଲେଟ୍‌ ହୋଇଗଲା ।
ଏଭଳି ବିଷୟ ଜାଣିବା ପରେ ମଧୁସୂଦନ ଚାଉଳିଆଗଞ୍ଜ ଥାନାରେ ଏତଲା ଦାୟର କରିଥିଲେ । ସେହିଭଳି ଅନ୍ୟ ଜଣେ ବ୍ୟକ୍ତିଙ୍କୁ ଅସହାୟ ବୋଲି ପରିଚୟ ଦେଇ ଉକ୍ତ ବ୍ୟକ୍ତିଙ୍କ ଘରେ ପୁଅ ଓ ଝିଅ ହୋଇ ରହିଥିଲେ । କିଛି ଦିନ ପରେ ଉକ୍ତ ବ୍ୟକ୍ତିଙ୍କଠାରୁ କିଛି ଟଙ୍କା ଓ ଲାପ୍‌ଟପ୍‌ ନେଇ ପଳାଇଥିଲେ । ଏଭଳି ଭାବେ ଦୁହେଁ ରାଜ୍ୟ ତମାମ୍‌ ୨୫ ଲକ୍ଷରୁ ଅଧିକ ଟଙ୍କା ଠକିଛନ୍ତି । ଗତକାଲି ଭୁବନେଶ୍ୱର ଜଣେ ଯୁବତୀଙ୍କୁ ନିଜ ଜାଲରେ ଫସାଇ ଟଙ୍କା ଠକିବା ପାଇଁ ଉଦ୍ୟମ କଲା ବେଳେ ଦୁଇ ଅଭିଯୁକ୍ତଙ୍କୁ ଚାଉଳିଆଗଞ୍ଜ ଥାନା ପୁଲିସ ଗିରଫ କରିଥିଲା ।