ରାଉଲକେଲା, ୧୬।୫: କମ୍ବିଂ ଅପରେସନ ସମୟରେ ବଜ୍ରାଘାତରେ ଜଣେ ସିଆରପିଏଫ ଯବାନଙ୍କ ମୃତ୍ୟୁ ଘଟିଛି । ମୃତକ ଜଣକ ସେକେଣ୍ଡ ଇନ୍ କମାଣ୍ଡାଣ୍ଟ ଏମ୍. ପ୍ରବୋ ସିଂହ ବୋଲି ଜଣାପଡ଼ିଛି । ସରଣ୍ଡା ଓ କୋହ୍ଲାନ ଜଙ୍ଗଲରେ ମାଓବାଦୀଙ୍କ ଉପସ୍ଥିତି ସୂଚନା ପାଇଁ ସିଆରପିଏଫ ପକ୍ଷରୁ କମ୍ବିଂ ଅପରେସନ କରାଯାଇଥିଲା । ଛୋଟାନାଗ୍ରା ଥାନା ଅନ୍ତର୍ଗତ ବଲିବା ଜଙ୍ଗଲରେ ଗତକାଲି କମ୍ବିଂ ଅପରେସନ ହେଉଥିବା ସମୟରେ ବର୍ଷା ହୋଇଥିଲା । ସନ୍ଧ୍ୟା ପ୍ରାୟ ସାଢ଼େ ୫ ଟା ସମୟରେ ବଜ୍ରାଘାତରେ ଏମ୍.ପ୍ରବୋ ସିଂହ, ସୁବୀର କୁମାର ମଣ୍ଡଳ, ସୁରେଶ ଭଗତ, ଚନ୍ଦଲାଲ ହାଁସଦା ମୋଟ୍ ୫ ଜଣ ଆହତ ହୋଇଥିଲେ । ସେମାନଙ୍କୁ ତୁରନ୍ତ ଡାକ୍ତରଖାନା ପଠାଯାଇଥିଲା । ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଏମ୍. ପ୍ରବୋଧ ସିଂହ ଶେଷ ନିଃଶ୍ୱାସ ତ୍ୟାଗ କରିଥିଲେ ।
