୧୦ମ ଥର ପାଇଁ IPL ଫାଇନାଲରେ ଚେନ୍ନାଇ ସୁପର୍ କିଙ୍ଗସ୍, କ୍ବାଲିଫାୟର ମ୍ୟାଚରେ ଚିତ୍ପଟ୍ଟାଙ୍ଗ ଗୁଜରାଟ ଟାଇଟନ୍ସ
ଚେନ୍ନାଇ ୨୩/ ୦୫: ଲାଗୁଥିଲା ମ୍ୟାଚ୍ ରୋମାଞ୍ଚକର ହେବ । ଗିଲଙ୍କ ପ୍ରାରମ୍ଭିକ ବ୍ୟାଟିଂ କିଛି ସେଭଳି ଥିଲା । ଶେଷରେ ରାସିଦ ଖାନଙ୍କ ବିସ୍ଫୋରକ ବ୍ୟାଟିଂ ଗୁଜରାଟକୁ ବିଜୟ ଆଡକୁ ଅଗ୍ରସର କରାଇଥିଲା । କିନ୍ତୁ ଚେନ୍ନାଇ ବୋଲର ତାହା କରାଇ ଦେଇନଥିଲେ । ଇଣ୍ଡିଆନ୍ ପ୍ରିମିୟର ଲିଗ୍ରେ ୧୦ତମ ଥର ପାଇଁ ଫାଇନାଲରେ ପ୍ରବେଶ କରିଛି ଚେନ୍ନାଇ ସୁପର୍ କିଙ୍ଗସ୍ । ଗୁଜରାଟ ଟାଇଟନ୍ସକୁ ୧୫ ରନରେ ହରାଇ ଆଇପିଏଲ୍ ଫାଇନାଲରେ ପହଞ୍ଚିଯାଇଛି ଧୋନୀ ବାହିନୀ । ୧୭୩ ରନର ପିଛା କରିବାକୁ ଯାଇ ସମସ୍ତ ଓ୍ବିକେଟ୍ ହରାଇ ୧୫୭ ରନ କରିବାକୁ ସକ୍ଷମ ହୋଇଥିଲା ଗୁଜରାଟ ଟାଇଟନ୍ସ । ସିଏସ୍କେ ବୋଲରଙ୍କ ଶାଣିତ ବୋଲିଂ ଆଗରେ ଫେଲ୍ ମାରିଥିଲେ ଗୁଜରାଟର ମିଡିଲ୍ ଅର୍ଡର୍ ବ୍ୟାଟର୍ । ଫଳରେ ଦଳ କ୍ବାଲିଫାୟର-୧ରେ ପରାଜୟର ସ୍ବାଦ ଚାଖିଛି ।
ଗୁଜରାଟ ଟାଇଟନ୍ସ ପକ୍ଷରୁ ଓପନର ରିଦ୍ଧିମାନ ଶାହ ୧୨ ରନ କରି ପ୍ୟାଭିଲିୟନ ଫେରିଥିବା ବେଳେ ଶୁବମାନ ଗିଲ୍ ୩୮ ବଲ ଖେଳି ୪୨ ରନ, ଅଧିନାୟକ ହାର୍ଦ୍ଧିକ ପାଣ୍ଡ୍ୟା ୮ ରନ, ଦାସୁନ ଶନାକା ୧୭ ରନ, ଡେଭିଡ୍ ମିଲର ୪ ରନ, ବିଜୟ ଶଙ୍କର ୧୪ ରନ, ରାହୁଲ ତେଓ୍ବାତିୟା ୩ ରନ, ଦର୍ଶନ ନାଲକାଣ୍ଡେ ୦ ରନ କରି ଆଉଟ ହୋଇଛନ୍ତି । ରାସିଦ ଖାନ ୧୬ ବଲ ଖେଳି ୩୦ ରନ କରି ଆଉଟ ହୋଇଛନ୍ତି । ମହମ୍ମଦ ସାମି ୫ ରନ କରି ଆଉଟ ହୋଇଥିଲେ ଓ ନୂର ଅହମଦ ୭ ରନ କରି ଅପରାଜିତ ଥିଲେ ।
ଚେନ୍ନାଇ ସୁପର କିଙ୍ଗସ୍ ପକ୍ଷରୁ ଦୀପକ ଚହର ୪ ଓଭରରେ ୨୯ ରନ ଦେଇ ୨ଟି ଓ୍ବିକେଟ ନେଇଥିବା ବେଳେ, ମହେଶ ଥିକସାନା ୪ ଓଭରରେ ୨୮ ରନ ୨ ଓ୍ବିକେଟ, ରବିନ୍ଦ୍ର ଜାଡେଜା ୪ ଓଭରରେ ୧୮ ରନ ୨ ଓ୍ବିକେଟ, ମଥିସା ପଥିରାଣା ୪ ଓଭରରେ ୩୭ ରନ ଦେଇ ୨ ଓ୍ବିକେଟ ଓ ତୁଷାର ଦେଶପାଣ୍ଡେ ୪ ଓଭରରେ ୪୩ ରନ ଦେଇ ଗୋଟିଏ ଓ୍ବିକେଟ୍ ନେଇଛନ୍ତି ।
