ନୂଆଦିଲ୍ଲୀ,୦୮/୦୫; କ୍ରିକେଟ୍ ଅଷ୍ଟ୍ରେଲିଆ ପକ୍ଷରୁ ପ୍ୟାଟ୍ କମିନ୍ସଙ୍କୁ ସର୍ବାଧିକ ମୂଲ୍ୟରେ ଆଗାମୀ ୩ ବର୍ଷ ପାଇଁ ଚୁକ୍ତି କରିବାକୁ ପ୍ରସ୍ତାବ ଦିଆ ଯାଇଛି । କମିନ୍ସ ଅନ୍ତର୍ଜାତୀୟ କ୍ରିକେଟକୁ ପ୍ରାଥମିକତା ଦେବେ ଓ ବାର୍ଷିକ ୪୦ଲକ୍ଷ ଡଲାର ପାଉଣା ନେବେ । ଆଗାମୀ ୩ ବର୍ଷ ପାଇଁ ଏହି ଚୁକ୍ତି କରିବାକୁ କମିନ୍ସଙ୍କୁ ପ୍ରସ୍ତାବ ମିଳିଥିବା ଖବର ଗଣମାଧ୍ୟମରେ ପ୍ରକାଶ ପାଇଛି । ୩ ବର୍ଷରେ କମିନ୍ସଙ୍କୁ ମୋଟ୍ ୧୨ମିଲିୟନ ଡଲାର ପାଉଣା ପ୍ରଦାନ କରିବାକୁ କ୍ରିକେଟ୍ ଅଷ୍ଟ୍ରେଲିଆ ନିଷ୍ପତ୍ତି ନେଇଛି । ଭାରତୀୟ ଅର୍ଥରରେ ଏହି ମୂଲ୍ୟ ୧୧୩ କୋଟି ହେବ । କମିନ୍ସ ବର୍ତ୍ତମାନ ଅଷ୍ଟ୍ରେଲିଆ ଟେଷ୍ଟ ଓ ଦିନିକିଆ ଦଳର ଅଧିନାୟକ ରହିଛନ୍ତି । ସିଡନୀ ମର୍ଣ୍ଣିଂ ହେରାଲ୍ଡ ନାମକ ଏକ ଖବରକାଗଜରେ ପ୍ରକାଶ ପାଇଥିବା ସୂଚନା ଅନୁଯାୟୀ ଆଇପିଏଲ୍ ଫ୍ରାଞ୍ଚାଇଜ ପକ୍ଷରୁ କମିନ୍ସଙ୍କୁ ଅଷ୍ଟ୍ରେଲିଆ ପକ୍ଷରୁ କ୍ରିକେଟ୍ ଛାଡ଼ି ଟି-ଟ୍ୱେଣ୍ଟି ଲିଗ୍ ଖେଳିବା ପାଇଁ ପ୍ରସ୍ତାବ ଦିଆଯାଇଥିଲା । ଏଥିପାଇଁ ଉକ୍ତ ଫ୍ରାଞ୍ଚାଇଜ ତାଙ୍କୁ ବାର୍ଷିକ ୬.୬ ମିଲିୟନ ଡଲାର ଦେବାକୁ ପ୍ରସ୍ତାବ ଦେଇଥିଲା ।
କ୍ରିକେଟ୍ ଅଷ୍ଟ୍ରେଲିଆ (ସିଏ)ର କ୍ରିକେଟ୍ ମୁଖ୍ୟ ଜେମ୍ସ ଆଲସପ୍ ଖେଳାଳି ସୁରକ୍ଷା ଏବଂ ଉନ୍ନତ ଦରମା ବିଷୟରେ ବିସ୍ତାର ଭାବରେ ବକ୍ତବ୍ୟ ରଖିଥିଲେ । ସେ କହିଥିଲେ ଯେ, ଏହି ଖେଳାଳିମାନେ ସେମାନଙ୍କର ଦୀର୍ଘ ଏବଂ ବିଶିଷ୍ଟ ସେବା ମାଧ୍ୟମରେ ଏହି ଅଧିକାର ଅର୍ଜନ କରିଛନ୍ତି । ବଜାର ଚାପ ବହୁତ ବୃଦ୍ଧି ପାଇଛି, ବିଶେଷକରି ଖେଳାଳିମାନଙ୍କ ପାଇଁ ଉଚ୍ଚ ବାଣିଜ୍ୟିକ ମୂଲ୍ୟ । ପ୍ୟାଟ୍ କମିନ୍ସ, ଜୋଶ୍ ହାଜେଲଉଡ୍ ଏବଂ ଟ୍ରାଭିସ୍ ହେଡ୍ଙ୍କ ଭଳି ଖେଳାଳିଙ୍କୁ ଅଷ୍ଟ୍ରେଲିୟ କ୍ରିକେଟ୍ ପ୍ରତି ପ୍ରତିବଦ୍ଧ ରଖିବା ବୋର୍ଡର ସର୍ବୋଚ୍ଚ ପ୍ରାଥମିକତା । ଏହା ମଧ୍ୟ ରିପୋର୍ଟ କରାଯାଇଥିଲା ଯେ କମିନ୍ସଙ୍କ ଦରମା ସେ ଖେଳିଥିବା ମ୍ୟାଚ୍ ସଂଖ୍ୟା ଉପରେ ନିର୍ଭର କରିବ ନାହିଁ ।
ଏହା ବି ପଢନ୍ତୁ...IPL 2026: ଭୁବନେଶ୍ୱର କୁମାରଙ୍କ ଐତିହାସିକ କୀର୍ତ୍ତିମାନ, ଏମିତି କରିବାରେ ହେଲେ ପ୍ରଥମ ଦ୍ରୁତ ବୋଲର
ପ୍ୟାଟ୍ କମିନ୍ସଙ୍କ ନେତୃତ୍ୱାଧୀନ ସନରାଇଜର୍ସ ହାଇଦ୍ରାବାଦ (SRH) ବୁଧବାର ପଞ୍ଜାବ କିଙ୍ଗସ୍ (PBKS)କୁ ୩୩ ରନରେ ପରାସ୍ତ କରି ପଏଣ୍ଟ ଟେବୁଲର ଶୀର୍ଷ ସ୍ଥାନ ହାସଲ କରିଛି । ଯୁବ ଷ୍ଟାର କୁପର କନୋଲି ପଞ୍ଜାବ ପାଇଁ ଏକ ଚମତ୍କାର ଅପରାଜିତ ଶତକ ୧୦୭ ହାସଲ କରିଥିଲେ, କିନ୍ତୁ ସେ ତାଙ୍କ ଦଳକୁ ବିଜୟୀ କରାଇପାରିଲେ ନାହିଁ । ମ୍ୟାଚ୍ ପରେ ଉପସ୍ଥାପନା ସମାରୋହରେ ଭାଷଣ ଦେଇ କମିନ୍ସ କହିଥିଲେ, "ମୁଁ ଭାବୁଛି ପଞ୍ଜାବ ଏକ ବହୁତ ଭଲ ଦଳ । ଏହି ମ୍ୟାଚ୍ ପୂର୍ବରୁ ସେମାନେ ଏକ ନମ୍ବର ସ୍ଥାନରେ ଥିଲେ । ମୁଁ ଭାବୁଛି ଆମର ବ୍ୟାଟର ଯେଉଁ ସ୍କୋର ପୋଷ୍ଟ କରିଥିଲେ ତାହା ଉତ୍କୃଷ୍ଟ ଥିଲା ।"
