ନୂଆଦିଲ୍ଲୀ,୦୮/୦୫; ଚଳିତ ଆଇପିଏଲ୍ରେ ଭୁବନେଶ୍ୱର କୁମାର ଏକ ବିରଳ ରେକର୍ଡ ସ୍ଥାପନ କରିଛନ୍ତି । ପ୍ରଥମ ପେସ୍ ବୋଲର ଭାବେ ସେ ୨୦୦ ମ୍ୟାଚ ଖେଳିଛନ୍ତି । ଭୁବନେଶ୍ୱର ଇତି ମଧ୍ୟରେ ୩ଟି ଫ୍ରାଞ୍ଚାଇଜ ପୁନେ ୱାରିୟର୍ସ, ସନରାଇଜର୍ସ ଓ ରୟାଲ୍ ଚ୍ୟାଲେଞ୍ଜର୍ସ ପକ୍ଷରୁ ଖେଳିଛନ୍ତି ଓ ୨ଥର ପର୍ପଲ କ୍ୟାପ୍ ହାସଲ କରିଛନ୍ତି । ସେ ପୁନେ ପକ୍ଷରୁ ୨୪ଟି ୱିକେଟ୍ ଅକ୍ତିଆର କରିଥିବାବେଳେ ହାଇଦ୍ରାବାଦ ପକ୍ଷରୁ ୧୫୭ଟି ଓ ବେଙ୍ଗାଲୁରୁ ପକ୍ଷରୁ ୩୪ଟି ୱିକେଟ୍ ଅକ୍ତିଆର କରିସାରିଛନ୍ତି । ସେ ୧୨ତମ ଖେଳାଳି ଭାବେ ଆଇପିଏଲ୍ରେ ୨୦୦ ମ୍ୟାଚ ପୂରଣ କରିଛନ୍ତି । ତାଙ୍କ ପୂର୍ବରୁ ମହେନ୍ଦ୍ର ସିଂ ଧୋନି, ରୋହିତ ଶର୍ମା, ବିରାଟ କୋହଲି, ରବିନ୍ଦ୍ର ଜାଡ଼େଜା, ଦିନେଶ କାର୍ତ୍ତିକ, ଶିଖର ଧାୱନ, ଆର ଅଶ୍ୱିନ, ଅଜିଙ୍କ୍ୟ ରାହାଣେ, ସୁରେଶ ରାଇନା, ରବିନ ଉଥପ୍ପା ଓ ଅମ୍ବାତି ରାୟୁଡୁ ଏହି କ୍ଲବ୍ରେ ସ୍ଥାନ ହାସଲ କରିଛନ୍ତି ।
ଏହି ମ୍ୟାଚ୍ ଭୁବନେଶ୍ୱର କୁମାରଙ୍କ ୨୦୦ତମ ଆଇପିଏଲ ମ୍ୟାଚ୍। ଏହା ସହିତ, ସେ IPL ଇତିହାସରେ ୨୦୦ ମ୍ୟାଚ୍ ଖେଳିଥିବା ପ୍ରଥମ ଦ୍ରୁତ ବୋଲର ହୋଇଛନ୍ତି । ଅନ୍ୟ କୌଣସି ଦ୍ରୁତ ବୋଲର ୧୯୦ ମ୍ୟାଚ୍ ଖେଳି ନାହାଁନ୍ତି । ଭୁବନେଶ୍ୱର ୨୦୧୧ ମସିହାରେ ପୁଣେ ୱାରିୟର୍ସ ଇଣ୍ଡିଆ ସହିତ ତାଙ୍କର ଆଇପିଏଲ କ୍ୟାରିୟର ଆରମ୍ଭ କରିଥିଲେ, ତା’ପରେ ସେ ଦୀର୍ଘ ସମୟ ଧରି ସନରାଇଜର୍ସ ହାଇଦ୍ରାବାଦ ପାଇଁ ଖେଳିଥିଲେ ଏବଂ ବର୍ତ୍ତମାନ ଗତ ସିଜନରୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସହିତ ଅଛନ୍ତି । ୨୦୧୬ ଏବଂ ୨୦୧୭ରେ ସର୍ବାଧିକ ୱିକେଟ୍ ନେଇଥିବା ବୋଲର ଥିଲେ। ଏଥର ମଧ୍ୟ ସେ ପର୍ପଲ କ୍ୟାପ୍ ଦୌଡ଼ରେ ଆଗୁଆ ଅଛନ୍ତି ।
ଚଳିତ ଆଇପିଏଲର ୫୦ତମ ମ୍ୟାଚରେ ଲକ୍ଷ୍ନୌ ସୁପରଜାଏଣ୍ଟସ୍ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମୁହାଁମୁହିଁ ହୋଇଥିଲେ। ଏହି ମ୍ୟାଚରେ ଆରସିବିର ଅଭିଜ୍ଞ ଦ୍ରୁତ ବୋଲର ଭୁବନେଶ୍ୱର କୁମାର ୨୦୦ ମ୍ୟାଚ ଖେଳିବାର ମାଇଲଖୁଣ୍ଟ ହାସଲ କରିଛନ୍ତି । ଭୁବନେଶ୍ୱର କୁମାର ଏପର୍ଯ୍ୟନ୍ତ ତାଙ୍କ ଆଇପିଏଲ କ୍ୟାରିୟରରେ ୨୦୦ ରୁ ଅଧିକ ୱିକେଟ୍ ନେଇଛନ୍ତି। ସେ ଲିଗରେ ୨୦୦+ ୱିକେଟ୍ ନେଇଥିବା ଏକମାତ୍ର ଦ୍ରୁତ ବୋଲର । ଏହି ସଫଳତା ହାସଲ କରିଥିବା ଅନ୍ୟ ସ୍ପିନର ହେଉଛନ୍ତି ୟୁଜଭେନ୍ଦ୍ର ଚହଲ ।
