ପ୍ରମୂଖ ଖବର
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

କଟକ ଚଣ୍ଡୀମନ୍ଦିର ଭିତରକୁ ପ୍ରବେଶ କଲେ ବିଦେଶୀ, ବିରୋଧ କଲେ ସ୍ଥାନୀୟ ଲୋକ ଓ ଟ୍ରଷ୍ଟ୍‌ର କାର୍ଯ୍ୟକର୍ତ୍ତା

କଟକ ୩୦/୦୧: କଟକର ଅଧିଷ୍ଠାତ୍ରୀ ଦେବୀ ମା’ କଟକ ଚଣ୍ଡୀ ମନ୍ଦିରରେ ରବିବାର କିଛି ବିଦେଶୀ ପର୍ଯ୍ୟଟକ ପ୍ରବେଶ କରିଥିଲେ । ଏହାକୁ ନେଇ ମନ୍ଦିର ପରିସରରେ ଅସନ୍ତୋଷ ଦେଖିବାକୁ ମିଳିଥିଲା । ଚଣ୍ଡୀମନ୍ଦିର ବେଢା ଭିତରେ ବିଦେଶୀମାନେ ବୁଲୁଥିବା ଦେଖି କିଛି ଲୋକେ ଏହାର ବିରୋଧ କରିଥିଲେ । ଫଳରେ ଏହାକୁ ନେଇ ବିବାଦ ଉପୁଜିଥିଲା । ଟ୍ରଷ୍ଟ୍‌ର କିଛି କାର୍ଯ୍ୟକର୍ତ୍ତା ମଧ୍ୟ ଏହାକୁ ବିରୋଧ କରିଥିଲେ । ଅନ୍ୟପକ୍ଷରେ ମନ୍ଦିରକୁ ପୂର୍ବରୁ ଅନେକ ଥର ବିଦେଶୀ ଆସିଛନ୍ତି ଏବଂ ଏଥିରେ କୌଣସି ଅସୁବିଧା ନାହିଁ ବୋଲି ସେବାୟତଙ୍କ ତରଫରୁ କୁହାଯାଇଛି ।

ନିକଟରେ ପୁରୀ ଶ୍ରୀମନ୍ଦିରରେ ବିଦେଶୀଙ୍କ ପ୍ରବେଶ ଯୋଗୁଁ ବିବାଦ ଉପୁଜିଥିଲା । ଶ୍ରୀମନ୍ଦିରକୁ ବିଦେଶୀ ପର୍ଯ୍ୟଟକଙ୍କ ପ୍ରବେଶ ଉପରେ ସ୍ୱତନ୍ତ୍ର କଟକଣା ରହିଥିବାରୁ ଏହାକୁ ନେଇ ଚର୍ଚ୍ଚା ସୃଷ୍ଟି ହୋଇଥିଲା । ଆଜି ସମାନ ଧରଣର ଘଟଣା କଟକ ଚଣ୍ଡୀମନ୍ଦିରରେ ଦେଖିବାକୁ ମିଳିଥିଲା । ଦିନବେଳା ୪ଜଣ ବିଦେଶୀ ମହିଳା ଚଣ୍ଡୀମନ୍ଦିରରେ ପ୍ରବେଶ କରିଥିଲେ । ତାଙ୍କ ସହିତ କିଛି ସେବାୟତଙ୍କୁ ମଧ୍ୟ ଦେଖିବାକୁ ମିଳିଥିଲା । ତେବେ ବିଦେଶୀମାନେ କେମିତି ମନ୍ଦିର ଭିତରକୁ ପ୍ରବେଶ କଲେ ତାକୁ ନେଇ ଏବେ ବିବାଦ ଉପୁଜିଛି ।

ଅନ୍ୟପକ୍ଷରେ ଚଣ୍ଡୀମନ୍ଦିରକୁ ବିଦେଶୀ ପ୍ରବେଶ କରିପାରିବେ କି ନାହିଁ ସେ ମଧ୍ୟ ଦ୍ୱନ୍ଦ୍ୱ ଦେଖାଯାଇଛି । ଏ ସମ୍ପର୍କରେ ବରିଷ୍ଠ ସେବାୟତ ମନୋଜ ପଣ୍ଡାଙ୍କୁ ପଚାରିବାରେ ସେ କହିଛନ୍ତି, ବିଦେଶୀ ମନ୍ଦିର ଭିତରେ ପ୍ରବେଶ କରିପାରିବେ ନାହିଁ ବୋଲି ସେମିତି କିଛି ନିୟମ ନାହିଁ । ପୂର୍ବରୁ ଅନେକ ଥର ବିଦେଶୀ ପର୍ଯ୍ୟଟକ ମନ୍ଦିରକୁ ଆସି ଫେରିଛନ୍ତି । ତେଣୁ ଏଥିରେ ଆଚମ୍ବିତ ହେବାର କିଛି ନାହିଁ ।

ଅନ୍ୟପକ୍ଷରେ ମନ୍ଦିର ଟ୍ରଷ୍ଟ୍‌ ବୋର୍ଡ ସଦସ୍ୟ ତନ୍ମୟ ପଟ୍ଟନାୟକଙ୍କୁ ପଚାରିବାରେ ସେ କହିଛନ୍ତି, ପୂର୍ବରୁ ଏମିତି ଘଟଣା କେବେ ଘଟିଥିବା ମୋର ମନେ ପଡୁନାହିଁ । ମନ୍ଦିରରେ ବିଦେଶୀ ପର୍ଯ୍ୟଟକ ପ୍ରବେଶ କରିବା ଆଦୌ ଗ୍ରହଣୀୟ ନୁହେଁ ବୋଲି ସେ ପ୍ରକାଶ କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.