ରାଜସ୍ଥାନରେ ଦଳିତ ନାବାଳକକୁ ମାଡ, ଭିଡିଓ ଭାଇରାଲ

ରାଜସ୍ଥାନ ୫/୬: ରାଜସ୍ଥାନର ପାଲି ଜିଲ୍ଲଲାରେ ଧନୋରିୟା ନାମକ ଏକ ଗାଁ ଅଛି । ସେହି ଗାଁରୁ ଏକ ଭିଡିଓ ଭାଇରାଲ ସେୟାର ହୋଇଛି ଯାହା ଏବେ ଭାଇରାଲ ହେବାରେ ଲାଗିଛି । ଭିଡିଓରେ କିଛି ଲୋକ ମିଶିକି ଗୋଟିଏ ପିଲାକୁ ମାରୁଛନ୍ତି । ଆଖପାଖରେ ୪-୫ ଜଣ ଠିଆ ହୋଇଛନ୍ତି । ଠେଙ୍ଗାରେ ମାଡ ଖାଉଛି ପିଲାଟି । ସୂଚନା ଅନୁସାରେ ଘଟଣାଟି ୧ ଜୁନର ।

#BREAKING राजस्थान के जिला पाली गाॅव धनेरिया मे दलित नाबालिग लङके को इतनी बेरहमी से पीटा की मन विचलित हो उठा।

इस लङके की गलती सिर्फ इतनी है कि यह गाँव के मन्दिर पर चढ़ गया था !

भगवा गमछा ङाले युवक नजर आ रहा है बताया जा रहा है कि वह भाजपा का कार्यकर्ता हैpic.twitter.com/4kT4olJA1y

— The Dalit Voice (@ambedkariteIND) June 3, 2019

ମାଡ ଖାଉଥିବା ନାବାଳକଟି ଦଳିତ ପରିବାରର । ରାଜସ୍ଥାନ ପୋଲିସ ଏହି ଘଟଣାରେ ମାମଲା ରୁଜୁ କରିଛି । ମାଡ ମାରୁଥିବା ଲୋକମାନଙ୍କୁ ରିମାଣ୍ଡରେ ନିଆଯାଇଛି । ପୋଲିସ ସୂଚନା ଅନୁସାରେ ନାବାଳକ ଉପରେ ମଧ୍ୟ  POCSO ଆକ୍ଟ ଅନୁସାରେ ମାମଲା ରୁଜୁ ହୋଇଛି । ଅଭିଯୋଗ ହୋଇଛି ଯେ ନାବାଳକଟି ଜଣେ ଯୁବତୀକୁ ଏକୁଟିଆ ପାଇ ତା ସହିତ ଅସଦାଚରଣ କରିଥିଲା । ଏହା ପରେ ସ୍ଥାନୀୟ ଲୋକମାନେ ତାକୁ ପିଟିବାରେ ଲାଗିଲେ । ପିଟୁଥିବା ଲୋକଙ୍କୁ ରିମାଣ୍ଡରେ ନେଇଛି ପୋଲିସ ।

ତେବେ ଏହି ଘଟଣାର ଅନ୍ଯ ଏକ କାହାଣୀ ମଧ୍ଯ ଶୁଣିବାକୁ ମିଳୁଛି । କୁହାଯାଉଛି ଯେ ଦଳିତ ନାବାଳକ ଏକ ମନ୍ଦିରରେ ପଶି ଯାଇଥିଲା । ଫଳରେ ଲୋକମାନେ ତାକୁ ପିଟିବାକୁ ଲାଗିଲେ । କିଛି ଦଳିତ ସଙ୍ଗଠନର କହିବା ଅନୁସାରେ ପୋଲିସ ମାମଲାକୁ ଦିଗ ବଦଳାଇବାକୁ ଚେଷ୍ଟା କରୁଛି ।