ନୂଆଦିଲ୍ଲୀ,୨୨/୦୪: ଗୁଜୁରାଟର ସୁରେନ୍ଦ୍ରନଗରରେ ନିଜ ଧର୍ମ ଛାଡ଼ି ବୌଦ୍ଧ ଧର୍ମ ଆପଣାଇଲେ ୧୪ ଜଣ । ଧର୍ମ ପରିବର୍ତ୍ତନ ସମ୍ପର୍କିତ ଆବେଦନକୁ ମଞ୍ଜୁର କରିଛି ସୁରେନ୍ଦ୍ରନଗର ପ୍ରଶାସନ। ଅନୁସୂଚିତ ଜାତିଙ୍କ ଉପରେ ଅତ୍ୟାଚାର ଯୋଗୁଁ ଏହି ଲୋକମାନେ ଧର୍ମ ପରିବର୍ତ୍ତନ କରିଥିବା ଜଣାପଡ଼ିଛି ।
ଅଭିଯୋଗ ହୋଇଛି ଯେ, ଗ୍ରାମାଞ୍ଚଳରେ ଥିବା ଅନୁସୂଚିତ ଜାତିର ଯୁବକମାନଙ୍କୁ ଘୋଡ଼ା ଚଢିବାକୁ, ନିଶ ରଖିବାକୁ କିମ୍ବା ପାଣି ଆଣିବାକୁ ଅନୁମତି ଦିଆଯାଉନାହିଁ। କେବଳ ଗୋଟିଏ ବର୍ଷ ଭିତରେ ସୁରେନ୍ଦ୍ରନଗରରେ ୫୦ ରୁ ଅଧିକ ଲୋକ ନିଜ ଧର୍ମ ଛାଡ଼ି ବୌଦ୍ଧ ଧର୍ମ ଆପଣାଇଛନ୍ତି। ପ୍ରକାଶ ଥାଉକି, ଗତ ମାସରେ ସୁରେନ୍ଦ୍ରନଗର ଜିଲ୍ଲାରେ ସ୍ଥାନୀୟ ଲୋକଙ୍କୁ ଖ୍ରୀଷ୍ଟିଆନ ଧର୍ମ ପରିବର୍ତ୍ତନ କରିବା ପାଇଁ ଟଙ୍କା ଏବଂ ଅନ୍ୟାନ୍ୟ ଜିନିଷ ଦେଇ ପ୍ରଲୋଭିତ କରିବା ଅଭିଯୋଗରେ ପୋଲିସ ଦୁଇ ଜଣଙ୍କୁ ଗିରଫ କରିଥିଲା। ମାମଲା ଅନୁଯାୟୀ, ଉଭୟ ଅଭିଯୁକ୍ତ ଧର୍ମ ପରିବର୍ତ୍ତନ ପାଇଁ କିଛି ଲୋକଙ୍କୁ ୨୦ ହଜାର ଟଙ୍କା ଏବଂ ଅନ୍ୟାନ୍ୟ ସୁବିଧା ପ୍ରଦାନ କରିଥିଲେ।
ସେ ଦାବି କରିଥିଲେ ଯେ ଖ୍ରୀଷ୍ଟିଆନ ଧର୍ମ ଗ୍ରହଣ କରିବା ତାଙ୍କୁ ଅସୁସ୍ଥତା ଏବଂ ଆର୍ଥିକ ଅସୁବିଧାରୁ ମୁକ୍ତି ପ୍ରଦାନ କରିଛି । ଏଥିସହ ଯେଉଁମାନେ ଖ୍ରୀଷ୍ଟିଆନ ଧର୍ମ ଗ୍ରହଣ କରିବେ ସେମାନେ ମଧ୍ୟ ସମାନ ସୁବିଧା ପାଇବେ। ଏନେଇ ବଡାଲି ପୋଲିସ ଷ୍ଟେସନର ଇନ୍ସପେକ୍ଟର ଡି.ଆର. ପାଡେରିଆ କହିଛନ୍ତି ଯେ, ସୁରେନ୍ଦ୍ରନଗର ନିବାସୀ ରତିଲାଲ ପରମାର ଏବଂ ରାଜସ୍ଥାନର ଉଦୟପୁର ନିବାସୀ ଭନୱାର୍ଲ ପାରଦୀଙ୍କୁ ଗିରଫ କରାଯାଇଛିଅଭିଯୁକ୍ତମାନେ ଅଭିଯୋଗକାରୀ ଏବଂ ବଡାଲି ସହରର ଅନ୍ୟମାନଙ୍କ ସହିତ ଯୋଗାଯୋଗ କରିଥିଲେ ଏବଂ ଲୋକଙ୍କୁ ଖ୍ରୀଷ୍ଟିଆନ ଧର୍ମ ଗ୍ରହଣ କରିବା ପାଇଁ ସୁବିଧା ପ୍ରଦାନ କରିଥିଲେ।
