PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

୩୦ ଦିନ ଭିତରେ ଦୟା ଭାବିଙ୍କୁ ଫେରିବାକୁ ଚେତାବନୀ, ସିରିୟଲ ନିର୍ମାତା କହିଲେ ନହେଲେ…

ମୁମ୍ବାଇ,୨୨।୩: ଛୋଟ ପରଦାର ହିଟ୍ ସିରିୟଲ ’ତାରକ ମେହେତା କା ଉଲଟା ଚଷମା’ର ଦୟାବେନ୍ ଗଡାଙ୍କ ଭୂମିକାରେ ଅଭିନୟ କରୁଥିବା ଦିଶା ଭକାନୀଙ୍କୁ ଦୀର୍ଘ ଦିନ ହେବ ଆଉ ଦେଖିବାକୁ ମିଳୁନାହାଁନ୍ତି। କାରଣ ସେ ମା’ ହେବାପରେ ସିରିୟଲରୁ ଗତବର୍ଷ ସେପ୍ଟେମ୍ବରରୁ ଛୁଟି ନେଇ ନିଜ ଝିଅର ଯତ୍ନ ନେବାରେ ବ୍ୟସ୍ତ ଅଛନ୍ତି। କିନ୍ତୁ ଏବେ ଏହି ଶୋ’ର  ନିର୍ମାତା ସ୍ପଷ୍ଟ କରିଦେଇଛନ୍ତି ଯେ,   ୩୦ ଦିନ ଭିତରେ ଯଦି ସେ ଶୋ’କୁ ଫେରିବା ନେଇ ନିଷ୍ପତ୍ତି ନିଅନ୍ତୁ। ଯଦି ସେ ନଆସନ୍ତି ତେବେ ତାଙ୍କ ସ୍ଥାନରେ ଅନ୍ୟ କାହାକୁ ନିଆଯିବ। ଉଲ୍ଳେଖନୀୟ ଯେ ସୋନୀ ସବ୍ ଟିଭିରେ ରାତି ୮ଟା୩୦ ମିନିଟରେ ପ୍ରସାରିତ ‘ତାରକ ମେହେତା କା ଉଲଟା ଚଷମା’ ଟେଲି ଦୁନିଆର ଖୁବ୍ ଲୋକପ୍ରିୟ ହାସ୍ୟ ଧାରାବାହିକ।

source: https://hindi.indiatvnews.com

ଏନେଇ ଶୋ’ର ନିର୍ମାତା ଅସିତ ମୋଦି କହିଛନ୍ତି ଦୀଶାଙ୍କୁ ଆମେ ୩୦ ଦିନର ସମୟ ଦେଇଛୁ। ସେ ଯଦି ଫେରି ଆସନ୍ତି ଭଲ, ନହେଲେ ତାଙ୍କ ସ୍ଥାନରେ ଆମେ ଅନ୍ୟ ଜଣଙ୍କୁ ନେବୁ।  ଶୁଣିବାକୁ ମିଳୁଛି ଯେ, ସିରିୟଲର ନିର୍ମାତା ଆଉ ଅପେକ୍ଷା କରିବାକୁ ଚାହୁଁନାହାନ୍ତି। କାରଣ ବହୁଲୋକ ଶୋ’ରେ ଜେଠାଲାଲଙ୍କ ଯୋଡି ଭାଙ୍ଗିବା ନେଇ ଖୁସି ନାହାଁନ୍ତି। ଦୀଶା ଶୋ’କୁ ଛାଡିବା ପରେ ଗତ ୬ ମାସ ମଧ୍ୟରେ କୌଣସି ନୂଆ କନଟ୍ରାକ୍ଟ କରିନାହାଁନ୍ତି। ଏହି କାରଣରୁ ଖବର ମିଳୁଛି ଦୟା ଭାବି ଶୋ’ ଛାଡି ଦେଇଛନ୍ତି। ଦୀଶାଙ୍କ ସ୍ବାମୀ ମୟୁରଙ୍କ କହିବା ଅନୁସାରେ ଗତ ଜାନୁଆରୀରୁ କଳାକାର ଏବଂ ପ୍ରଡ୍ୟୁସରଙ୍କ ଭିତରେ କିଛି ଠିକ୍ ଚାଲିନି। ଦୀଶାଙ୍କର ମଧ୍ୟ କିଛି ଡିମାଣ୍ଡ ରହିଛି, ଯାହା କି ପୂରଣ ହୋଇନାହିଁ। ଦୀଶାଙ୍କ ସ୍ବାମୀ ଚାହୁଁଛନ୍ତି ଦୟା ବେନ୍ କେବଳ ୪ ଘଣ୍ଟା ସୁଟିଂ କରନ୍ତୁ ଓ ମାସରେ ୧୫ ଦିନ କାମ କରନ୍ତୁ। ପୂର୍ବେ ଯେତିକି ଫି, ନେଉଥିଲେ ତାକୁ ଦୁଇଗୁଣା କରିଦିଆଯାଉ।

source: https://www.deccanchronicle.com

ଉଲ୍ଳେଖନୀୟ ଯେ ଗତ ୩୦ ନଭେମ୍ବର ୨୦୧୭ରେ ଦୀଶା ଏକ କନ୍ୟା ସନ୍ତାନର ମା’ ହୋଇଥିଲେ। ଗର୍ଭବତୀ ଥିବା ବେଳେ ଓ ଝିଅ ଜନ୍ମ ହେବାପରେ ତା’ର ଯତ୍ନ ନେବାପାଇଁ ଦୀଶା ଶୋ’ ଠାରୁ ଛୁଟି ନେଇଯାଇଥିଲେ। କିନ୍ତୁ ତାଙ୍କର ଲକ୍ଷ ଲକ୍ଷ ପ୍ରଶଂସକ ଆଶା କରୁଛନ୍ତି ଯେ ଦୟା ଭାବି ଖୁବ୍ ଶୀଘ୍ର ଫେରିବେ। ୪ ବର୍ଷ ତଳେ ଦୀଶା ମୟୁର ପାଣ୍ଡ୍ୟାଙ୍କୁ ବିବାହ କରିଥିଲେ। ସେ ଗୁଜରାଠୀ ନାଟକ କମାଲ ପଟେଲ ଭର୍ସେସ ଧମାଲ ପଟେଲ ଓ ଲାଲୀ ଲୀଲାରୁ ନିଜର କ୍ୟାରିୟର ଆରମ୍ଭ କରିଥିଲେ। ତାରକ ମେହେତାକୁ ଉଲଟା ଚଷମାରେ ଆସିବା ପୂର୍ବରୁ ଶାହାରୁଖ ଖାନଙ୍କ ଫିଲ୍ମ ‘ଦେବଦାସ’ ଏବଂ ହ୍ରିତିକ ରୋଶନଙ୍କ ‘ଯୋ୍ଦ୍ଧା ଆକବର’ରେ କାମ କରିସାରିଛନ୍ତି। ୨୦୦୮ରୁ ସେ ‘ତାରକ ମେହେତା କା ଉଲଟା ଚଷମା’ରେ କାମ କରୁଛନ୍ତି। କିନ୍ତୁ ଗତ ୧ ବର୍ଷ ହେବ ତାଙ୍କୁ ଆଉ ଏହି ଶୋ’ରେ ଦେଖିବାକୁ ମିଳୁନାହିଁ।  

  ​‌