ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

୧୦ ଘଣ୍ଟା ପଡ଼ିରହିଲା ନାତିର ଶବ, ଟଙ୍କା ନଥିଲା ବୋଲି ଜଗି ବସିଲା ଆଈ

ଚମ୍ପୁଆ,୩୧ ।୧(ଆପ୍ର): ପାଖରେ ଟଙ୍କା ନଥିଲା । ପରିବାର ଲୋକଙ୍କର ବି ଦେଖାନଥିଲା । ନାତିର ମୃତ ଦେହ ପାଖରେ ପ୍ରାୟ ୧୦ ଘଣ୍ଟା ଧରି ସେମିତି ଗୁମ୍‌ ହୋଇ ବସି ରହିଥିଲା ଆଈ ବୁଢୀ । କାହାକୁ କିଛି କହୁନଥିଲା । କେବଳ ଭାଗ୍ୟକୁ ନିନ୍ଦି କାନ୍ଦୁଥିଲା । ଏମିତି ଦୁଃଖଦ ଦୃଶ୍ୟ ଦେଖିଲେ ଯାହାରବି ଆଖିରୁ ଲୁହ ବୋହିଯିବ । କିନ୍ତୁ ଡାକ୍ତରଖାନା କର୍ତ୍ତୃପକ୍ଷ ବୃଦ୍ଧା ଜଣଙ୍କୁ କାଗଜ ଖଣ୍ଡେ ଧରାଇ ଦେଇ କର୍ତ୍ତବ୍ୟ ସାରି ଦେଇଥିଲେ । ଗୁରୁବାର ଏଭଳି ନିନ୍ଦନୀୟ ଘଟଣା ଦେଖିବାକୁ ମିଳିଥିଲା କେନ୍ଦୁଝର ଜିଲ୍ଲା ଚମ୍ପୁଆ ଡାକ୍ତରଖାନାରେ ।
ମିଳିଥିବା ସୂଚନା ଅନୁସାରେ, ବଡବିଲ ଭଦ୍ରାସାହିର ଗଜରାଜ ନାଏକଙ୍କ ପୁଅ ବିଶାଲ ନାଏକ(୧୦)କୁ ତାର ଆଈ ଲିଲିମଣି ନାଏକ ଦୁଇ ଦିନ ତଳେ ଚମ୍ପୁଆ ଡାକ୍ତରଖାନାରେ ଭର୍ତ୍ତି କରାଇଥିଲେ । ବିଶାଲର ଦେହ ଖରାପ ଥିବାରୁ ଡାକ୍ତର ୬୪ ନମ୍ବର ବେଡ୍‌ରେ ରଖି ଚିକିତ୍ସା କରୁଥିଲେ । କିନ୍ତୁ ଗତ ବୁଧବାର ରାତିରେ ଚିକିତ୍ସାଧୀନ ଅବସ୍ଥାରେ ବିଶାଲର ମୃତ୍ୟୁ ହୋଇଯାଇଥିଲା । ଲିଲିମଣି ମୃତ ନାତିର ଶବକୁ ଘରକୁ ନେବାକୁ ଚାହିଁଲେ ହେଁ ପାଖରେ ପଇସା ନଥିଲା । ପ୍ରାୟ ୧୦ ଘଣ୍ଟାରୁ ଊଦ୍ଧ୍ୱର୍ ସମୟ ବିଶାଲର ମୃତ ଦେହ ଡାକ୍ତରଖାନା ବେଡ୍‌ ଉପରେ ପଡି ରହିଥିଲା ।
ଏହି ଖବର ପାଇ ଚମ୍ପୁଆର କିଛି ଗଣମାଧ୍ୟମ ପ୍ରତିନିଧି ଡାକ୍ତରଖାନାରେ ପହଞ୍ଚିବା ପରେ ମେଡିକାଲ କର୍ତ୍ତୃପକ୍ଷ ଚଳଚଞ୍ଚଳ ହୋଇ ଉଠିଥିଲେ । ଲିଲିମଣିଠୁ ସମସ୍ତ କଥା ଶୁଣିବା ପରେ ଚମ୍ପୁଆ ଅତିରିକ୍ତ ଉପଜିଲ୍ଲାପାଳ ସପନ କୁମାର ସାହୁଙ୍କ ସହ ତୁରନ୍ତ ଯୋଗାଯୋଗ କରାଯାଇଥିଲା । ଏହା ପରେ ଡାକ୍ତରଖାନା ପକ୍ଷରୁ ତରବରିଆ ଭାବେ ଆମ୍ବୁଲାନ୍ସ ସାହାଯ୍ୟରେ ବିଶାଳର ମୃତ ଦେହ ତାର ଗାଁକୁ ପଠାଇଥିଲେ । ଘଟଣା ସମ୍ପର୍କରେ ଚମ୍ପୁଆ ଉପଖଣ୍ଡ ଡାକ୍ତରଖାନା ଚିକିତ୍ସାଧିକାରୀ କର୍ଣ୍ଣରାମ ମହାନ୍ତଙ୍କ ଯୋଗାଯୋଗ କରିବାରୁ କହିଲେ, ଆମେ ସବୁ ବନ୍ଦୋବସ୍ତ କରିଦେଇଛୁ । ଶୀଘ୍ର ଆମ୍ବୁଲାନ୍ସରେ ମୃତ ଦେହ ପଠାଯିବାକୁ ନିର୍ଦ୍ଦେଶ ଦିଆଯାଇଥିବା ସଫେଇ ଦେଇଥିଲେ । ତେବେ କେଉଁ କାରଣ ପାଇଁ ମୃତ ଦେହ ଉଠିବା ପାଇଁ ୧୦ ଘଣ୍ଟା ଲାଗିଲା ବୋଲି ପ୍ରଶ୍ନର ଉତ୍ତରରେ କାଗଜପତ୍ର କାମ ସରିବାରେ ବିଳମ୍ବ ହେତୁ ଏପରି ହୋଇଥିବା ସେ ପ୍ରକାଶ କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.