ନୂଆଦିଲ୍ଲୀ ୦୮/୦୩ : ପ୍ରଭାସ ଏବଂ ଦୀପିକା ପାଦୁକୋନ ଷ୍ଟାରର୍ 'ପ୍ରୋଜେକ୍ଟ କେ' ବହୁ ପ୍ରତୀକ୍ଷିତ ଫିଲ୍ମ ମଧ୍ୟରୁ ଗୋଟିଏ। ବର୍ତ୍ତମାନ ଫିଲ୍ମର ସୁଟିଂ ଚାଲିଛି। ଏହି ଫିଲ୍ମରେ ଅମିତାଭ ବଚ୍ଚନ ମଧ୍ୟ ମୁଖ୍ୟ ଭୂମିକାରେ ଅଛନ୍ତି। ଦୀପିକାଙ୍କ ପାଇଁ ଏହି ବର୍ଷ ବହୁତ ଭଲରେ ଆରମ୍ଭ ହୋଇଛି। ତାଙ୍କର 'ପଠାନ୍' ସୁପର ହିଟ୍ ହୋଇଛି। ଏହା ବ୍ୟତୀତ ସେ ଖୁବ୍ ଶୀଘ୍ର ଓସ୍କାର ସେରିମନି ପ୍ରେଜେଣ୍ଟ କରିବେ। ପ୍ରଭାସଙ୍କ ସହ ତାଙ୍କର ଏହି ଫିଲ୍ମ ଆସନ୍ତା ବର୍ଷ ରିଲିଜ୍ ହେବ। ଫିଲ୍ମର ବଜେଟ୍ ପ୍ରାୟ ୫୦୦ କୋଟି ହେବ ବୋଲି କୁହାଯାଉଛି। ଏଥିପାଇଁ ଦୀପିକା ମଧ୍ୟ ବଡ ଆମାଉଣ୍ଟ୍ ଚାର୍ଜ କରିଛନ୍ତି।
ଦୀପିକା ଆଜି ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତ୍ରୀମାନଙ୍କ ମଧ୍ୟରୁ ଜଣେ । ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଅଭିନେତ୍ରୀ 'ପ୍ରୋଜେକ୍ଟ କେ' ପାଇଁ ୧୦ କୋଟିରୁ ଅଧିକ ଫି’ ନେଇଛନ୍ତି। ତେବେ ଏହା ଆନୁଷ୍ଠାନିକ ଭାବେ ନିଶ୍ଚିତ ହୋଇନାହିଁ।
wp:html/wp:html
ନିକଟରେ 'ପ୍ରୋଜେକ୍ଟ କେ'ର ପୋଷ୍ଟର ରିଲିଜ ହୋଇଥିଲା। ଫିଲ୍ମରୁ ଦୀପିକାଙ୍କ ପ୍ରଥମ ଲୁକ୍ ମଧ୍ୟ ପ୍ରକାଶ ପାଇଥିଲା। ଏହି ପୋଷ୍ଟର ତାଙ୍କ ଜନ୍ମ ଦିନରେ ରିଲିଜ୍ କରାଯାଇଥିଲା, ଯେଉଁଥିରେ ଲେଖାଥିଲା 'ଅନ୍ଧେର୍ ମେଁ ଏକ ଉମିଦ୍' । ତେବେ ନାଗ ଅଶ୍ୱିନ୍ 'ପ୍ରୋଜେକ୍ଟ କେ' ନିର୍ଦ୍ଦେଶନା ଦେଉଛନ୍ତି। ଦୀପିକା ପ୍ରଥମ ଥର ପାଇଁ ତେଲୁଗୁ ଫିଲ୍ମରେ କାମ କରୁଛନ୍ତି। ଫିଲ୍ମର ୭୦ ପ୍ରତିଶତ ସୁଟିଂ ଶେଷ ହୋଇସାରିଛି। ଫିଲ୍ମଟି ଜାନୁଆରୀ ୧୪ ରେ ମୁକ୍ତିଲାଭ କରିବ ।
