ସ୍କୁଟିରୁ ହରିଣ ମାଂସ ଜବତ, ଜଣେ ଗିରଫ
ମହାକାଳପଡା, ୦୫/୦୨ : ସ୍କୁଟିରୁ ହରିଣ ମାଂସ ଜବତ। କେନ୍ଦ୍ରାପଡ଼ା ଜିଲ୍ଲା ମହାକାଳପଡା ବ୍ଲକ ରାମଚଣ୍ଡୀ ପୋଲ ନିକଟରୁ ବନ ବିଭାଗ ଓ ଜମ୍ଵୁ ପୋଲିସ ମିଳିତ ଚଢାଉ କରି ହରିଣ ମାଂସ ଜବତ କରିଛି।
ସୂଚନାନୁଯାୟୀ, ଓଡି ୦୫ ଏଚ ୪୨୮୮ ନମ୍ବର ବିଶିଷ୍ଟ ଏକ ସ୍କୁଟି ଯୋଗେ ହରିଣ ମାଂସ ଚୋରା ଚାଲାଣ ବେଳେ କେନ୍ଦ୍ରାପଡ଼ା ଜିଲ୍ଲା ମହାକାଳପଡା ବ୍ଲକ ରାମଚଣ୍ଡୀ ପୋଲ ନିକଟରେ ବନ ବିଭାଗ ଓ ଜମ୍ଵୁ ପୋଲିସ ମିଳିତ ଚଢାଉ କରିଥିଲା। ଚଢାଉ ବେଳେ ୫ କେ.ଜି ହରିଣ ମାଂସ ଜବତ ହୋଇଛି। ଚୋରା ଚାଲାଣ ଅଭିଯୋଗରେ ଅଭିଯୁକ୍ତ ଖରନସି ଗ୍ରାମର ହାରାଧନ ରକ୍ଷିତକୁ ଗିରଫ କରିଛି ପୋଲିସ। ଜବତ ମାଂସର ନମୁନା ପରୀକ୍ଷା ପାଇଁ ଭୁବନେଶ୍ଵର ପଠାଯାଇଛି। ବନ ବିଭାଗ ପକ୍ଷରୁ ଅଭିଯୁକ୍ତଙ୍କ ବିରୋଧରେ ୨୬/୨୩ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି।
