ଭଡ଼ା ଘରୁ ସେକ୍ସ ରାକେଟ ଠାବ, କିଙ୍ଗପିନ୍ ସହ ୨ ମହିଳା ଉଦ୍ଧାର

ଅନୁଗୁଳ,୩୧/୩: ଅନୁଗୁଳ ସହର ତୁରଙ୍ଗ ଦୁର୍ଗା ବିହାରରୁ ପୁଲିସ ଏକ ସେକ୍ସ ରାକେଟ ଠାବ କରିଛି। ରାଣୀ ମହୁମାଛି ସହ ୨ ଜଣ ମହିଳାଙ୍କୁ ଉଦ୍ଧାର କରାଯାଇଛି। ଏଥିସହ ୨ ଜଣ ଗ୍ରାହକଙ୍କୁ ପୁଲିସ ଗିରଫ କରିଛି। ଭଡାଘରେ ଏହି ରାକେଟ ଚାଲିଥିଲା। ଗୁରୁବାର ରାତିରେ ପୁଲିସ ଚଢଉ କରିଥିଲା। ଚଢଉ ବେଳେ ବହୁ ଆପତ୍ତିଜନକ ସାମଗ୍ରୀ ଜବତ ହୋଇଛି। ପୁଲିସ ଘଟଣାର ଅଧିକ ତଦନ୍ତ ଚଳାଇଛି।

ସୂଚନା ମୁତାବକ, ସହର ତୁରଙ୍ଗ ଦୁର୍ଗା ବିହାରରୁ ବହୁ ଦିନ ଧରି ଭଡ଼ା ଘରେ ଦେହ ବେପାର ଚାଲୁଥିଲା। ଏନେଇ ପୋଲିସକୁ ଅଭିଯୋଗ ହେବା ପରେ ଆକ୍ସନ୍ ମୋଡ଼କୁ ଆସିଥିଲା ପୋଲିସ। ଗତକାଲି ରାତି ହଠାତ୍ ସେକ୍ସ ରାକେଟ୍ ଚାଲୁଥିବା ଘରେ ପୋଲିିସ ଚଢ଼ାଉ କରିଥିଲା। ଚଢ଼ଉ ବେଳେ ରାଣୀ ମହୁମାଛି ସହ ୨ ଜଣ ମହିଳାଙ୍କୁ ଉଦ୍ଧାର କରାଯାଇଛି। ଏଥି ସହିତ ୨ ଜଣ ଗ୍ରାହକଙ୍କୁ ଗିରଫ କରିଛି ପୋଲିସ। ଘର ଭିତରୁ ବହୁ ଆପତ୍ତିଜନକ ସାମଗ୍ରୀ ଜବତ ହୋଇଛିି। ପୋଲିସ ସେମାନଙ୍କୁ ଅନୁଗୁଳ ମୁଖ୍ୟ ଡାକ୍ତରୀ ମାଇନା କରି ଅଧିକ ତଦନ୍ତ ଚଳାଇଛନ୍ତି। କେବେଠାରୁ ଏହି ରାକେଟ ଚାଲିଛି,ଆଉ କିଏ କିଏ ଏହି ମାମଲାରେ ସଂପୃକ୍ତ ରହିଛି। ଅନ୍ୟ ଅଭିଯୁକ୍ତଙ୍କୁ ଧରିବା ପାଇଁ ପୋଲିସ ଛାନ୍‌ ଭିନ୍ ଆରମ୍ଭ କରିଛି।