ନୂଆଦିଲ୍ଲୀ,୨୯/୦୪: ଆଇପିଏଲ୍ ୨୦୨୫ର ୪୮ ତମ ମ୍ୟାଚ୍ ନୂଆଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ କୋଲକାତା ନାଇଟ ରାଇଡର୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯାଇଛି। ଲାଗୁଥିଲା ଯେ କେକେଆର୍ ଆଜି ୨୨୫ ରୁ ଅଧିକ ସ୍କୋର କରିବ, କିନ୍ତୁ ଶେଷ ଓଭରରେ ଦିଲ୍ଲୀ ଏକ ଦମଦାର ପ୍ରଦର୍ଶନ କରିଥିଲା। ପାୱାର ପ୍ଲେରେ ୭୬ ରନ୍ ସଂଗ୍ରହ କରିଥିବା କୋଲକାତା ନାଇଟ୍ ରାଇଡର୍ସ ୨୦ ଓଭରରେ ୯ ୱିକେଟ୍ ହରାଇ ୨୦୪ ରନ୍ ସ୍କୋର କରିପାରିଛି।
କେକେଆର ପକ୍ଷରୁ ଗୁରୁବାଜ ୧୨ ବଲରେ ୨୬ ରନ୍, ସୁନୀଲ ନାରିନ ୧୬ ବଲ୍ରେ ୨୭ ରନ ଏବଂ ଅଜିଙ୍କ୍ୟ ରାହାଣେ ୧୪ ବଲରେ ୨୬ ରନ ସ୍କୋର କରିଥିଲେ। ଭେଙ୍କଟେଶ ଆୟର୍ ମାତ୍ର ସାତ ରନ୍ ସ୍କୋର କରିଥିଲେ। ପ୍ରଥମ ୯ ଓଭରରେ କେକେଆରର ସ୍କୋର ୧୧୧ ରନ୍ ଥିଲା। ତେବେ ଅନ୍ତିମ ୧୧ ଓଭରରେ କେବଳ ୯୩ ରନ୍ କରିଥିଲା କେକେଆର୍। ରିଙ୍କୁ ସିଂ ୨୫ ବଲରେ ୩୬ ରନ୍ ଏବଂ ଅଙ୍ଗକ୍ରିଶ ରଘୁବଂଶୀ ୩୨ ବଲରେ ୪୪ ରନ୍ ସଂଗ୍ରହ କରିଥିଲେ। ମିଚେଲ ଷ୍ଟାର୍କ ଦିଲ୍ଲୀ ପକ୍ଷରୁ ୩ଟି ୱିକେଟ୍ ନେଇଥିବା ବେଳେ ବିପରାଜ ନିଗମ ଏବଂ ଅକ୍ଷର ପଟେଲ ଦୁଇଟି ଲେଖାଏଁ ୱିକେଟ୍ ନେଇଥିଲେ।
