ନୂଆଦିଲ୍ଲୀ : ଦିଲ୍ଲୀ ହାଇକୋର୍ଟ ଭାରତୀୟ ଷ୍ଟେଟ ବ୍ୟାଙ୍କକୁ ଦେଇଛନ୍ତି ନିର୍ଦ୍ଦେଶ। ଜଣେ ବିଧବାଙ୍କ ଠାରୁ କଟା ଯାଇଥିବା ପେନସନ ରାଶି ଫେରସ୍ତ କରିବାକୁ କହିଛନ୍ତି। କୋର୍ଟ ଜାଣିଛନ୍ତି ଯେ, କଥିତ ଭାବେ ଅଧିକ ଦିଆଯାଇ ଥିବା ଏହି ଅର୍ଥ ରାଶି ସଂପୂର୍ଣ୍ଣ ରୂପେ ପେନସନ ପ୍ରୋସେସିଂରେ ହୋଇଥିବା ତ୍ରୁଟି କାରଣରୁ ଜମା ହୋଇ ଥିଲା , ସେହି ମହିଳାଙ୍କ ପକ୍ଷରୁ କୌଣସି ମିଛ ତଥ୍ୟ ଦେବା କିମ୍ୱା ଲୁଚାଇବାର କାରଣ ନୁହେଁ। ବିଚାରପତି ସଞ୍ଜିବ ନରୁଲା ଇନ୍ଦିରା ନାମଙ୍କ ଜଣେ ମହିଳାଙ୍କ ପିଟିସନକୁ ମଞ୍ଜୁର କରି ବ୍ୟାଙ୍କକୁ ନିର୍ଦ୍ଦେଶ ଦେଇ ଥିଲେ ଯେ, ସେ ତାଙ୍କର ଫ୍ୟାମିଲି ପେନସନ ପୂର୍ବରୁ କଟାଯାଇ ଥିବା ଅର୍ଥ ୬ ପ୍ରତିଶତ ବାର୍ଷିକ ସୁଧ ସହ ଫେରସ୍ତ କରାଯାଉ। ଏହାସହ କୋର୍ଟ ବ୍ୟାଙ୍କକୁ ଭବିଷ୍ୟତରେ କୌଣସି ପ୍ରକାରର ଆଉ ଆଦାୟ କରିବାକୁ ବାରଣ କରିଛନ୍ତି।
ପେନସନ ସଂପର୍କିତ ପୂରା ମାମଲା କଣ ?
ଆବେଦନକାରୀଙ୍କ ସ୍ୱାମୀ , ଯିଏ ଜଣେ ସରକାରୀ କର୍ମଚାରୀ ଥିଲେ। ତାଙ୍କର ୨୦୦୩ ମସିହାରେ ଚାକିରି ବେଳେ ହିଁ ମୃତ୍ୟୁ ହୋଇଥିଲା। ଏହାପରେ , ଦିଲ୍ଲୀ ସରକାରଙ୍କ ପକ୍ଷରୁ ଜାରି ଏକ ପେନସନ ପେମେଣ୍ଟ ଅର୍ଡର ମାଧ୍ୟମରେ ଆବଦେନକାରୀଙ୍କ ପାଇଁ ଫ୍ୟାମିଲ ପେନସନ ଆବେଦନ କରାଗଲା। ଏହାର ଦେୟ ଏସିବିଆଇର ଏକ ଶାଖା ମାଧ୍ୟମରେ କରାଯାଉ ଥିଲା। କିନ୍ତୁ ଥରେ ପେନସନର ଦେୟକୁ ନେଇ ମହିଳା ଦେଖିଲେ ଯେ, ତାଙ୍କର ମାସିକ ପେନସନରେ ହଠାତ୍ ବହୁତ ହ୍ରାସ ପାଇଛି। ତାଙ୍କୁ କୁହାଗଲା ଯେ, ପେନସନ ରେକର୍ଡରେ ଭୁଲ ଉପାୟରେ ବୃଦ୍ଧିର ତାରିଖ ଥିବା କାରଣରୁ , କଥିତ ଭାବେ ୨.୫ ଲକ୍ଷରୁ ଅଧିକ ଅତିରିକ୍ତ ପେନସନର ପେମେଣ୍ଟ ହୋଇ ଯାଇ ଥିଲା।
ପରେ , ଏସବିଆଇ ଏହି କଥିତ ଅତିରିକ୍ତ ରାଶିର ପୁନର୍ବାର କାଉଣ୍ଟିଂ କଲେ ଏବଂ ଏହାକୁ ୩.୬ ଲକ୍ଷ କହିଥିଲେ। ଏହାପରେ , ବ୍ୟାଙ୍କ ତାଙ୍କ ପେନସନରୁ ପ୍ରତି ମାସ କିଛି କିଛି କାଟିବା ଆରମ୍ଭ କରିଦେଲେ। ଏଥିରେ ଚିନ୍ତିତ ହୋଇ , ମହିଳା ଏହି ରିକଭରୀକୁ ଚ୍ୟାଲେଞ୍ଚ ଦେଲେ। ସେ ଦଲିଲରେ କହିଥିଲେ ଯେ, ସେ ନା କୌଣସି ଭୁଲ ତଥ୍ୟ ଦେଇଥିଲେ ନା କି ଏହି କଥିତ ଅତିରିକ୍ତ ଦେୟରେ ତାଙ୍କର କୌଣସି ଭୂମିକା ଥିଲା। ସେ ଏହା ମଧ୍ୟ କହିଛନ୍ତି ଯେ, ଏହି ହ୍ରାସ ବିନା କୌଣସି ପୂର୍ବ ସୂଚନା,ରେ ଏକତରଫା ଆରମ୍ଭ କରାଯାଇ ଥିଲା।
ଆହୁରି ମଧ୍ୟ ପଢନ୍ତୁ : NEET UG Retest: ପରୀକ୍ଷା କେନ୍ଦ୍ରରେ ପ୍ରଶ୍ନପତ୍ର ପହଞ୍ଚାଇବ ବାୟୁସେନା ! ରି-ନିଟ୍ ପାଇଁ ଚାଲିଛି ଜୋରଦାର ପ୍ରସ୍ତୁତି
ହାଇକୋର୍ଟ ମହିଳାଙ୍କ ଦଲିଲରେ ସହମତି ପ୍ରକାଶ କରିବା ସହ କହିଥିଲେ, ରେକର୍ଡରେ ଏହା କିଛି ବି ନାହିଁ, ଯେଉଁଥିରେ ଜାଣିହେବ ଯେ, ଆବେଦନକାରୀଙ୍କୁ ଏହି କଥାର ସୂଚନା ଥିଲା – କିମ୍ୱା ତାଙ୍କୁ ଉଚିତ ରୂପେ ଜଣାଯିବା ଉଚିତ ଥିଲା ଯେ, ତାଙ୍କୁ ତାଙ୍କର ଲିଗାଲ ରାଇଟ୍ରୁ ଅଧିକ ଅର୍ଥ ମିଳୁଛି। କୋର୍ଟ ଏସବିଆଇକୁ ଏହି କଥା ପାଇଁ ଦୋଷୀ କରାଇ ଥିଲେ। କହିଥିଲେ ଯେ, ସେ କଥିତ ଅତିରିକ୍ତ ଦେୟର ବିବରଣୀ କିମ୍ୱା ରିକଭରୀର ପ୍ରସ୍ତାବ ଉପାୟ ଆବେଦନକାରୀଙ୍କୁ ନଜଣାଇ ରିକଭରୀ ଆରମ୍ଭ କରିଦେଇ ଥିଲେ।
ଦେଖନ୍ତୁ ଏହି ଭିଡିଓ : ଟ୍ରେଣ୍ଡରେ ଥିଲା ମୋଦି-ମେଲୋନିଙ୍କ ବନ୍ଧୁତା,ଏବେ ବନ୍ଧୁତାରେ ହେଲା କି ଫାଟ ? ମୋଦିଙ୍କୁ ଅନଫଲୋ କଲେ ମେଲୋନି !
