ନୂଆଦିଲ୍ଲୀ,୦୫/୦୫: ଆଇପିଏଲ୍ ୨୦୨୬ର ୪୮ତମ ମୁକାବିଲାରେ ଦିଲ୍ଲୀର ଅରୁଣ ଜେଟଲି ଗ୍ରାଉଣ୍ଡରେ ମୁହାଁମୁହିଁ ହୋଇଥିଲେ ଦିଲ୍ଲୀ କ୍ୟାପିଟାଲ୍ସ ଏବଂ ଚେନ୍ନାଇ ସୁପର କିଙ୍ଗସ। ପ୍ରଥମେ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ୧୫୫ ରନ କରିଛି। ଘରୋଇ ପଡ଼ିଆରେ ଖେଳୁଥିବା ଦିଲ୍ଲୀ ଦଳ ସିଏସକେଙ୍କ ଘାତକ ବୋଲିଂ ଆଗରେ ରନ ସଂଗ୍ରହ କରିବାକୁ ସଂଘର୍ଷ କରିଥିଲା। ସମୀର ରିଜଭି ଏବଂ ଟ୍ରିଷ୍ଟାନ ଷ୍ଟବସଙ୍କ ଲଢ଼ୁଆ ଇନିଂସ ପାଇଁ ଡିସି ୧୫୦ ରନ ଅତିକ୍ରମ କରିବାରେ ସଫଳ ହୋଇଛି।
ପ୍ଲେଅଫ୍ ସମ୍ଭାବନା ଦୃଷ୍ଟିରୁ ଏହି ମ୍ୟାଚ୍ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ। ନଅଟି ମ୍ୟାଚ୍ ପରେ ଦିଲ୍ଲୀ ଏବଂ ଚେନ୍ନାଇ ଆଠ ପଏଣ୍ଟରେ ସମାନ ସ୍ଥିତିରେ ଅଛନ୍ତି। ଦିଲ୍ଲୀ କ୍ୟାପିଟାଲ୍ସର ଟପ୍ ଅର୍ଡର ସମ୍ପୂର୍ଣ୍ଣ ବିଫଳ ହୋଇଥିଲା, କାରଣ କେଏଲ ରାହୁଲ, ପଥୁମ୍ ନିସାଙ୍କା ଏବଂ ନୀତିଶ ରାଣା ତିନି ଜଣ ବ୍ୟାଟର ୧୦ ରନ୍ ଅତିକ୍ରମ କରିଥିଲେ ସୁଦ୍ଧା ୨୦ ରନ୍ ପାର କରିପାରିନଥିଲେ।
ଅଧିକ ପଢ଼ନ୍ତୁ: IPL 2026: ହାର୍ଦ୍ଦିକ ବାଦ ପଡିବାରୁ ଖେଳିଲେ କି ରୋହିତ ? ମୁମ୍ବାଇ ଇଣ୍ଡିଆନ୍ସରେ 'ମହାଭାରତ'
ସମ୍ମାନ ବଞ୍ଚାଇଲେ ଷ୍ଟବ୍ସ ଏବଂ ରିଜଭି:
ଗୋଟିଏ ସମୟରେ, ଦିଲ୍ଲୀ କ୍ୟାପିଟାଲ୍ସ ୬୯ ରନରେ ପାଞ୍ଚଟି ୱିକେଟ ହରାଇଥିଲା ଏବଂ ଦଳର ରନ ହାର ୬ ପାଖାପାଖି ଥିଲା। ୧୧୫-୧୨୦ ପର୍ଯ୍ୟନ୍ତ ପହଞ୍ଚିବା ଦିଲ୍ଲୀ ପାଇଁ କଷ୍ଟକର ମନେ ହେଉଥିଲା। ଏହି ସମୟରେ, ସମୀର ରିଜଭି ଏବଂ ଟ୍ରିଷ୍ଟାନ ଷ୍ଟବ୍ସଙ୍କ ୬୫ ରନର ଭାଗୀଦାରି ଦିଲ୍ଲୀକୁ ଲଜ୍ଜାରୁ ବଞ୍ଚାଇଥିଲା। ଷ୍ଟବ୍ସ ୩୧ ବଲରୁ ୩୮ ରନ କରିଥିବା ବେଳେ ରିଜଭି ୨୪ ବଲରୁ ୪୦ ରନ କରି ଅପରାଜିତ ରହିଥିଲେ। ରିଜଭି ଗୋଟିଏ ଛକା ମାରି ଇନିଂସ ଶେଷ କରିଥିଲେ। ଉଲ୍ଲେଖନୀୟ ଯେ ଦିଲ୍ଲୀ ଏହି ମ୍ୟାଚରେ ସମୀର ରିଜଭିଙ୍କୁ ଇମ୍ପାକ୍ଟ ପ୍ଳେୟର ଭାବରେ ମଇଦାନକୁ ଓହ୍ଲାଇଥିଲା।
CSK ର ଦମଦାର ବୋଲିଂ:
ଅଂଶୁଲ କମ୍ବୋଜ ସମଗ୍ର ସିଜନରେ ବିପଜ୍ଜନକ ପ୍ରଦର୍ଶନ କରିଛନ୍ତି, କିନ୍ତୁ ଦିଲ୍ଲୀ ବିପକ୍ଷରେ ସେ ତାଙ୍କର ଚାରି ଓଭରରେ ୪୯ ରନ ଦେଇଥିଲେ। ତାଙ୍କ ବ୍ୟତୀତ, ସମସ୍ତ ଚେନ୍ନାଇ ବୋଲର କଡ଼ା ବୋଲିଂ କରିଥିଲେ। ଏହି ମ୍ୟାଚ୍ରେ ଆକିଲ୍ ହୋସେନ୍ ପ୍ରତ୍ୟାବର୍ତ୍ତନ କରିଥିଲେ, ଅର୍ଥାତ୍ ସେ ଚାରି ଓଭରରେ ମାତ୍ର ୧୯ ରନ ଦେଇ ଗୋଟିଏ ୱିକେଟ୍ ନେଇଥିଲେ। ନୁର ଅହମ୍ମଦ ଦୁଇଟି ୱିକେଟ୍ ନେଇଥିଥିବା ବେଳେ ମୁକେଶ ଚୌଧୁରୀ, ଗୁରଜପନୀତ ସିଂହ ଏବଂ ଜେମି ଓଭରଟନ୍ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
ପ୍ରମେୟ ପୃଷ୍ଠାର ପ୍ରମୁଖ ଖବର: ବୈଭବଙ୍କ ଉପରେ ମତାମତ ଦେବାକୁ ମନା କଲେ କପିଳ, କହିଲେ ଟିଭି ଦେଖି ମତାମତ ଦେବା ...
