କଟକ, ୬/୮ : ଆହତ ହେବା ସତ୍ୱେ ବୈଠକ ଜାରି ରଖିଲେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ । ଏଭଳି ଏକ ଘଟଣା ଘଟିଛି କଟକ ଜିଲ୍ଲାପାଳଙ୍କ କାର୍ଯ୍ୟାଳୟରେ । ଦିନିକିଆ କଟକ ଗସ୍ତରେ ଆସି ବିଭିନ୍ନ ଉନତିମୂଳକ କାର୍ଯ୍ୟ ସହ ନାରୀ ଶକ୍ତି ସମିଳନୀର ସମୀକ୍ଷା ପାଇଁ କଟକ ଆସିଥିଲେ କେ ଭି. । ଏହି ସମୟରେ କାର୍ଯ୍ୟକ୍ରମ ଆୟୋଜନ ହେବା ଥିବା ବାଲିଯାତ୍ରା ପଡ଼ିଆକୁ ଅନୁଧ୍ୟାନ ପାଇଁ ଯିବାବେଳେ ଜିଲ୍ଲାପାଳ କାର୍ଯ୍ୟାଳୟର ପାହାଚରୁ ଓହ୍ଲାଉଥିବାବେଳେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓଙ୍କ ବାମ ଗୋଡ଼ଟି ପାଦ ପାଖରୁ ମୋଡ଼ି ହୋଇଯାଇଥିଲା । ଯନ୍ତ୍ରଣା ଅନୁଭବ ହେବାରୁ ସେ SCBକୁ ଯାଇ ଚିକିତ୍ସା ପରେ ପୁଣି ବୈଠକରେ ଯୋଗଦେଇଥିଲେ । ତେବେ ମୋର ଶରୀର ଆହତ ହୋଇଛି, ମସ୍ତିଷ୍କ ନୁହେଁ । ମୁଁ ରାଜ୍ୟ ସରକାରଙ୍କ କାମ କରିବା ପାଇଁ ଆସିଛି । ସେଥିପାଇଁ ମୁଁ ପ୍ରସ୍ତୁତ ଅଛି ଏବଂ ସେହି କାମ ବନ୍ଦ ହେବ ନାହିଁ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ।