ଭୁବନେଶ୍ୱର, ୨୬/୦୨: ଆଜି ପବିତ୍ର ମହାଶିବରାତ୍ରୀ । ସେଥିପାଇଁ ଚଳଚଞ୍ଚଳ ହୋଇ ଉଠିିଛି ଆଠଗଡ଼ର ପ୍ରସିଦ୍ଧ ଶୈବପୀଠ ବାବା ଧବଳେଶ୍ୱରଙ୍କ ପୀଠ । ପୂଜକ ସମିତି ପକ୍ଷରୁ ରାତ୍ର ଚାରିଟାରେ ଦ୍ଵାର ଫିଟାଯାଇ ମହାସ୍ନାନ କରାଯିବା ସହିତ ବାବା ଧବଳେଶ୍ବରଙ୍କୁ କେତକୀ ଫୁଲରେ ସଜ୍ଜିତ କରାଯାଇ ସଧାରଣ ଦର୍ଶନ ନିମନ୍ତେ ମନ୍ଦିରର ଦ୍ଵାର ଫିଟା ଯାଇଥିଲା । ଦ୍ୱାର ଫିଟିବା ପରେ ଶ୍ରଦ୍ଧାଳୁମାନେ ଲମ୍ୱା ଲାଇନ୍ରେ ଲାଗି ପ୍ରଭୁଙ୍କୁ ଦର୍ଶନ କରୁଛନ୍ତି ।
ପବିତ୍ର ଜାଗରରେ ବାବା ଧବଳେଶ୍ଵରଙ୍କ ପାଖରେ ଲାଗି ହେବ ପ୍ରସିଦ୍ଧ ମାଣ୍ଡୁଅ ଭୋଗ । ଅପରାହ୍ନରେ ଚାରି ପ୍ରହର ପୂଜା କରାଯିବ ସହିତ ତୃତୀୟ ପ୍ରହର ପୂଜାରେ ମାଣ୍ଡୁଅ ଭୋଗ ଲାଗି କରାଯାଇ ବେଢ଼ା ପରିକ୍ରମା କରିବା ପରେ ହରିହର ଭେଟ ହେବ । ରାତି ୧ଟାରେ ଧବଳେଶ୍ୱରଙ୍କ ମହାଦୀପ ଉଠିବ । ସୁରକ୍ଷା ଦୃଷ୍ଟିରୁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି ।
