ଅଧାରେ ରହିଗଲା ଜଗନ୍ନାଥ ଦର୍ଶନ, ଟ୍ରେଲର ଧକ୍କାରେ ଜଣେ ମୃତ, ଅନ୍ୟ ଜଣେ ଗୁରୁତର
ଢେଙ୍କାନାଳ, ୨୪/୫ : ଅଧାରେ ରହିଗଲା ଜଗନ୍ନାଥ ଦର୍ଶନ। ଦୁଇ ସାଙ୍ଗ ରାୟପୁରରୁ ବାଇକ ଯୋଗେ ପୁରୀ ଆସୁଥିବା ବେଳେ ଢେଙ୍କାନାଳ ଟାଉନ ଥାନା ୫୫ ନମ୍ବର ଜାତୀୟ ରାଜପଥ ନିରୁପମା ହୋଟେଲ ନିକଟରେ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ସାଙ୍ଗର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି।
ସୂଚନାନୁଯାୟୀ, ଛତିଶଗଡ଼ ଧରମରାୟପୁରରୁ ୨ ସାଙ୍ଗ ବାଇକ ଯୋଗେ ପୁରୀ ଜଗନ୍ନାଥଙ୍କୁ ଦର୍ଶନ କରିବା ପାଇଁ ଯାଉଥିଲେ । ଜାତୀୟ ରାଜପଥର ନିରୁପମା ହୋଟେଲ ନିକଟରେ ଏକ ଟ୍ରଲର ବାଇକକୁ ଧକ୍କା ଦେବାରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ମୃତକ ଜଣଙ୍କ ହେଉଛନ୍ତି ଧରମରାୟପୁରର ବିବେକ ପାଇକରାୟ। ସେହିପରି ଗୁରୁତର ଜଣଙ୍କ ହେଉଛନ୍ତି ରାଜ କୁମାର ଯାଦବ। ଘଟଣାସ୍ଥଳରେ ପୁଲିସ ପହଁଞ୍ଚି ତଦନ୍ତ କରିବା ସହିତ ଗୁରୁତର ରାଜ କୁମାରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି। ଦୁର୍ଘଟଣା ଘଟାଇଥିବା ଟ୍ରଲରକୁ ପୁଲିସ ଜବତ ଜରିଛି।
