ହତ୍ୟା ଧମକ ପରେ ବଢିଲା ବାଗେଶ୍ବର ଧାମ୍ ସରକାର ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ସୁରକ୍ଷା ବ୍ୟବସ୍ଥା, Y ବର୍ଗର ସୁରକ୍ଷା ଯୋଗାଇଲା କେନ୍ଦ୍ର…
ନୂଆଦିଲ୍ଲୀ : ପ୍ରସିଦ୍ଧ ଧାର୍ମିକ ପ୍ରବଚକ ତଥା ବାଗେଶ୍ୱର ଧାମର ସରକାର ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ସୁରକ୍ଷା ବୃଦ୍ଧି କରାଯାଇଛି । ତାଙ୍କୁ Y ବର୍ଗର ସୁରକ୍ଷା ଯୋଗାଇ ଦିଆଯାଇଛି । ଏହାକୁ କେନ୍ଦ୍ର ସରକାର ଅନୁମୋଦନ କରିଛନ୍ତି । କିଛି ସମୟ ପୂର୍ବରୁ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କୁ ହତ୍ୟା ଧମକ ମିଳିଥିଲା । ଏଥିପାଇଁ ତାଙ୍କୁ ସୁରକ୍ଷା ଯୋଗାଇ ଦେବାକୁ କେନ୍ଦ୍ର ସରକାରଙ୍କ ନିକଟରେ ଅନୁରୋଧ କରାଯାଇଥିଲା । କେନ୍ଦ୍ର ସରକାର ଏବେ ତାଙ୍କୁ ଏହି ସୁରକ୍ଷା ଯୋଗାଇ ଦେଇଛନ୍ତି । ତେବେ Y ବର୍ଗର ସୁରକ୍ଷାରେ ଗୋଟିଏ କିମ୍ବା ଦୁଇଟି କମାଣ୍ଡୋକୁ ନେଇ ଗଠିତ । ଏହି ସୁରକ୍ଷା ସର୍କଲରେ ଆଠ ଜଣ ଯବାନ ଜଡିତ ରହିଥାନ୍ତି ।
ସୂଚନାଥାଉକି, ଯେ ବାଗେଶ୍ୱର ଧାମ ସରକାର ପଣ୍ଡିତ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କୁ କିଛି ମାସ ପୂର୍ବରୁ ତାଙ୍କ ପରିବାର ସହିତ ହତ୍ୟା କରିବାକୁ ଧମକ ମିଳିଥିଲା । ଅମର ସିଂ ନାମକ ଜଣେ ବ୍ୟକ୍ତି ଧିରେନ୍ଦ୍ର ଶାସ୍ତ୍ରୀଙ୍କ ଦାଦାଙ୍କ ପୁଅକୁ ଧମକପୂର୍ଣ୍ଣ ଫୋନ୍ କରିଥିଲେ । କଲ୍ କରିଥିବା ବ୍ୟକ୍ତି କହିଥିଲେ ଯେ, ଧିରେନ୍ଦ୍ର ଶାସ୍ତ୍ରୀଙ୍କ ସହ ତାଙ୍କ ପରିବାରର ଅନ୍ତିମ ସଂସ୍କାର ପାଇଁ ପ୍ରସ୍ତୁତ ହୁଅ । ଏହି କଲ୍ ପରେ ପୋଲିସ ଏକ ଏଫ୍ଆଇଆର୍ ପଞ୍ଜିକରଣ କରିଥିଲା ।
