କେରଳର ମହିଳାଙ୍କୁ ଧିରେନ୍ଦ୍ର ଶାସ୍ତ୍ରୀ ପଚାରିଲେ, ‘ଦ କେରଳ ଷ୍ଟୋରୀ’ କେତେ ସତ
ଭୋପାଳ : ବହୁ ଚର୍ଚ୍ଚିତ ବଲିଉଡ୍ ଫିଲ୍ମ ଦ କେରଳ ଷ୍ଟୋରୀ ର ନାଁ ଆଜିକାଲି ସମସ୍ତଙ୍କ ମୁହଁରେ। ଏହାକୁ ନେଇ ଚାରିଆଡ଼େ ଆଲୋଚନା। ବିଜେପି ନେତାଙ୍କ ଠାରୁ ନେଇ ଧର୍ମ ଗୁରୁ ଓ ହିନ୍ଦୁବାଦୀ ସଙ୍ଗଠନ ସହ ଜଡ଼ିତ ଲୋକ ଏହି ଫିଲ୍ମର ଖୁବ୍ ପ୍ରଚାର ପ୍ରସାର କରୁଛନ୍ତି। ଏଥିରେ ବାଗେଶ୍ୱର ଧାମର ବାବା ଧିରେନ୍ଦ୍ର ଶାସ୍ତ୍ରୀ କେମିତି ପଛରେ ରହିଯିବେ।
ବାଗେଶ୍ୱର ସରକାରଙ୍କର କଥା ପ୍ରବଚନ ବେଳେ ବାବାଙ୍କର ଆଶୀର୍ବାଦ ନେବାକୁ ମଞ୍ଚରେ ପହଞ୍ଚିଥିଲେ ଜଣେ କେରଳର ମହିଳା। ଧିରେନ୍ଦ୍ର ଶାସ୍ତ୍ରୀ ଦ କେରଳ ଷ୍ଟୋରୀକୁ ନେଇ ଏକ ପ୍ରଶ୍ନ ପଚାରିଥିଲେ। ଧିରେନ୍ଦ୍ର ଶାସ୍ତ୍ରୀଙ୍କ ଠାରୁ ପର୍ଚା ବାହାର କରିବାକୁ ଆସିଥିବା ଏହି ମହିଳାଙ୍କୁ ପଚାରି ଥିଲେ ଦ କେରଳ ଷ୍ଟୋରୀର କାହାଣୀ ସତ କି ?
କେରଳରେ ରହୁଥିବା ସେହି ମହିଳା କହିଥିଲେ କି , ସେ ଟିଭିରେ ତ ବାଗେଶ୍ୱର ସରକାରଙ୍କର କଥା ପ୍ରବଚନ ଶୁଣନ୍ତି। କିନ୍ତୁ ତାଙ୍କର ଦୃଢ ଇଚ୍ଛା ଥିଲା ଥରେ ସେ ପେଣ୍ଡାଲରକୁ ଯାଇ ଲାଇଭ୍ କଥା ପ୍ରବଚନ ଶୁଣିବେ। ଏହାକୁ ନେଇ ବାବା ତାଙ୍କୁ ପଚାରିଲେ ଆପଣ ଟିଭି ଓ ଲାଇଭ୍ ପ୍ରବଚନରେ କଣ ତଫାତ ଦେଖନ୍ତି ? ଏହି ପ୍ରଶ୍ନର ଉତ୍ତରରେ ମହିଳା ଜଣଙ୍କ କହିଥିଲେ, କେରଳରେ କଥା ପ୍ରବଚନ ହୋଇ ନଥାଏ। ଏହାକୁ ଆଶ୍ଚର୍ଯ୍ୟକର ନଜରରେ ଦେଖି ବାବା ପଚାରିଥିଲେ ଏହାର ଅର୍ଥ ଦ କେରଳ ଷ୍ଟୋରୀ ସତ । ମହିଳା ଜଣଙ୍କ କହିଥିଲେ କିଛି କିଛି ସତ ଏବଂ କିଛି ସତ ନୁହେଁ । ମହିଳା ଜଣଙ୍କ କହିଥିଲେ ସେ ତାଙ୍କ(ବାବାଙ୍କ ଦ୍ୱାରା) ଦ୍ୱାରା ଖୁବ୍ ପ୍ରଭାବିତ ।
ଉଲ୍ଲେଖନୀୟ ଯେ, ଦ କେରଳ ଷ୍ଚୋରୀ ୫ ମଇକୁ ରିଲିଜ୍ ହୋଇଥିଲା। ବଲିଉଡ ଅଭିନେତ୍ରୀ ଅଦା ଶର୍ମାଙ୍କର ଏହି ଫିଲ୍ମ ଏବେସୁଦ୍ଧା ୨୦୦ କୋଟି ଟଙ୍କାରୁ ଅଧିକ ଆୟ କରିଛି। ୨୦ରୁ ୩୦ କୋଟିର ବଜେଟ୍ରେ ତିଆରି ଦ କେରଳ ଷ୍ଚୋରୀ ବକ୍ସ ଅଫିସରରେ ସୁନ୍ଦର ପ୍ରଦର୍ଶନ କରୁଛି। ଡାଇରେକ୍ଟର ସୁଦିପ୍ତୋ ଘୋଷଙ୍କ ନିର୍ଦ୍ଦେଶନାରେ ତିଆରି ଦ କେରଳ ଷ୍ଟୋରୀର ନିର୍ମାଣ ବିପୁଳ ଅମୃତପାଲ ଶାହ କରିଛନ୍ତି ।
