ରାଉରକେଲା ୪।୪: ଦୀର୍ଘ ଦିନ ପରେ ମୁହଁ ଖୋଲିଲେ ରାଉରକେଲା ବିଧାୟକ ଦିଲୀପ ରାୟ। ଗତ ଡିସେମ୍ବର ମାସରେ ବିଜେପି ଛାଡିଥିବା ଦିଲୀପ ରାୟ କହିଛନ୍ତି ଯେ ସେ ଏବେ ମଧ୍ୟ ଦ୍ବନ୍ଦ୍ବରେ ଅଛନ୍ତି। ସେ କେଉଁ ଦଳକୁ ଯିବେ ତାହା ନି​‌ଷ୍ପତ୍ତି କରିପାରୁନାହାନ୍ତି। ତେବେ ବିଜେପି ଆଡ଼କୁ ଇଙ୍ଗିତ କରି କହିଛନ୍ତି ଯେ, ବିଶ୍ବାସଘାତକତା କରିଥିବା ଦଳକୁ ସମର୍ଥନ କରିବାର ପ୍ରଶ୍ନ ଉଠୁନାହିଁ। ଏହି ଦ୍ବନ୍ଦ୍ବ ପାଇଁ ସେ ନା ବିଜେପି ଦଳକୁ ଫେରି ପାରୁଛନ୍ତି ନା ବିଜେଡ଼ିରେ ଯୋଗ ଦେଇପାରୁଛନ୍ତି ବୋଲି କହିଛନ୍ତି ଦିଳ୍ଲୀପ।

ଗତ ଦୁଇ ସପ୍ତାହ ତଳେ ଅଚାନକ ଦିଲୀପ ଙ୍କୁ ନବୀନ ନିବାସରେ ଦେଖିବାକୁ ମିଳିଥିଲା। ଏହା ପରେ ସେ ବିଜେଡ଼ିରେ ଯୋଗ ଦେବେ ବୋଲି ଚର୍ଚ୍ଚା ହେଲା। କିନ୍ତୁ ଇତି ମଧ୍ୟରେ ୧୫ ଦିନ ବିତିଯାଇଥିଲେ ମଧ୍ୟ ଦିଲ୍ଲୀ କୈାଣସି ନି​‌ଷ୍ପତ୍ତି ନେଇପାରି ନାହାନ୍ତି। ଅପରପକ୍ଷରେ ଦିଳ୍ଲୀପଙ୍କ ସହ ଏକାଠି ବିଜେପି ଛାଡ଼ିଥିବା ବିଜୟ ପୁଣିଥରେ ବିଜେପିରେ ଯୋଗ ଦେଇଥିବା ତଥା ପାଟକୁରାରୁ ପାର୍ଥୀ ହୋଇସାରିଲେଣି। ତୃତୀୟ ପର୍ଯ୍ୟାୟ ନାମାଙ୍କନ ପତ୍ର ଦାଖଲର ଆଜି ଶେଷ ଦିନ। ମାତ୍ର ଗୋଟିଏ ସପ୍ତାହ ପରେ ୧୧ତାରିଖରେ ପ୍ରଥମ ପର୍ଯ୍ୟାୟ ନିର୍ବାଚନ ଅନୁ​‌ଷ୍ଠିତ ହେବ। ଏଭଳି ସ୍ଥିତିରେ ଦିଳ୍ଲୀପ ରାୟଙ୍କ ଭଳି ନେତା ​କୈାଣସି ନି​‌ଷ୍ପତ୍ତି ନେଇପାରୁନଥିବା ସମସ୍ତଙ୍କୁ ଆଶ୍ଚଯ୍ୟ କରିଛି।