ପ୍ରମୁଖ ଖବର
  • ଭୁବନେଶ୍ୱର : ବିଜେଡି ଛାଡ଼ିଲେ ଦେବାଶିଷ ନାୟକ । ପୂର୍ବତନ ବରୀ-ଡେରାବିସ୍ ବିଧାୟକ
  • ||
  • ୩୪ ନୂଆ ଏନ୍‌ଏସି ଘୋଷଣାରେ ଲୋଇସିଂହା ବାଦ୍, ୧୨ ଘଣ୍ଟିଆ ବନ୍ଦ ଡାକରା
  • ||
  • ମାଲକାନଗିିରି: ଛତିଶଗଡ଼ କାଙ୍କେରରେ ଏନ୍‌କାଉଣ୍ଟର, ଯବାନଙ୍କ ଗୁଳିରେ ୩ ମାଓବାଦୀ ନିହତ
  • ||
  • ବାଲିପାଟଣା ଥାନା ଭିତରେ ଯୁବକଙ୍କୁ ଛେଚିଲେ, ୨ ଅଭିଯୁକ୍ତଙ୍କୁ କାବୁ କଲା ପୋଲିସ
  • ||
  • ଚିଲିକା ମଝିରେ ଫସିଲା ଯାତ୍ରୀବାହୀ ଡଙ୍ଗା, ୧୦ ବାଇକ ସହ ୩୦ ଯାତ୍ରୀ ଫସିଲେ
  • ||
  • ଯୁକ୍ତ ୨ ପରୀକ୍ଷା ପଦାର୍ଥ ବିଜ୍ଞାନ ପ୍ରଶ୍ନପତ୍ରରେ ତ୍ରୁଟି: ୭୦ ମାର୍କର ପରୀକ୍ଷାରେ ୨୭ ମାର୍କର ସିଲାବସ୍‌ ବାହାର ପ୍ରଶ୍ନ
  • ||
  • ଡବ୍ଲ୍ୟୁପିଏଲ୍‌- ୨୦୨୪: ରୋମାଞ୍ଚକ ମୁକାବିଲା, ୟୁପି ୱାରିୟର୍ସଠୁ ୨ରନ୍‌ରେ ଜିତିଲା ରୟାଲ୍‌ ଚ୍ୟାଲେଞ୍ଜର୍ସ
  • ||
  • ‘ଦିଲ୍ଲୀ ଚଲୋ’ ସ୍ଥଗିତ ରହିବା ପରେ ଖୋଲିଲା ଦିଲ୍ଲୀ-ହରିଆଣା ସୀମା, ଶମ୍ଭୁ ସୀମାରେ ଚାଷୀଙ୍କ କ୍ୟାଣ୍ଡେଲ୍‌ ଶୋଭାଯାତ୍ରା
  • ||
  • ବାଙ୍ଖିଡି ଛକରେ ମର୍ମନ୍ତୁଦ ଦୁର୍ଘଟଣା, ଗଛରେ ପିଟି ହୋଇ ବାଇକ୍ ଚାଳକ ମୃତ
  • ||
  • ବର୍ଷିଲା ପରେ ଖସିଲା ତାତି: ୨୭ ଯାଏ ବର୍ଷା ସମ୍ଭାବନା, ୧୦ରୁ ଅଧିକ ଜିଲ୍ଲାରେ ପାଗ କୋହଲା
  • ||
  • ଗୁଜରାଟ ଗସ୍ତରେ ପ୍ରଧାନମନ୍ତ୍ରୀ: ଆଜି ‘ସୁଦର୍ଶନ ସେତୁ’ ଲୋକାର୍ପଣ, ସୌରାଷ୍ଟ୍ରକୁ ଦେବେ ୫୨,୨୫୦ କୋଟିର ପ୍ରକଳ୍ପ ଭେଟି
  • ||

ପୁନର୍ଜନ୍ମ ପାଇଛି: ଡିଙ୍ଗକୋ ସିଂ

ମୁମ୍ବାଇ, ୧୯ ।୧ (ଏଜେନ୍ସି): ୨୦୧୭ ଫେବ୍ରୁଆରୀ ମାସରେ ଏସିଆଡ୍‌ ସ୍ୱର୍ଣ୍ଣ ପଦକ ବିଜେତା ବକ୍ସର ଡିଙ୍ଗକୋ ସିଂ କ୍ୟାନସରରେ ପୀଡ଼ିତ ହୋଇଥିବା ଖବର ପ୍ରକାଶ ପାଇଥିଲା । ଚିକିତ୍ସା ପାଇଁ ଅର୍ଥ ନଥିଲା, ଅବସ୍ଥା ସଂକଟାପନ୍ନ ହୋଇଯାଇଥିଲା । ଏତିକିବେଳେ ଭାରତୀୟ କ୍ରିକେଟ ଦଳର ପୂର୍ବତନ ଓପନର ଗୌତମ ଗମ୍ଭୀର ଡିଙ୍ଗକୋଙ୍କ ଚିକିତ୍ସା ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ । ଏହାପରେ ଡିଙ୍ଗକୋ ସୁସ୍ଥ ହେଲେ କି ନହେଲେ ସେ ଖବର କାହା ପାଖରେ ନଥିଲା । ଇତି ମଧ୍ୟରେ ଦୁଇ ବର୍ଷ ବିତି ଗଲାଣି । ସେ ସଂପୂର୍ଣ୍ଣ ସୁସ୍ଥ ହୋଇ ଯାଇଛନ୍ତି ।
ନିକଟକରେ ମୁମ୍ବାଇ ମାରାଥନରେ ଅତିଥି ଭାବେ ଯୋଗଦେଇଥିଲେ ଡିଙ୍ଗକୋ । ସେଠାରେ ଦେଖି ତାଙ୍କୁ ସମସ୍ତେ ଖୁସି ହୋଇ ଯାଇଥିଲେ । ଡିଙ୍ଗକୋଙ୍କ ପ୍ରତିକ୍ରିୟା ନେବା ପାଇଁ ଗଣମାଧ୍ୟମ ପ୍ରତିନିଧିଙ୍କ ଗହଲି ଲାଗିଥିଲା । ସେ କହିଥିଲେ, ଭଗବାନଙ୍କ ଦୟାରୁ ସବୁ କିଛି ଠିକ୍‌ ଠାକ୍‌ ଅଛି । ମୁଁ ଏବେ ସଂପୂର୍ଣ୍ଣ ସୁସ୍ଥ । କୌଣସି ଔଷଧ ସେବନ କରୁ ନାହିଁ । କିନ୍ତୁ ପ୍ରତି ଛଅ ମାସରେ ଥରେ ଦିଲ୍ଲୀର ଆଇଏଲ୍‌ବିଏସରେ ଚେକ୍‌ଅପ୍‌ କରାଉଛି ।’
‘ ମୁଁ ପୁନର୍ଜନ୍ମ ପାଇଛି ଓ ଦ୍ୱିତୀୟ ଜୀବନ ଜିଉଁଛି । ମୁଁ ଜାଣେନି ପୂର୍ବ ଡିଙ୍ଗକୋ ସିଂ କିଏ ଥିଲେ । ମୁଁ ବର୍ତ୍ତମାନର ଡିଙ୍ଗକୋ ସିଂ କହୁଛି । ବହୁତ ଖୁସି ଯେ, ଏଭଳି ଏକ ଜଟିଳ ମୁହୂର୍ତ୍ତର ରକ୍ଷା ପାଇଛି ।’ ୪୦ ବର୍ଷୀୟ ଡିଙ୍ଗକୋ ଏବେ ସାଇର କୋଚ୍‌ ଭାବେ ଇମ୍ଫାଲରେ କାର୍ଯ୍ୟ କରୁଛନ୍ତି । ୧୨ରୁ ୧୪ ବର୍ଷ ବୟସର ୧୫୦ ପିଲାଙ୍କୁ ସେ ପ୍ରଶିକ୍ଷଣ ଦେଉଛନ୍ତି ।
୧୯୯୮ ବ୍ୟାଂକକ ଏସିଆଡ୍‌ରେ ଡିଙ୍ଗକୋ ୫୪ କିଲୋ ବର୍ଗରେ ସ୍ୱର୍ଣ୍ଣ ପଦକ ଜିତିଥିଲେ । ପରବର୍ତ୍ତୀ ସମୟରେ ମଧ୍ୟ ବିଭିନ୍ନ ଅନ୍ତର୍ଜାତୀୟ ପ୍ରତିଯୋଗିତାରେ ଭାଗ ନେଇ ସଫଳ ପାଇଥିଲେ । ଡିଙ୍ଗକୋ ପୂର୍ବ କଥା ମନେ ପକାଇ କହିଥିଲେ, ଗୌତମ ଗମ୍ଭୀରଙ୍କ ଯୋଗୁ ନୂଆ ଜୀବନ ପାଇଛି । ତାଙ୍କୁ ସାକ୍ଷାତ କରିବା ପାଇଁ ବହୁବାର ଉଦ୍ୟମ କରିଛି । ଭାବିଥିଲି ମୁମ୍ବାଇରେ ସାକ୍ଷାତ ହୋଇପାରେ । କିନ୍ତୁ ତାଙ୍କୁ ମଧ୍ୟ ଏଠାରେ ଭେଟି ପାରିଲି ନାହିଁ । ଏଥିପାଇଁ ବହୁତ ଦୁଃଖିତ । ଗୌତମଙ୍କୁ ଭେଟି ଧନ୍ୟବାଦ ଜଣାଇବାକୁ ଚାହେଁ ।’ ଚିକିତ୍ସା ପାଇଁ ଡିଙ୍ଗକୋ ଇମ୍ଫାଲରେ ତାଙ୍କର ପୁରୁଣା ଘର ବିକ୍ରି କରି ଦେଇଥିଲେ । ପରେ ତାଙ୍କୁ କେନ୍ଦ୍ର ସରକାର ଚିକିତ୍ସା ପାଇଁ ସହାୟତା ପ୍ରଦାନ କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.