୪ ହଜାର ଛଟେଇ କରିବ ଡିଜ୍ନୀ, ବଜେଟ କାଟଛାଟ ପାଇଁ ଏପ୍ରିଲରେ ବିଦା ହେବେ କର୍ମଚାରୀ
ନୂଆଦିଲ୍ଲୀ,୨୦/୦୩: ମନୋରଞ୍ଜନ କ୍ଷେତ୍ରରେ ପ୍ରମୁଖ କମ୍ପାନି ଡିଜ୍ନୀ ଏହାର ୪ ହଜାର କର୍ମଚାରୀଙ୍କୁ ଛଟେଇ କରିବ । ଆସନ୍ତା ମାସରେ ଏହି ଛଟେଇ ହେବ ବୋଲି ଏକ ରିପୋର୍ଟରେ ପ୍ରକାଶ ପାଇଛି । କେଉଁ କର୍ମଚାରୀଙ୍କୁ କଢ଼ାଯିବ ଏବଂ ବଜେଟ କାଟ କରିବା ନେଇ କମ୍ପାନି ଏହାର ମ୍ୟାନେଜରଙ୍କୁ କହିଛି । ବ୍ୟାଚ୍ରେ ଏକାଥରକେ ଏହି ଛଟେଇ ହେବ ବୋଲି ଏ ଯାଏ କିଛି ସ୍ପଷ୍ଟ ହୋଇନାହିଁ । ତେବେ ଏପ୍ରିଲରେ ଏହି ଛଟେଇ ହେବ ବୋଲି ରିପୋର୍ଟରେ କୁହାଯାଇଛି ।
୭ ହଜାର କର୍ମଚାରୀଙ୍କୁ ଛଟେଇ କରିବା ନେଇ କମ୍ପାନିର ସିଇଓ ବବ୍ ଆଇଗର ଜାନୁଆରି ମାସରେ ଘୋଷଣା କରିଥିଲେ । କମ୍ପାନିକୁ ପୁନର୍ଗଠିତ କରିବା, କଣ୍ଟେଣ୍ଟ ହ୍ରାସ ଏବଂ ପେରୋଲରେ ହ୍ରାସ ଉପରେ ଏବେ ଏହା କାମ କରିବାକୁ ନିଷ୍ପତ୍ତି ନେଇଛି । ଆଗାମି ଦିନ ଗୁଡିକରେ ୩ ବିଲିୟନ ଡଲାର ସଞ୍ଚୟ କରିବା ଉପରେ କମ୍ପାନି ଫୋକସ କରିଛ।
