ଘର କିମ୍ବା ଅଫିସ୍‌ରେ ଭୁଲରେ ବି ଏହି ଦିଗରେ ଲଗାନ୍ତୁନି ଘଣ୍ଟା, ନଚେତ୍ ଆରମ୍ଭ ହୋଇଯିବ ଖରାପ ସମୟ

ନୂଆଦିଲ୍ଲୀ ୦୧/୦୪: ସମୟ ଆମ ସମସ୍ତ ଜୀବନରେ ଗୁରୁତ୍ୱପୂର୍ଣ୍ଣ। ସମୟଠାରୁ ଅଧିକ ଶକ୍ତିଶାଳୀ କିଛି ନାହିଁ । ଏହି ସମୟ ଜାଣିବା ପାଇଁ ଆମେ ଘରେ ଘଣ୍ଟା ରଖୁ। ଲୋକମାନେ ନିଜ ଘରେ ଅନେକ ପ୍ରକାରର ସୁନ୍ଦର ଘଣ୍ଟା ରଖନ୍ତି। କିନ୍ତୁ ଏହି କାନ୍ଥ ଘଣ୍ଟା ମଧ୍ୟ ସମସ୍ୟା ସୃଷ୍ଟି କରିପାରେ। ବାସ୍ତୁ ଶାସ୍ତ୍ର ଅନୁଯାୟୀ, ଯଦି କାନ୍ଥ ଘଣ୍ଟା ସଠିକ୍ ଦିଗରେ ରଖାନଯାଏ, ତେବେ ଏହା ଖରାପ ସମସ୍ୟା ସୃଷ୍ଟି କରିପାରେ। ଏହାର କାରଣ ହେଉଛି ବାସ୍ତୁ ଦୋଷ। ତେବେ ଜାଣି ରଖନ୍ତୁ ଘରେ କେଉଁ ଦିଗରେ ଘଣ୍ଟା ଲଗାଇବା ଶୁଭ ହୋଇଥାଏ।

ଏହି ଦିଗରେ ଘଣ୍ଟା ଲଗାଇବା ଦ୍ୱାରା ମିଳିଥାଏ ଶୁଭ ପରିଣାମ :

ବାସ୍ତୁ ଅନୁଯାୟୀ, କାନ୍ଥ ଘଣ୍ଟାକୁ ଘର କିମ୍ବା ଅଫିସର ପୂର୍ବ, ପଶ୍ଚିମ କିମ୍ବା ଉତ୍ତର ଦିଗରେ ଲଗାଇବା ଉଚିତ୍। ଏହି ଦିଗଗୁଡ଼ିକ ଘରେ ସକରାତ୍ମକ ଶକ୍ତି ଆଣିଥାଏ। ଏହି ଦିଗରେ ଘଣ୍ଟା ରଖିବା ଦ୍ୱାରା ଆମର ସମୟ ଭଲ ରହିଥାଏ।

ଏହି ଦିଗରେ କେବେ ବି ଲଗାନ୍ତୁନି ଘଡି :

ସଠିକ୍ ଦିଗରେ ଘଣ୍ଟା ଲଗାଇବା ଦ୍ୱାରା ଭଲ ଫଳାଫଳ ମିଳିଥାଏ। ଅନ୍ୟ ପକ୍ଷେ, ଯଦି ଘଣ୍ଟା ଘରେ କିମ୍ବା ଅଫିସରେ ଭୁଲ ଦିଗରେ ଲଗାଯାଇଥାଏ, ତେବେ ଏହା ଆପଣଙ୍କ ପାଇଁ ନକାରାତ୍ମକ ଫଳାଫଳ ଆଣିପାରେ। ସେଥିପାଇଁ ସଠିକ୍ ଦିଗ ବାଛିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ବାସ୍ତୁ ଶାସ୍ତ୍ର ଅନୁଯାୟୀ, ଘର କିମ୍ବା କାର୍ଯ୍ୟାଳୟର ଦକ୍ଷିଣ କାନ୍ଥରେ ଘଣ୍ଟା ଲଗାଇବା ଉଚିତ୍ ନୁହେଁ, କାରଣ ଦକ୍ଷିଣ ଦିଗକୁ ଯମଙ୍କ ଦିଗ ଭାବରେ ବିବେଚନା କରାଯାଏ।

ଏହି ସ୍ଥାନରେ ବି ଲଗାଇବା ଅନୁଚିତ୍ :

ଘଣ୍ଟାକୁ ଦକ୍ଷିଣ ଦିଗରେ ଲଗାଇବା ଦ୍ୱାରା ବ୍ୟବସାୟ ପଥରେ ବାଧା ଆସିବା ଆରମ୍ଭ ହୁଏ। ଆହୁରି ମଧ୍ୟ ଘରର ଲୋକଙ୍କ ଉପରେ ନକାରାତ୍ମକ ପ୍ରଭାବ ପଡିଥାଏ। ଦକ୍ଷିଣ ଦିଗ ବ୍ୟତୀତ, ଘରର ମୁଖ୍ୟ ଦ୍ୱାରରେ ଘଣ୍ଟା ଲଗାନ୍ତୁ ନାହିଁ । ଏହା ବ୍ୟତୀତ କବାଟ ଉପରେ ଘଣ୍ଟା ରଖିବା ଉଚିତ୍ ନୁହେଁ। ଏହା ଦ୍ୱାରା ଆର୍ଥିକ ସମସ୍ୟାର ସମ୍ମୁଖୀନ ହେବାକୁ ପଡିଥାଏ।