ନୂଆଦିଲ୍ଲୀ ୨୩/୦୫: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସ୍ପଷ୍ଟ କରିଛନ୍ତି ଯେ ସାରା ବିଶ୍ୱରେ ଚାଲିଥିବା ଅଶାନ୍ତି ଯୋଗୁଁ ସେ ତାଙ୍କ ପୁଅ ଡୋନାଲ୍ଡ ଟ୍ରମ୍ପ ଜୁନିଅରଙ୍କ ବିବାହରେ ଯୋଗ ଦେବେ ନାହିଁ। ଟ୍ରମ୍ପ ନିଶ୍ଚିତ କରିଛନ୍ତି ଯେ ସେ ବେଟିନା ଆଣ୍ଡରସନଙ୍କ ସହ ତାଙ୍କ ପୁଅର ବିବାହରେ ଯୋଗ ଦେବେ ନାହିଁ। ସେ କହିଛନ୍ତି ଯେ ଏହି ଗୁରୁତ୍ୱପୂର୍ଣ୍ଣ ସମୟରେ ୱାଶିଂଟନ ଡିସିର ହ୍ୱାଇଟ୍ ହାଉସରେ ରହିବା ତାଙ୍କ ପାଇଁ ଗୁରୁତ୍ୱପୂର୍ଣ୍ଣ।
ଡୋନାଲ୍ଡ ଟ୍ରମ୍ପ ଟ୍ରୁଥ୍ ସୋସିଆଲରେ ଏକ ପୋଷ୍ଟରେ ଲେଖିଛନ୍ତି, "ଯଦିଓ ମୁଁ ମୋର ପୁଅ ଡୋନାଲ୍ଡ ଟ୍ରମ୍ପ ଜୁନିଅର ଏବଂ ଟ୍ରମ୍ପ ପରିବାରର ନୂଆ ସଦସ୍ୟ, ତାଙ୍କ ଭାବି ପତ୍ନୀ ବେଟିନାଙ୍କ ସହିତ ଏହି ବିଶେଷ ଅବସରରେ ରହିବାକୁ ଚାହୁଁଥିଲି, କିନ୍ତୁ ସରକାରୀ କାରଣ ଏବଂ ଆମେରିକା ପ୍ରତି ମୋର ପ୍ରେମ ଯୋଗୁଁ, ମୁଁ ଏହା କରିପାରିବି ନାହିଁ। ମୁଁ ଭାବୁଛି ଯେ ଏହି ଗୁରୁତ୍ୱପୂର୍ଣ୍ଣ ସମୟରେ ୱାଶିଂଟନ୍, ଡିସିର ହ୍ୱାଇଟ୍ ହାଉସରେ ରହିବା ମୋ ପାଇଁ ଅଧିକ ଗୁରୁତ୍ୱପୂର୍ଣ୍ଣ। ଡୋନାଲ୍ଡ ଟ୍ରମ୍ପ ଜୁନିଅର ଏବଂ ବେଟିନାଙ୍କୁ ଅଭିନନ୍ଦନ!"
ଏହା ପୂର୍ବରୁ ଗୁରୁବାର ଦିନ ଟ୍ରମ୍ପ ହ୍ୱାଇଟ୍ ହାଉସରେ ସାମ୍ବାଦିକମାନଙ୍କୁ କହିଥିଲେ ଯେ ‘ଇରାନ ଏବଂ ଅନ୍ୟାନ୍ୟ ସମସ୍ୟା’ ଯୋଗୁଁ ତାଙ୍କ ପୁଅର ବିବାହର ସମୟ ଠିକ୍ ନୁହେଁ ଏବଂ ସେ ବର୍ତ୍ତମାନ ପାଇଁ ୱାଶିଂଟନ୍, ଡିସିରେ ରହିବେ।
ଆହୁରି ପଢ଼ନ୍ତୁ...Ivanka Trump: ରାଷ୍ଟ୍ରପତି ଟ୍ରମ୍ପଙ୍କ ଝିଅ ଇଭାଙ୍କାଙ୍କୁ ହତ୍ୟା ଉଦ୍ୟମ; ସାମ୍ନାକୁ ଆସିଲା ଇରାନ୍ କନେକ୍ସନ୍, ବ୍ଲୁ ପ୍ରିଣ୍ଟ କରିଥିଲା ସନ୍ଦିଗ୍ଧ
ତେବେ ଯୁଦ୍ଧବିରତି ସତ୍ତ୍ୱେ, ଇରାନ ଏବଂ ଆମେରିକା ମଧ୍ୟରେ ଉତ୍ତେଜନା ଜାରି ରହିଛି। ଟ୍ରମ୍ପ କେତେବେଳେ ଚୁକ୍ତି ଶୀଘ୍ର ହେବା ବିଷୟରେ ଆଉ କେତେବେଳେ ଇରାନକୁ ଶିକ୍ଷା ଦେବା ବିଷୟରେ କଥା ହେଉଛନ୍ତି। ତେଣୁ, ଏହି ଉତ୍ତେଜନା ପୁଣି ଯୁଦ୍ଧରେ ପରିଣତ ହେବ କି ଶାନ୍ତି ଚୁକ୍ତି ସ୍ୱାକ୍ଷରିତ ହେବ ତାହା କହିବା କଷ୍ଟକର। ହୁଏତ ଏହି ଅନିଶ୍ଚିତ ପରିସ୍ଥିତିକୁ ଦୃଷ୍ଟିରେ ରଖି ଟ୍ରମ୍ପ ତାଙ୍କ ପୁଅର ବିବାହ ବାତିଲ କରିଥାଇପାରନ୍ତି।
