ନୂଆଦିଲ୍ଲୀ,୩୦/୦୧: ଦୁନିଆ ଏବେ ବିନାଶର ଆଉ ଏକ ସେକେଣ୍ଡ ନିକଟତର ହୋଇଛି । ବୈଜ୍ଞାନିକଙ୍କ ଅନୁସାରେ ୨୦୨୫ ବର୍ଷ ପାଇଁ ଡୁମ୍ସ ଡେ’ (ପ୍ରଳୟର ଘଡ଼ି) ଏବେ ୮୯ ସେକେଣ୍ଡକୁ ଆସିଯାଇଛି, ଯାହା କି ପୂର୍ବବର୍ଷ ତୁଳନାରେ ଏକ ସେକେଣ୍ଡ ବଢ଼ିଯାଇଛି । ଏହି ଘଡ଼ି ଅଦ୍ୟାବଧି ଇତିହାସରେ ଅଧରାତିର ସବୁଠୁ ନିକଟରେ ପହଞ୍ଚିଛି ।
ଏହା ସଙ୍କେତ ଦେଉଛି ଯେ, ଆମେ ବୈଶ୍ୱିକ ସଙ୍କଟର ଆହୁରି ପାଖକୁ ଆସିଯାଇଛୁ । ମଧ୍ୟରାତ୍ରି ଅର୍ଥାତ ୧୨ଟାକୁ ପ୍ରତୀକାତ୍ମକ ଭାବେ ପ୍ରଳୟର ସମୟ ମନେ କରାଯାଏ । ପ୍ରତିବର୍ଷ ଜାନୁଆରୀରେ ବୁଲେଟିନ୍ ଅଫ୍ ଆଟମିକ ସାଇଣ୍ଟିଷ୍ଟ୍ସ(ବିଏଏସ୍) ଡୁମ୍ସ ଡେ’ କ୍ଲକ୍ର ନୂଆ ସମୟ ନିର୍ଦ୍ଧାରିତ କରିଥାଏ । ଏହା ଏକ ପ୍ରତୀକାତ୍ମକ ଘଡ଼ି, ଯାହା କି ମାନବତାକୁ ମାନବ-ନିର୍ମିତ ବିପଦର ନିକଟ କିମ୍ବା ଦୂର ଦେଖାଇଥାଏ।
ଗତ ବର୍ଷ ଏହି ଘଡ଼ି ଅଧରାତିରୁ ୯୦ ସେକେଣ୍ଡ ଦୂର ଥିଲା, ଯାହାକୁ ଇତିହାସର ସବୁଠୁ ଖରାପ ସମୟ ବିବେଚନା କରାଯାଇଥିଲା । ଏବେ ସ୍ଥିତି ଅଧିକ ଗମ୍ଭୀର ହୋଇପାରେ । ଏଥର ବିଏଏସ୍ ଘଡ଼ିର କଣ୍ଟାକୁ ୮୯ ସେକେଣ୍ଡରେ ସେଟ୍ କରିଛି । ଡୁମ୍ସେ କ୍ଲକ୍ ମାନବ-ନିର୍ମିତ ବିପଦ ଯେପରି ପରମାଣୁ ଯୁଦ୍ଧ, ଜଳବାୟୁ ପରିବର୍ତ୍ତନ, ଆଟିଫିସିଆଲ ଇଣ୍ଟେଲିଜେନ୍ସ, ଜୈବିକ ଅସ୍ତ୍ର ଭଳି ବିପଦକୁ ମାପିବା ଲାଗି ପ୍ରତୀକାତ୍ମକ ସଙ୍କେତ ।
ଏହାକୁ ପ୍ରଥମେ ୧୯୪୭ରେ ବିଏଏସ୍ ଦ୍ୱାରା ନିଜର ମାସିକ ପତ୍ରିକାର କଭର୍ ଭାବେ ବନାଯାଇଥିଲା । ସେବେଠାରୁ ଏହା ମାନବତାର ବିପଦ ପ୍ରତି ଏକ ପ୍ରମୁଖ ମାପକ ହୋଇଛି । ଏହି ସଙ୍ଗଠନ ପ୍ରତିବର୍ଷ ଜାନୁଆରୀରେ ଘଡ଼ିର ସମୟ ଅପ୍ଡେଟ୍ କରିଥାଏ । ଯଦି ଘଡ଼ି କଣ୍ଟା ଅଧରାତି ନିକଟକୁ ବଢ଼ିଥାଏ ତେବେ ଏହା ଦୁନିଆର ବିଗିଡ଼ୁଥିବା ସ୍ଥିତିକୁ ଦର୍ଶାଏ । ଘଡ଼ି କଣ୍ଟା ପଛକୁ ଗଲେ ବିପଦ କମ୍ ଥାଏ ବୋଲି ଜଣାଯାଏ ।
ରାଷ୍ଟ୍ରପତି ଟ୍ରମ୍ପ୍ ଦେଲେ ଦାୟିତ୍ୱ, ସୁନୀତା ୱିଲିୟମ୍ସଙ୍କୁ ମହାକାଶରୁ ଫେରାଇ ଆଣିବେ ମସ୍କ
