ପ୍ରମୂଖ ଖବର
  • ସୁପର-୮ ମୁକାବିଲା: ବାଂଲାଦେଶକୁ ୫୦ ରନରେ ହରାଇଲା ଭାରତ
  • ||
  • ପରୀକ୍ଷା ହେବାର ଗୋଟିଏ ଦିନ ପୂର୍ବରୁ NEET-PG ଏଣ୍ଟ୍ରାସ୍ ସ୍ଥଗିତ
  • ||
  • ରବିବାରଠୁ ଦୁଇ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଶ୍ରୀବଳଦେବଜିଉ ମନ୍ଦିରରେ କରିବେ ପୂଜାର୍ଚ୍ଚନା
  • ||
  • ଓଟିଇଟି-୨୦୨୪ ପାଇଁ ବିଜ୍ଞପ୍ତି ପ୍ରକାଶ: ଅଗଷ୍ଟ ୯ରେ ପରୀକ୍ଷା, ଜୁନ୍ ୨୪ରୁ ଆବେଦନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍ ସୁପର ୮ ବାଂଲାଦେଶକୁ ଭେଟିବ ଭାରତ, ରୋହିତ, କୋହଲିଙ୍କ ପାଇଁ ସ୍ପିନ୍‌ ପରୀକ୍ଷା
  • ||
  • ରାଜ୍ୟର ୩୦ ଜିଲ୍ଲାକୁ ଛୁଇଁଲା ମୌସୁମୀ: ଆଜି କେନ୍ଦୁଝର, ମୟୂରଭଞ୍ଜରେ ପ୍ରବଳ ବର୍ଷିପାରେ, ୨୭ରେ ଲଘୁଚାପ
  • ||
  • ଦେବସ୍ନାନ ପୂର୍ଣ୍ଣିମା ପାଇଁ ଶ୍ରୀକ୍ଷେତ୍ର​‌ରେ ତ୍ରୀସ୍ତରୀୟ ସୁରକ୍ଷା ବ୍ୟବସ୍ଥା. ୬୮ ଫ୍ଲାଟୁନ୍ ଫୋର୍ସ ମୁତୟନ
  • ||
  • ପୁରୀ: ଆଜି ପବିତ୍ର ସ୍ନାନଯାତ୍ରା , ରତ୍ନସିଂହାନରୁ ସ୍ନାନବେଦୀକୁ ଧାଡି ପହଣ୍ଡିରେ ବିଜେ କରୁଛନ୍ତି ଶ୍ରୀଜିଉ
  • ||

ସିଂହଦ୍ୱାର ସାମ୍ନାରେ ନଳାପାଣିର ସୁଅ, ମାରା ହୋଇ ମହାପ୍ରଭୁଙ୍କୁ ଦର୍ଶନ

ପୁରୀ,୯ା୨(ବ୍ୟୁରୋ): ପ୍ରତିଦିନ ଦେଶବିଦେଶରୁ ଭକ୍ତମାନେ ଶ୍ରୀକ୍ଷେତ୍ରକୁ ଛୁଟି ଆସୁଛନ୍ତି । ମନରେ ଅସୁମାରୀ ଆଶା ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତିଙ୍କ ଆଶୀର୍ବାଦ ପାଇଁ ଜନ୍ମଜନ୍ମାନ୍ତର ସ୍ୱପ୍ନ ସାର୍ଥକ ହେବ, ପୂଣ୍ୟଫଳ ମିଳିବ । କିନ୍ତୁ ଏତକ ବି ଭଲରେ କରାଇ ଦେଉନାହିଁ ପୁରୀ ଜିଲ୍ଲା ପ୍ରଶାସନ । ପୁରୀରେ ଡ୍ରେନେଜ୍‌ ବ୍ୟବସ୍ଥାର କୁପରିଚାଳନା ଯୋଗୁ ସିଂହଦ୍ୱାର ସାମ୍ନାରେ ନଳାପାଣି ଲହଡ଼ି ଭାଙ୍ଗୁଛି । ନଳାପାଣି ଘେରରେ ରହିଛି ବଡ଼ଦେଉଳ । ଭକ୍ତମାନେ ନଳାପାଣି, ଗୁହ ମୂତ ମାଡ଼ି ମାରା ହୋଇ ଶ୍ରୀମନ୍ଦିରକୁ ଯାଉଛନ୍ତି । ଯେଉଁ ପବିତ୍ର ମନ ନେଇ ମହାପ୍ରଭୁଙ୍କୁ ଦର୍ଶନ ପାଇଁ ଆସୁଛନ୍ତି ତାହା ନଳାପାଣି ମାଡ଼ିବା ପରେ ବିରକ୍ତିରେ ମନ ବିଷ ହୋଇଯାଉଛି ।
ଶ୍ରୀମନ୍ଦିରର କେବଳ ସିଂହଦ୍ୱାର ଦେଇ ଭକ୍ତମାନେ ପ୍ରବେଶ କରିବେ । ଏଭଳି କଟକଣା ଜାରି କରିଛି ପ୍ରଶାସନ । ସିଂହଦ୍ୱାରକୁ କିନ୍ତୁ ପ୍ରଦୂଷଣମୁକ୍ତ ରଖିନାହିଁ । ଶନିବାର ଅପରାହ୍ନ ୪ଟା ପରଠାରୁ ସିଂହଦ୍ୱାର ସାମ୍‌ନା ନଳାରୁ ଉଛୁଳି ଥିଲା ବର୍ଜ୍ୟପାଣି । ସାଢ଼େ ୬ଟା ପର୍ଯ୍ୟନ୍ତ ଏହି ଅବସ୍ଥା ଲାଗି ରହିଥିଲା । ପାଣିକୁ ବନ୍ଦ କରିବାକୁ କେହି ଆସିନଥିଲେ । ସନ୍ଧ୍ୟା ପର୍ଯ୍ୟନ୍ତ ନଳାପାଣିରେ ଭକ୍ତମାନେ ନାକ ଟେକି ସିଂହଦ୍ୱାର ଦେଇ ଶ୍ରୀମନ୍ଦିରକୁ ପ୍ରବେଶ କରୁଥିଲେ । ନଳାପାଣିର ସୁଅ ବଡ଼ଦାଣ୍ଡରେ ଗଡ଼ି ଯାଇଥିଲା ମରିଚକୋଟ ଛକ ପର୍ଯ୍ୟନ୍ତ । ରବିବାର ରଥଖଳାରେ ରଥ ଅନୁକୂଳ ହେବ । ଆଗକୁ ରଥ ନିର୍ମାଣ ଜୋର୍‌ସୋର୍‌ରେ ଚାଲିବ । ରଥଖଳାରେ ନଳା ପାଣି ପଶି ରଥକାଠ ବି ମାରା ହେବ । ଏଥିପ୍ରତି ପୌରସଂସ୍ଥା ଦୃଷ୍ଟି ଦେବାକୁ ସହରବାସୀ ଦାବି କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.