ଡେରାଡୁନ,୦୫/୦୬: ଉତ୍ତରାଖଣ୍ଡର ୩ ମନ୍ଦିରରେ ମହିଳା ଓ ଯୁବତୀମାନଙ୍କ ଲାଗି ନୂଆ ଡ୍ରେସ୍ କୋଡ୍ ଲାଗୁ ହୋଇଛି । ହରିଦ୍ୱାରର ଦକ୍ଷ ପ୍ରଜାପତି ମନ୍ଦିର, ପୌଡ଼ିର ନୀଳକଣ୍ଠ ମହାଦେବ ମନ୍ଦିର ଏବଂ ଡେରାଡୁନ୍ର ଟପକେଶ୍ୱର ମହାଦେବ ମନ୍ଦିରରେ ଯୁବତୀମାନେ ଛୋଟ ପୋଷାକ ପିନ୍ଧି ଦର୍ଶନ କରିପାରିବେ ନାହିଁ । ଏହି ୩ ମନ୍ଦିରର ପରିଚାଳନା କରୁଥିବା ମହାନିର୍ବାଣୀ ଆଖଡ଼ା ପକ୍ଷରୁ ଏ ନେଇ ନିର୍ଦ୍ଦେଶନାମା ଜାରି କରାଯାଇଛି ।
ନିର୍ଦ୍ଦେଶନାମା ମୁତାବକ ମହିଳା ଓ ଯୁବତୀମାନେ ସ୍କର୍ଟ କିମ୍ବା ସର୍ଟସ୍ ପିନ୍ଧି ଯାଇଥିଲେ, ସେମାନଙ୍କୁ ମନ୍ଦିର ମଧ୍ୟରେ ପ୍ରବେଶ ଅନୁମତି ମିଳିବ ନାହିଁ । ଯେଉଁ ମହିଳାମାନଙ୍କ ଶରୀର ୮୦% ପୋଷାକ ଦ୍ୱାରା ଘୋଡ଼େଇ ହୋଇଥିବ, କେବଳ ସେମାନେ ହିଁ ମନ୍ଦିର ମଧ୍ୟରେ ପଶି ଦର୍ଶନ କରିପାରିବେ । ଆଖଡ଼ାର ସଚିବ ମହନ୍ତ ରବିନ୍ଦର ପୁରୀ କହିଛନ୍ତି, ଶ୍ରଦ୍ଧାଳୁମାନେ ପାରମ୍ପରିକ ପୋଷାକ ପରିଧାନ କରି ମନ୍ଦିର ଆସିବା ଉଚିତ । ଏହାଦ୍ୱାରା ମନ୍ଦିରଗୁଡ଼ିକରେ ପବିତ୍ରତା ବଜାୟ ରହିବ । ଡେରାଡୁନର ଟପକେଶ୍ୱର ମହାଦେବ ମନ୍ଦିରରେ ଏଥିପାଇଁ ଏକ ବୋର୍ଡ ଗଠନ କରାଯାଇଛି । ଉତ୍ତରାଖଣ୍ଡ ପୂର୍ବରୁ ମହାରାଷ୍ଟ୍ରର ନାଗପୁରଠାରେ ୪ ମନ୍ଦିରରେ ମଧ୍ୟ ଡ୍ରେସ୍ କୋଡ୍ ଲାଗୁ ହୋଇଥିଲା । ମହାରାଷ୍ଟ୍ର ମନ୍ଦିର ମହାସଂଘ ମାର୍ଚ୍ଚ ୨୬ରେ ଗୋପାଳକୃଷ୍ଣ ମନ୍ଦିର, ସଙ୍କଟମୋଚନ ପଞ୍ଚମୁଖୀ ହନୁମାନ ମନ୍ଦିର, ବୃହସ୍ପତି ମନ୍ଦିର ଏବଂ ହିଲ୍ଟପ୍ ଦୁର୍ଗାମାତା ମନ୍ଦିରରେ ଆପତ୍ତିଜନକ ପୋଷାକ ପିନ୍ଧିଲେ ପ୍ରବେଶ ଅନୁମତି ମିଳିବ ନାହିଁ ବୋଲି ଘୋଷଣା ହୋଇଥିଲା।
wp:embed {"url":"https://www.prameya.com/son-met-his-father-after-10-years/","type":"wp-embed","providerNameSlug":"prameya"}
